Connect with us

ព័ត៌មានជាតិ

កម្ពុជារកចំណូលបាន ៧២៨ លានដុល្លារ ក្នុងមួយឆ្នាំពីការនាំចេញដំឡូងមី

បានផុស

នៅ

កម្ពុជាអាចរកចំណូលបាន៧២៨លានដុល្លារអាមេរិក ក្នុងមួយឆ្នាំពីផលិតផលដំឡូងមី ដែលត្រូវបានដាំដុះលើទំហំផ្ទៃដីជាង៦០០,០០០ហិកតា និងទទួលបានទិន្នផល១២លានតោនក្នុងមួយឆ្នាំ។ ទន្ទឹមនេះ កម្ពុជាបានអនុម័តលើគោលនយោបាយជាតិស្ដីពីដំឡូងមី ក្នុងគោលដៅអភិវឌ្ឍផលិតកម្ម និងពង្រីកការនាំចេញផលិតផលកែឆ្នៃដំឡូងមីពីកម្ពុជាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ នៃគោលនយោបាយជាតិស្ដីពីដំឡូងមី កម្ពុជានាំចេញដំឡូងមីចេញទៅលក់នៅក្រៅប្រទេសបានចំណូល ៧២៨លានដុល្លារអាមេរិក ក្នុងមួយឆ្នាំកាលពីឆ្នាំ២០២០កន្លងទៅ ដែលការនាំចេញភាគច្រើនជាមើមដំឡូងមីស្រស់ និងចំណិតដំឡូងមីក្រៀម។

ប្រទេសចិន ឥណ្ឌូនេស៊ី តៃវ៉ាន់ ម៉ាឡេស៊ី និងសហរដ្ឋអាមេរិក គឺជាប្រទេសដែលនាំចូលម្សៅមីមិនទាន់កែឆ្នៃច្រើនជាងគេនៅលើពិភពលោក។ ចំណែក ប្រទេសដែលនាំចូលម្សៅមីកែឆ្នៃរួចច្រើនជាងគេមានដូចជា ប្រទេសចិន ជប៉ុន អាល្លឺម៉ង់ សហរដ្ឋអាមេរិក និងចក្រភពអង់គ្លេស។

នៅក្នុងពិធីប្រកាសសម្ភោធដាក់ឱ្យប្រើប្រាស់គោលនយោបាយនេះ កាលពីខែមករា ឆ្នាំ២០២១កន្លងទៅ ឯកឧត្តម ប៉ាន សូរស័ក្ដិ  រដ្ឋមន្ត្រីក្រសួងពាណិជ្ជកម្ម មានប្រសាសន៍ថា៖ «ដំឡូងមីគឺជាដំណាំគន្លឹះសម្រាប់ការអភិវឌ្ឍសង្គមសេដ្ឋកិច្ចរបស់កម្ពុជា។ ដើម្បីទាញយកប្រយោជន៍ពេញលេញនាពេលអនាគត ចាំបាច់ត្រូវកែលម្អខ្សែច្រវាក់តម្លៃ តាមរយៈការពង្រឹងសមត្ថភាព និងការចាត់វិធានការឱ្យបានឆាប់រហ័ស ដើម្បីច្បាមយកឱកាសទីផ្សារថ្មីៗ។»

លោក ប៉ាន សូរស័ក្ដិ   បានបន្តថា គោលនយោបាយនេះនឹងធ្វើឱ្យដំឡូងមីក្លាយជាដំណាំដ៏សំខាន់នៅក្នុងការជំរុញការអភិវឌ្ឍវិស័យកសិឧស្សាហកម្មនៅកម្ពុជា និងជួយពង្រីកមូលដ្ឋានសេដ្ឋកិច្ច សំដៅចូលរួមវិភាគទានដល់ការសម្រេចគោលដៅអភិវឌ្ឍន៍របស់រាជរដ្ឋាភិបាលកម្ពុជានៅឆ្នាំ ២០៣០ និង ២០៥០។

ប្រជាជនកម្ពុជានៅជនបទប្រមាណជាង ៩០,០០០ គ្រួសាររស់នៅក្នុងខេត្តចំនួន១៣កំពុងប្រកបរបរដាំដុះដំឡូងមី និងពលករជាច្រើនកំពុងបម្រើការក្នុងវិស័យនេះ ក្នុងដំណាក់កាលផ្សេងៗដូចជាដាំដុះ ប្រមូលផល កែច្នៃ និងនាំចេញ។

កន្លែងប្រមូលទិញផលិតផលដំឡូងមីនៅកម្ពុជាមានចំនួន៥៥០កន្លែង ភាគច្រើនស្ថិតនៅក្នុងខេត្តចំនួនប្រាំដូចជា ខេត្តបាត់ដំបង ប៉ៃលិន បន្ទាយមានជ័យ ឧត្តរមានជ័យ និងត្បូងឃ្មុំ។

តម្រូវការម្សៅដំឡូងមីពិភពលោកត្រូវបានគេព្យាករណ៍ថានឹងកើនឡើងក្នុងកម្រិត១.៩ភាគរយក្នុងមួយឆ្នាំ នៅចន្លោះឆ្នាំ២០១៧-២០២២ ដែលបរិមាណរបស់វានឹងកើនដល់៧.៤លានតោននៅឆ្នាំ២០២២។

យោងតាមរបាយការណ៍ស្រាវជ្រាវរបស់ IMARC Group ទីផ្សារម្សៅមីពិភពលោកនឹងមានកំណើន ៧.៥ លានតោននៅឆ្នាំ២០២៣ កំណើន៧.៧លានតោននៅឆ្នាំ២០២៤ និង៧.៨លានតោននៅឆ្នាំ២០២៥។

អត្ថបទ៖ វ៉ាត វិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៨ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៨ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៩ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៩ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម