តម្លៃដំឡូងមី នៅស្រុកសំឡូតហក់ឡើងបន្តិច តែទិន្នផលថយចុះខ្លះ
Connect with us
Helistar Cambodia - Helicopter Charter Services

ព័ត៌មានជាតិ

តម្លៃដំឡូងមី នៅស្រុកសំឡូតហក់ឡើងបន្តិច តែទិន្នផលថយចុះខ្លះ

បានផុស

នៅ

តម្លៃដំឡូងមីស្រស់ និងស្ងួត ក្នុងឆ្នាំនេះ មានការកើនឡើងបន្តិចបន្ទួច បើបៀបធៀបជាមួយឆ្នាំកន្លងទៅ ខណៈការប្រមូលផលរបស់ប្រជាកសិករ មានការថយចុះ ដោយសារកត្តា អាកាសធាតុ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឈ្មួញកណ្តាលម្នាក់ ដែលរស់ នៅតំបន់ស្រុកជាប់ព្រំដែនខេត្តបាត់ដំបង គឺលោក នាក់ សំណាង បានឱ្យដឹងថា តម្លៃដំឡូងមី ស្រស់ ដែលដឹកលក់ឱ្យសាយឡូថៃ នៅឆ្នាំនេះ បានតម្លៃ ២,៥០ បាត និងដំឡូងមីស្ងួត បាន៦បាត ក្នុង ១ គីឡូក្រាម បើធៀបនឹងឆ្នាំកន្លងទៅ ដំឡូងមីស្រស់ ១ គីឡូក្រាម បានតែ ២,២០ បាត ទៅ ២,៣០ បាត និង ដំឡូងស្ងួត បានតែ ៥,៤០ បាត តែប៉ុណ្ណោះ ។

ឈ្មួញកណ្តាលរូបនេះ បានបញ្ជាក់ថា តម្លៃដំឡូងមីឆ្នាំនេះ ថ្វីត្បិតតែឡើងជាងមុនបន្តិច តែទិន្នផលធ្លាក់ចុះច្រើន ដោយ​សារបញ្ហាអាកាសធាតុ ធ្វើឱ្យដំឡូងមិនសូវល្អ និងរលួយ។ លោកឱ្យដឹងថា កសិករខ្លះធ្លាប់លក់បាន២០ម៉ឺនបាត ប្រហែលជាង៦០០០ដុល្លារ នាឆ្នាំកន្លងទៅ តែឆ្នាំនេះ អាចលក់បាន៦ទៅ៧ម៉ឺនបាត ឬជិត២០០០ដុល្លារ ។

ទាក់ទងការប្រមូលផលដំឡូងនាឆ្នាំ នេះដែរ លោក សើ សាម៉េត អភិបាលស្រុកសំឡូត បានបញ្ជាក់ដែរថា ក្នុងស្រុកសំឡូតទាំងមូល កសិករបានដាំដំឡូងមីចំនួន២៥៤៧០ហិចតា ហើយបច្ចុប្បន្ន កសិករកំពុងប្រមូលផល ។លោកបញ្ជាក់ថា ឆ្នាំនេះអាកាសធាតុមិនអំណោយផល ធ្វើឱ្យដំឡូងមានការធ្លាក់ចុះនូវទិន្នផលមួយចំនួន ។

លោកបញ្ជាក់ថា តម្លៃឆ្នាំនេះ មិនសូវខុសគ្នាប៉ុន្មាននោះទេ បើទោះបីកម្ពុជា និងប្រទេសជិតខាង កំពុងប្រឈមមុខ នឹងជំងឺកូវីដ១៩ ក៏ដោយ ។ តម្លៃថេរនេះ ដោយសារតែមានរោងចក្រកែឆ្នៃដំឡូងមីនៅស្រុករតនមណ្ឌល ប្រមូល​ទិន្នផលដំឡូង នៅស្រុកសំឡូត និងស្រុករតនមណ្ឌល និង ទីផ្សារមួយទៀត ឈ្មួញកណ្តាល បានទិញយកស្តុកនៅសាយឡូក្បែរព្រំដែន និងលក់បន្តឱ្យឈ្មូញថៃ ដែលចូលមកទិញបន្ត ៕

អទ្ថបទ ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services