ព័ត៌មានជាតិ
ស្ពានឆ្លងទន្លេមួយទៀត សង់រួចជាង ៩៦ ភាគរយ ដាក់ឲ្យប្រើប្រាស់មុនចូលឆ្នាំខ្មែរ
គម្រោងសាងសង់ស្ពានឆ្លងទន្លេមេគង្គប្រវែង ១,១៣១ម៉ែត្រ ស្ថិតនៅក្នុងស្រុកក្រូចឆ្មារ ខេត្តត្បូងឃ្មុំ តភ្ជាប់ទៅស្រុកស្ទឹងត្រង់ ខេត្តកំពង់ចាម ត្រូវរំពឹងថានឹងសម្ពោធដាក់ឱ្យប្រើប្រាស់មុនចូលឆ្នាំខ្មែរ។
ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់ក្នុងពេលថ្មីៗនេះថា៖ «គម្រោងសាងសង់ស្ពានឆ្លងទន្លេមេគង្គ (ក្រូចឆ្មារ-ស្ទឹងត្រង់) ប្រវែង១,១៣១ម៉ែត្រ សម្រេចបាន៩៦,៤៩%ហើយ ដោយនឹងអាចសម្ពោធដាក់ឱ្យប្រើប្រាស់ក្នុងពេលឆាប់ៗខាងមុខនេះ។»
ឯកឧត្តម ស៊ុន ចាន់ថុល បានបន្តថា ការសម្ពោធដាក់ឱ្យប្រើប្រាស់ស្ពានឆ្លងទន្លេមេគង្គ (ក្រូចឆ្មារ-ស្ទឹងត្រង់)នៅពេលខាងមុខនេះនឹងបង្ករភាពងាយស្រួលដល់ការដឹកជញ្ជូនទំនិញ និងការធ្វើដំណើររបស់ប្រជាពលរដ្ឋក្នុងតំបន់ ដែលរស់នៅត្រើយខាងកើត និងត្រើយខាងលិចទន្លេមេគង្គ។ ម្យ៉ាងទៀត ស្ពាននេះនឹងជួយជំរុញសេដ្ឋកិច្ចក្នុងតំបន់ និងបង្កើនជីវភាពរស់នៅរបស់ប្រជាពលរដ្ឋនៅទីនោះផងដែរ។
លោក សន សែម ដែលជាប្រជាពលរដ្ឋរស់នៅស្រុកក្រូចឆ្មារ ខេត្តត្បូងឃ្មុំ បានសម្ដែងសេចក្ដីរីករាយចំពោះគម្រោងស្ពានក្រូចឆ្មារ-ស្ទឹងត្រង់នេះ។ លោកបានរៀបរាប់ថា ស្ពាននេះនឹងជួយសម្រួលដល់ការធ្វើដំណើរ ជាពិសេសការដឹកជញ្ជូនផលិតផលកសិកម្មរបស់លោក និងជួយកាត់បន្ថយការចំណាយថ្លៃដឹកជញ្ជូនប្រចាំថ្ងៃរបស់លោកបានច្រើន។
គួរបញ្ជាក់ថា គម្រោងសាងសង់ស្ពានឆ្លងទន្លេមេគង្គនេះត្រូវបានសាងសង់ឡើងចាប់ពីខែកុម្ភៈ ឆ្នាំ២០១៨ ដោយក្រុមហ៊ុន Shanghai Construction Group ។ ស្ពាននេះជាប្រភេទស្ពានបេតុងសរសៃដែកដែលមានទទឹង១៣,៥០ម៉ែត្រ និងប្រវែង១,១៣១ម៉ែត្រ ដោយចំណាយថវិកាសរុបជិត៥៧លានដុល្លារសហរដ្ឋអាមេរិក។
អត្ថបទ៖ វ៉ាត វិន
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ