ព័ត៌មានជាតិ

ទៅលេងក្រុងក្រចេះ កុំភ្លេចផ្លែឈើកោះទ្រង់ តម្លៃមួយផ្លែជាង ១០០០០ ម៉ឺនរៀល

បានផុស

៣ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

ក្រូចថ្លង់កោះទ្រង់ល្បីតាំងពីជំនាន់សង្គមចាស់ ហើយក៏ជាផ្លែឈើអត្តសញ្ញាណរបស់ខេត្តក្រចេះ។ ក្រូចថ្លង់កោះទ្រង់ដែលកសិករដាំដុះច្រើន អាចរកចំណូលបានរាប់សែនដុល្លារក្នុងមួយឆ្នាំៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេក ប៊ុនហេង អភិបាលក្រុងក្រចេះឲ្យដឹងថា នៅលើកោះទ្រង់កណ្តាលទន្លេមេគង្គទល់មុខក្រុងក្រចេះ មានប្រជាពលរដ្ឋដាំក្រូចថ្លុងសរុបប្រហែល ៣៣១ គ្រួសារ។

ក្រូចថ្លុងកោះទ្រង់ជាផលិតផលកសិកម្ម ត្រូវបានប្រកាសជាម៉ាកសម្គាល់ភូមិសាស្ត្រទំនិញក្នុងបញ្ជីកម្មសិទ្ធិបញ្ញាពិភពលោក។

លោកអភិបាលក្រុងបញ្ជាក់ថា ផ្លែក្រូចថ្លុងកោះទ្រង់ ត្រូវបានចាត់ទុកជាផ្លែឈើហូបធម្មជាតិដ៏ពេញនិយម និងមានឱជារសឆ្ងាញ់ពិសានិងកេរ្តិ៍ឈ្មោះល្បីល្បាញតាំងពីសម័យសង្គមរាស្ត្រនិយម។ ក្រូចថ្លុងកោះទ្រង់មានរសជាតិផ្អែមឆ្ងាញ់ សាច់ទន់ល្មើយ សំបកក៏មិនជាក្រាស់ប៉ុន្មានឡើយចំណែកដើមមានកម្ពស់ជាមធ្យមប្រមាណ៣ម៉ែត្រ។

លោកបន្តថា ក្រូចថ្លុងមួយដើមអាចផ្តល់ផលរហូតដល់១០០ផ្លែឯណោះ ។ ក្រូចថ្លុងកោះទ្រង់ក្នុងមួយផ្លែគេលក់ពី១០,០០០ទៅ ១២០០០ រៀលនៅខេត្តក្រចេះនិងពី១២០០០ ទៅ១៤,០០០រៀលនៅភ្នំពេញ ។

បើតាមលោកសេក ប៊ុនហេង ក្រូចថ្លុងបានក្លាយជាដំណាំសេដ្ឋកិច្ចដ៏សំខាន់របស់ប្រជាពលរដ្ឋនៅសង្កាត់កោះទ្រង់ ហើយក៏ជាអត្តសញ្ញាណខេត្តក្រចេះ។ ភ្ញៀវទេសចរជាតិនិងអន្តរជាតិ ដែលមកកម្សាន្តខេត្តក្រចេះតែងធ្វើដំណើរកម្សាន្តទៅលេងកោះទ្រង់ដើម្បីរកទិញផ្លែឈើធម្មជាតិជាពិសេសក្រូចថ្លង់ និងខ្លះក៏បានស្នាក់នៅកម្សាន្តនៅលើកោះផងដែរ៕