តម្រូវការនាំចូលដែកធ្លាក់ចុះ ជិត​៥០ ភាគរយក្នុងឆ្នាំ ២០២០ ខណៈការនាំចេញហក់ឡើងខ្ពស់ហួសពីការស្មាន
Connect with us
Helistar Cambodia - Helicopter Charter Services

ព័ត៌មានជាតិ

តម្រូវការនាំចូលដែកធ្លាក់ចុះ ជិត​៥០ ភាគរយក្នុងឆ្នាំ ២០២០ ខណៈការនាំចេញហក់ឡើងខ្ពស់ហួសពីការស្មាន

Published

on

រូបភាពកម្មករកំពុសាងសង់អគារសំណង់

នៅក្នុងរយៈពេលពេញមួយឆ្នាំ ២០២០ ការនាំចូលដែកសាងសង់មានការធ្លាក់ចុះជិត ៥០ ភាគរយ ហើយសញ្ញានៃការធ្លាក់ចុះនេះ បង្ហាញថាវិស័យសំណង់មានការថមថយ ខណៈដែលការនាំចេញវិញ មានការហក់ឡើងខ្លាំងគួរឲ្យ​កត់​សម្គាល់។

ប្រធានក្រុមហ៊ុន អចលនទ្រព្យ ខ្មែររៀលអេស្ទេត លោក បណ្ឌិតគឹម ហ៊ាង ប្រាប់កម្ពុជាថ្មីថា ការសាងសង់នៅកម្ពុជាមានការធ្លាក់ចុះ ដោយសារការរាតត្បាតពីជំងឺកូវីដ១៩ រយៈពេល១ ឆ្នាំនេះ លោកអះអាងបែបនេះ តាមរយៈការមើលទៅលើគម្រោងជាច្រើន មានការធ្លាក់ចុះក្នុងការលក់ ដូច្នេះការសាងសង់ក៏ធ្លាក់ចុះដូចគ្នា។

លោក គឹម ហ៊ាង បញ្ជាក់ថា “ប្រសិនបើមានការសាងសង់កើនឡើង ហើយការលក់កើនឡើងនោះតម្រូវការ​សម្ភារៈសំណង់ដូចជាដែក ក៏កើនឡើងដែរ ប៉ុន្តែនៅពេលដែលការលក់ធ្លាក់ចុះ ប្រាកដណាស់សំណង់ក៏ចុះតាមដែរ ហើយតម្រូវការដែកក៏ចុះតាមហ្នឹងដែរ”។

ចំណែកឯលោក ជីវ ស៊ីផេង អ្នកគ្រប់គ្រងទូទៅរបស់សមាគមអ្នកសាងសង់កម្ពុជា បានប្រាប់កម្ពុជាថ្មីដែរថា គម្រោង​សាងសង់កាលពីឆ្នាំ២០២០ កន្លងទៅ នៅតែបន្តទៅមុខ ខណៈមានម្ចាស់គម្រោងមួយចំនួន ក៏បង្អង់ល្បឿនសាងសង់ដោយរង់ចាំមើលការថមថយនៃឥទ្ធិពលនៃជំងឺកូវីដ១៩។

លោកជីវ ស៊ីផេងថា ការសាង​​សង់កាលពីឆ្នាំកន្លងទៅ នៅតែមានការកើនឡើង ហើយតម្រូវការដែកក៏មានច្រើនដែរ។

របាយការណ៍របស់ក្រសួងពាណិជ្ជកម្មបង្ហាញថា ការនាំចូលប្រភេទដែកមួយចំនួន ដូចជាដែកស្មិត និងដែកថែប មានការធ្លាក់ចុះ ជិត ៥០ ភាគរយ ក្នុងឆ្នាំ ២០២០ បើប្រៀបធៀបនឹងរយៈពេលដូចគ្នា នឹងឆ្នាំ ២០១៩។

នៅឆ្នាំ ២០១៩ ការនាំចូលដែក មានជាង ៤ រយលានតោន (៤៧៧,២៦៣,០៨១) ខណៈដែលឆ្នាំ ២០២០ ចំនួនត្រឹមតែជាង ២ រយលានតោន (២៨១,០៦០,២២៣)។

របាយការណ៍ដដែល បញ្ជាក់ថា សម្រាប់ការនាំចេញដែកនៅកម្ពុជាវិញ មានការកើនឡើងគួរឲ្យកត់សម្គាល់ ដោយការនាំចេញបានកើនឡើង ជិត ៥ ដងនៅឆ្នាំ ២០២០ ប្រៀបធៀបនឹងឆ្នាំ ២០១៩។

ការនាំចេញដែកនៅឆ្នាំ ២០១៩ មានត្រឹមតែ ជាង ១ លានតោន (១,៣៧៤,៩៣១) ខណៈការនាំចេញនៅឆ្នាំ ២០២០ បានកើនឡើងដល់ជាង ៦ លានតោន (៦,២០១,៣៧៥)៕

អត្ថបទ៖ ឡេង ដេត

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ27 mins ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ47 mins ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ1 hour ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ3 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ3 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services