រដ្ឋាភិបាលបន្ថយអាករពិសេស​លើមុខទំនិញរថយន្តមួយចំនួន – Kampuchea Thmey Daily
Connect with us
Helistar Cambodia - Helicopter Charter Services

សេដ្ឋកិច្ច

រដ្ឋាភិបាលបន្ថយអាករពិសេស​លើមុខទំនិញរថយន្តមួយចំនួន

Published

on

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានចេញអនុក្រឹត្យកែសម្រួលអត្រាអាករពិសេសលើមុខទំនិញរថយន្តមួយចំនួនដោយបន្ថយចាប់ពី ១០​ភាគរយ រហូតដល់២០ភាគរយ។

ការបញ្ចុះអត្រាអាករពិសេសទៅតាមប្រភេទរថយន្តដូចខាងក្រោម៖ រថយន្តប្រភេទគ្រួសារ​ត្រូវបាន​បញ្ចុះអត្រាអាករ​ពិសេស ១០ភាគរយចំពោះរថយន្តទំហំស៊ីឡាំងមិនលើសពី ៣០០០ CC (ពី៣០% មក២០% និងពី៦០%មក ៥០%) ព្រមទាំងបញ្ចុះអត្រាអាករពិសេស ១៥ភាគរយចំពោះប្រភេទទំហំស៊ីឡាំងលើសពី ៣០០០ CC (ពី៦៥% មក ៥០% និងពី៧០% មក ៥៥%)។

រថយន្តប្រើអគ្គិសនីសុទ្ធ(រថយន្តគ្រួសារនិងរថយន្តដឹកអ្នកដំណើរ) ត្រូវបានបញ្ចុះអត្រាអាករពិសេស២០ភាគរយ​(ពី៣០%មក១០%) ដើម្បីកាត់បន្ថយចំណាយ និងជួយ ការពារបរិស្ថានផងដែរ។

រថយន្តដឹកទំនិញត្រូវបានបញ្ចុះអត្រាអាករពិសេស១៥ពិន្ទុភាគរយ(ពី៤០% មក ២៥%) ចំពោះរថយន្តសណ្តោង​សឺមីរ៉ឺម៉កព្រមទាំងបញ្ចុះអត្រាអាករពិសេស១០ភាគរយ(ពី៤០%​ មក ៣០%) ចំពោះរថយន្តដឹកទំនិញប្រភេទដែលមានទម្ងន់សរុប(ទម្រងរថយន្តនិងទម្ងន់ផ្ទុក) លើសពី៥តោន។ ការបញ្ចុះតម្លៃអត្រាអាករពិសេសលើរថយន្តដឹកទំ និញនេះនឹងរួមចំណែកក្នុងការកាត់បន្ថយចំណាយឡូជីស្ទីក។

រថយន្តបែន រថយន្តស្ទូចនិងរថយន្តឯកទេសផ្សេងត្រូវបានបញ្ចុះអត្រាអាករពិសេស ១០ភាគរយ (ពី៤០% មក៣០%)​ ដើម្បីជួយដល់វិស័យកសាងហេដ្ឋារចនាសម្ព័ន្ធរូបវន្តនិងឡូជីស្ទីក។

អនុក្រឹត្យកែសម្រួលអត្រាអាករពិសេសលើប្រភេទទំនិញរថយន្តមួយចំនួនចុះថ្ងៃទី៩​ ខែកុម្ភៈ ឆ្នាំ២០២១។ អនុក្រឹត្យនេះ នឹងត្រូវរដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ រដ្ឋមន្ត្រី គ្រប់ក្រសួងស្ថាប័នពាក់ព័ន្ធ នឹងអនុវត្ត ចាប់ពីថ្ងៃទី០១ ខែមីនា ឆ្នាំ​២០២១ តទៅ៕

ដោយ៖ ណារី

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ2 mins ago

ក្រុមប្រឆាំង និងគាំទ្ររដ្ឋប្រហារមីយ៉ាន់ម៉ា ប៉ះទង្គិចគ្នាមួយប្រាវ ខណៈការតវ៉ាកាន់តែខ្លាំងឡើង

ព័ត៌មានជាតិ3 mins ago

ថ្ងៃនេះ​សូម​គ្រួសារ​ក្រីក្រ​និង​ជន​ងាយ​រងគ្រោះ​ ដែល​មាន​ប័ណ្ណ​សម​ធម៌ អញ្ជើញ​ទៅ​បើកប្រាក់​ឧបត្ថម្ភ​ទាំងអស់គ្នា​

ព័ត៌មានជាតិ4 mins ago

​នាំ​អាជីវករ​ផ្សារ​រកាកោងមួយ​គ្រសារ ទៅ​ចត្តាឡីស័ក ​ពាក់ព័ន្ធ​កូន​ធ្វើការ​នៅ​កោះពេជ្រ

ព័ត៌មានជាតិ5 mins ago

មនុស្ស៤២​នាក់កំពុង​សម្រាក​ព្យាបាល​ជំងឺកូវីដ-១៩ នៅ​មន្ទីរ​ពេទ្យរុស្ស៊ី​ក្នុង​ព្រឹត្តិការណ៍ សហគមន៍​២០​កុម្ភៈ

ព័ត៌មានជាតិ39 mins ago

អភិបាលខេត្ត​បាត់ដំបងដឹកនាំ​មន្ត្រីរាជការ​និង​កម្លាំង​នគរបាល​ជិត​១០០​នាក់​ចាក់​វ៉ាក់សាំង​កូ​វីដ​១៩​លើកដំបូង​​

Sokha Hotels

ព័ត៌មានពេញនិយម

Helistar Cambodia - Helicopter Charter Services