Connect with us

ព័ត៌មានជាតិ

កំពង់ផែទេសចរណ៍ខេត្តកែប​គ្រោង​នឹង​បញ្ចប់​ការ​សាងសង់​​ចុង​ឆ្នាំ​នេះ​

បានផុស

នៅ

កែបគឺជាខេត្តឆ្នេរសមុទ្រដ៍មានសក្តានុពលទេសចរណ៍មួយនៅប្រទេសកម្ពុជា បន្ទាប់ពីខេត្តព្រះសីហនុ និងខេត្តកំពត។ ខេត្តនេះមានឆ្នេរសមុទ្រសរុបប្រវែង ២៦.៥០គ.ម មានកោះចំនួន១២ និងមានរមណីយដ្ឋាន និងគោលដៅទេសចរណ៍ទូទាំងខេត្តចំនួន៣៥កន្លែង ដែលបានទាក់ទាញភ្ញៀវទេសចរណ៍ច្រើនកុះករជារៀងរាល់ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែកាលពីឆ្នាំ២០២០កន្លងទៅនេះ ចំនួនភ្ញៀវទេសចរណ៍នៅខេត្តកែបបានធ្លាក់ចុះ២០ភាគរយ ដោយសារការរីករាល ដាលនៃជំងឺកូវីដ១៩នៅកម្ពុជា និងនៅទូទាំងពិភពលោក។ យ៉ាងណាក៏ដោយ វិស័យមួយនេះត្រូវរំពឹងថានឹងមានសន្ទុះខ្លាំងក្លាឡើងវិញនៅឆ្នាំនេះ ជាមួយនឹងការបញ្ចប់គម្រោងសាងសង់កំពង់ផែកោះទន្សាយ និងសុទិដ្ឋិនិយមសេដ្ឋកិច្ចនៅក្នុងប្រទេស។

នៅក្នុងសន្និសីទសារព័ត៌មានស្តីពី «វឌ្ឍនភាពមូលដ្ឋានឃុំ សង្កាត់ និងទិសដៅការងារបន្តរបស់ខេត្តកែប» នៅថ្ងៃទី២ ខែកុម្ភៈ ឆ្នាំ២០២១នេះ លោក ម៉ម ទូច ប្រធានមន្ទីរសាធារណៈការ និងដឹកជញ្ជូនខេត្តកែបមានប្រសាសន៍ថា៖ «គម្រោងជួសជុលកែលម្អរកំពង់ផែទេសចរណ៍កោះទន្សាយនឹងត្រូវសាងសង់ចប់នៅខែសីហា ឆ្នាំ២០២១នេះ បន្ទាប់ពីត្រូវបានពន្យាពេលអស់មួយរយៈដោយសារបញ្ហាបច្ចេកទេស និងជំងឺកូវីដ១៩។»

លោក ម៉ម ទូច បានបន្តថា គម្រោងកំពង់ផែនេះនឹងជួយជំរុញវិស័យទេសចរណ៍ក្នុងខេត្តឱ្យកាន់តែមានភាពទាក់ទាញ និងងាយស្រួលសម្រាប់ភ្ញៀវទេសចរណ៍ជាតិ និងអន្តរជាតិឱ្យមកលេងខេត្តទេសចរណ៍មួយនេះកាន់តែច្រើនថែមទៀត។

គម្រោងកំពង់ផែកោះទន្សាយ ដែលបានសាងសង់លើផ្ទៃដី៣,៤៧០ម៉ែត្រការ៉េ បានចាប់ផ្ដើម កាលពីឆ្នាំ២០២០ និងត្រូវចំណាយថវិការអស់ជាង១លានដុល្លារ ឫ៥ពាន់លានរៀល។

ក្រោយសាងសង់ចប់ វានឹងអនុញ្ញាតិឱ្យនាវា២ប្រភេទចូលចត៖ នាវាប្រភេទទី១ អាចចេញពីឆ្នេរបានចម្ងាយពី ៣៨ ទៅ៥៦គ.ម និងអាចដឹកអ្នកដំណើរបានពី៣០ទៅ១០០នាក់ ចំណែកនាវាប្រភេទទី២ ដែលធ្វើចរាចរណ៍ចេញពីផែបានចម្ងាយ១៦១ទៅ១៩៣គ.ម អាចផ្ទុកមនុស្សបានពី១០០ទៅ៣០០នាក់។ នេះបើយោងតាមក្រសួងសាធារណៈការ និងដឹកជញ្ជូន។

ចំនួនភ្ញៀវទេសចរណ៍នៅខេត្តកែបបានធ្លាក់ចុះ២០,១១ភាគរយ ពីចំនួន ១,៧៤៧,៦២២នាក់នៅឆ្នាំ២០១៩ មកនៅត្រឹមចំនួន១,៣៩៦,១២៥នាក់នៅឆ្នាំ២០២០។ ភ្ញៀវទេសចរជាតិនៅឆ្នាំ២០២០មានចំនួន ១,៣៦៥,៦២២នាក់ បើធៀបឆ្នាំ២០១៩ ចំនួន ១,៦៨៣,០០៩នាក់ ថយចុះ ១៨,៨៦ ភាគរយ ចំណែកភ្ញៀវទេសចរណ៍អន្តរជាតិមានចំនួន ៣,០៥០៣នាក់ បើធៀបឆ្នាំ២០១៩ ចំនួន៦,៤៦១៣នាក់ ថយចុះ ៥២,៧៩ ភាគរយ។ នេះបើយោងតាម លោក សំ សារីន ប្រធានក្រុមប្រឹក្សាខេត្តកែប។

សម្រាប់ឆ្នាំ២០២១នេះ វិស័យទេសចរណ៍ត្រូវបានព្យាករណ៍ថានឹងមានកំណើនវិជ្ជមានតែទាបក្នុងរង្វង់ ០.៣ភាគរយ ដែលកំណើននេះគឺគាំទ្រដោយសារទេសចរណ៍ក្នុងស្រុក។

អត្ថបទ៖ វ៉ាត វិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៦ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៩ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៩ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៩ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម