ព័ត៌មានជាតិ

ការប្រមូលពន្ធលើអាជីវកម្មអនឡាញនៅកម្ពុជា ជិតមានពន្លឺថ្មី

បានផុស

៥ years មុន

នៅ

ថ្ងៃសុក្រ ២៩ មករា ២០២១

ដោយ

ការប្រមូលពន្ធលើសេវាឌីជីថលនៅកម្ពុជា កំពុងស្ថិតនៅក្រោមដំណើរការសិក្សាផ្ទៃក្នុងជិតមានពន្លឺ ក្រោយមានកិច្ចប្រជុំពីអន្តរក្រសួង និងភាគីពាក់ព័ន្ធកាលពីពេលថ្មីៗនេះ។

លោក មាស ប៉ូ អនុរដ្ឋលេខាធិការ ក្រសួងប្រៃសណីយ៍ និងទូរគមនាគមន៍ បានថ្លែងប្រាប់កម្ពុជាថ្មីនៅថ្ងៃសុក្រនេះថា ក្រុមការងារអន្តរក្រសួងបានជួបប្រជុំគ្នា ដើម្បីរៀបចំគោលនយោបាយលើការអនុវត្តការប្រមូលពន្ធឌីជីថល។

មុនពេលដាក់ឲ្យដំណើរការ ការប្រមូលពន្ធលើសេវាឌីជីថលត្រូវតែអនុវត្តប្រកបដោយតម្លាភាព។ ភាគីពាក់ព័ន្ធត្រូវប្រមូលធាតុចូល សិក្សាពីគុណសម្បត្តិ និងគុណវិបត្តិ ព្រមទាំងត្រូវធ្វើការស្រាវជ្រាវឱ្យបានទូលំទូលាយលើទិដ្ឋភាពច្បាប់ និងយន្តការនានា ដើម្បីអនុវត្តប្រកបដោយប្រសិទ្ធភាព និងតម្លាភាព។

លោកបន្តថា កាតព្វកិច្ចពន្ធត្រូវតែបំពេញដោយប្រតិបត្តិករនៅកម្ពុជា ឬពាណិជ្ជកម្មអេឡិចត្រូនិចឆ្លងកាត់ព្រំដែន ស្ថិតនៅក្រោមក្របខណ្ឌអង្គការពាណិជ្ជកម្មពិភពលោក (WTO)។

លោក សុខ សុភ័ក្រ្ត រដ្ឋលេខាធិការក្រសួងពាណិជ្ជកម្ម បានលើកឡើងអំពីនិន្នាការអន្តរជាតិ និងតំបន់ចំពោះការកំណត់ពន្ធលើផលិតផលនិងសេវាឌីជីថល។

ការប្រមូលពន្ធលើសេវាឌីជីថល ត្រូវបានកំណត់ដោយរាជរដ្ឋាភិបាល លើសកម្មភាពអាជីវកម្មតាមប្រព័ន្ធអនឡាញ រួមមានការស្វែងរកពាណិជ្ជកម្មអេឡិចត្រូនិច និងសេវាកម្មទូទាត់តាមទូរសព្ទចល័ត។ រាជរដ្ឋាភិបាលនឹងចាប់ផ្ដើមប្រមូលពន្ធពីក្រុមហ៊ុនដែលមិនមានសាខានៅក្នុងប្រទេសកម្ពុជា ជាវិធានការមួយក្នុងការបង្កើនការប្រមូលពន្ធចូលថវិកាជាតិ។

បើតាមអនុរដ្ឋលេខាធិការ លោក មាស ប៉ូ តាមរយៈកិច្ចប្រជុំអន្តរក្រសួងដែលមានក្រសួងពាណិជ្ជកម្ម ក្រសួងប្រៃសណីយ៍ និងទូរគមនាគមន៍ និងក្រសួងសេដ្ឋកិច្ច យន្តការនិងនីតិវិធីលើការប្រមូលពន្ធឌីជីថល អាចត្រូវបានប្រកាសនៅអំឡុងខែកុម្ភៈនេះ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ ឡេង ដេត

Related Topics:ក្រសួងប្រៃសណីយ៍ និងទូរគមនាគមន៍Featured

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា