ព័ត៌មានជាតិ
ខេត្តពោធិ៍សាត់កំពុងទាក់ទាញអ្នកវិនិយោគលើវិស័យទេសចរណ៍
ខេត្តពោធិ៍សាត់ជាខេត្តមួយនៅក្នុងប្រទេសកម្ពុជា ដែលមានសក្ដានុពលខាងវិស័យទេសចរណ៍ខ្លាំងក្លា មិនចាញ់ខេត្តផ្សេងៗទៀតប៉ុន្មាននោះទេ។ ជាក់ស្ដែង នៅឆ្នាំ២០២១នេះ ឯកឧត្តម អឹុង គឹមលាង អភិបាលរងខេត្តពោធិ៍សាត់ បានធ្វើការអំពាវនាវដល់វិនិយោគិនជាតិ និងអន្តរជាតិមកបោះទុនវិនិយោគបន្ថែមទៀតលើតំបន់ទេសចរណ៍សំខាន់ៗជាច្រើនកន្លែងនៅខេត្តពោធិ៍សាត់។
ឯកឧត្តម អឹុង គឹមលាង មានប្រសាសន៍ថា៖ «ខេត្តពោធិ៍សាត់មានតំបន់ទេសចរណ៍ធម្មជាតិសរុបចំនួន៣៨កន្លែង ដែលក្នុងនោះយើងបានជ្រើសរើស១៨កន្លែងល្អជាងគេសម្រាប់ធ្វើការអភិវឌ្ឍន៍។ មកទល់ពេលនេះ យើងបានអភិវឌ្ឍន៍រួច ១១កន្លែងហើយ ដូច្នេះយើងសូមអំពាវនាវដល់អ្នកវិនិយោគទាំងឡាយមកវិនិយោគបន្ថែមទៀត លើតំបន់ទេសចរណ៍ខេត្តពោធិ៍សាត់របស់យើង។»
លោកបានបន្តថា នៅឆ្នាំ២០២១នេះ យើងនឹងត្រៀមអភិវឌ្ឍន៍តំបន់ទេសចរណ៍នៅឃុំអូសោម ស្រុកវាលវែងមុនគេ ពីព្រោះនៅទីនោះមានសក្ដានុពលទេសចរណ៍ខ្លាំងជាងគេ។ បន្ទាប់មក យើងនឹងបន្តអភិវឌ្ឍន៍តំបន់ទេសចរណ៍ផ្សេងទៀតដូចជា ទឹកធ្លាក់ច្រកល្អៀង អូដារតូច អូដារធំ តាព័រ និងភ្នំល្អាង១២ ជាដើម។
គួរបញ្ជាក់ថា ខេត្តពោធិ៍សាត់សម្បូរទៅដោយរម្មណីដ្ឋានទេសចរណ៍ជាច្រើនកន្លែង ដែលបានអភិវឌ្ឍន៍រួច និងកំពុងរង់ចាំការអភិវឌ្ឍន៍បន្ថែម ដូចជារម្មណីដ្ឋានទេសចរណ៍អេកូធម្មជាតិ បុរេប្រវត្តិ និងវប្បធម៌សាសនាជាដើម។
កាលពីឆ្នាំ២០២០កន្លងទៅ ខេត្តពោធិ៍សាត់បានទាក់ទាញភ្ញៀវទេសចរណ៍សរុបចំនួន ៤៤០ ៩២០នាក់ ក្នុងនោះភ្ញៀវទេសចរណ៍ជាតិមានចំនួន៤៣៧ ៥៥៣នាក់ និងភ្ញៀវទេសចរណ៍អន្តរជាតិមានចំនួន២ ៣៧៦នាក់។
អត្ថបទ៖ វ៉ាត វិន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង