ផលនេសាទខេត្តកែបទទួលបានជាង៥ពាន់តោននៅឆ្នាំ ២០២០
Connect with us
Helistar Cambodia - Helicopter Charter Services

ព័ត៌មានជាតិ

ផលនេសាទខេត្តកែបទទួលបានជាង៥ពាន់តោននៅឆ្នាំ ២០២០

Published

on

យោងតាមរបាយការណ៍របស់មន្ទីរកសិកម្ម រុក្ខាប្រមាញ់ និងនេសាទខេត្តកែប ផលនេសាទ សរុបប្រចាំឆ្នាំ២០២០នៅក្នុងខេត្តកែបទទួលបានចំនួន៥.២ពាន់តោន មានការកើនឡើងប្រមាណ៥% បើធៀបនឹងឆ្នាំ២០១៩កន្លងទៅ។

ទោះជាយ៉ាងណា ផលនេសាទដែលទទួលបានដ៏ច្រើនសន្ធឹកនេះ ពេលខ្លះសឹងតែមិនអាចបំពេញតម្រូវការក្នុងស្រុកគ្រប់ ជាពិសេសនៅពេលមានពិធីបុណ្យទានម្ដងៗ ដោយសារតែខេត្តកែបគឺជាទិសដៅទេសចរណ៍ដ៏ទាក់ទាញបំផុតមួយនៅក្នុងប្រទេសកម្ពុជា។

លោក ភឺន ផល្លា នាយរងខណ្ឌរដ្ឋបាលជលផលកែប មានប្រសាសន៍ថា៖ «តម្រូវការគ្រឿងសមុទ្រនៅក្នុងខេត្តកែបមានការកើនឡើងជារៀងរាល់ឆ្នាំ ជាពិសេសនៅពេលមានពិធីបុណ្យទានម្ដងៗ ភ្ញៀវទេសចរណ៍គ្រប់ទិសទីបានសម្រុកមកលេងខេត្តកែបដើម្បីទិញក្ដាមមកបរិភោគ ដែលជាហេតុធ្វើឱ្យមានការនាំចូលគ្រឿងសមុទ្រមួយចំនួនពីខេត្តកំពតមកផ្គត់ផ្គង់បន្ថែម។»

លោកផល្លាបានបន្តថា ជារឿងធម្មតាទេដែលនៅពេលកន្លែងមួយមានតម្រូវការខ្ពស់ តែងតែមានការនាំចូលបន្តិចបន្តួចពីកន្លែងមួយផ្សេងទៀត។ ពេលខ្លះតម្រូវការនៅខេត្តកែបខ្ពស់មានការនាំចូលពីខេត្តកំពត ហើយពេលតម្រូវការនៅខេត្តកំពតខ្ពស់មានការនាំចូលពីខេត្តកែបវិញ។ ក្រៅពីនេះ យើងក៏សង្កេតឃើញមានការនាំចូលគ្រឿងសមុទ្រមួយចំនួនតូចពីប្រទេសជិតខាងផងដែរពីសំណាក់អាជីវករលក្ខណៈគ្រួសារដែលដឹកតាមម៉ូតូម្នាក់ពីរបីកេសដើម្បីបំពេញតម្រូវការបន្ថែម។

គួរបញ្ជាក់ថា ខេត្តកែបមានរមណីយដ្ឋាន និងគោលដៅទាក់ទាញទេសចរណ៍ទូទាំងខេត្តចំនួន៣៥កន្លែង មានកោះចំនួន១២ ថ្មដុះស្ងួត០១កន្លែង និងថ្មប៉ប្រះទឹក០១កន្លែង ព្រៃកោងកាងចំនួន៣កន្លែង ស្មៅសមុទ្រ ៣,០៩៥ ហិកតា ផ្កាថ្ម ៥២.៥ហិកតា និងមានធនធានធម្មជាតិមានត្រីផ្សោត ជ្រូកទឹក អណ្តើកសមុទ្រ ត្រីសេះ ក្តាមសេះដែលមានរស់ជាតិឆ្ងាញ់ ក្តាមថ្ម និងឧទ្យានជាតិកែបមានទំហំ ១.១៥២ហិកតា។

កាលពីឆ្នាំ២០២០កន្លងទៅ ខេត្តកែបទទួលបានភ្ញៀវទេសចរណ៍សរុបចំនួន ១.៣៩៦.១២៥នាក់៕

អត្ថបទ៖ វ៉ាត វិន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ36 mins ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ56 mins ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ1 hour ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ3 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ3 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services