ព័ត៌មានជាតិ
វិស័យទេសចរណ៍ត្រូវការពេលយ៉ាងហោច៤ឆ្នាំ ដើម្បីអាចរើបឡើងវិញដូចដើម
វិស័យទេសចរណ៍នៅក្នុងប្រទេសកម្ពុជាបានទទួលរងផលប៉ះពាល់ធ្ងន់ធ្ងរជាងគេនៅក្នុងស្ថានភាពនៃការឆ្លងរីករាល ដាលជំងឺកូវីដ១៩នាពេលបច្ចុប្បន្ន ដែលទាមទារពេលវេលាច្រើនដើម្បីឱ្យវិស័យមួយនេះវិលត្រឡប់ទៅដូចកាលឆ្នាំ ២០១៩វិញ។
លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា មានប្រសាសន៍ថា៖ «វិស័យទេសចរណ៍នៅក្នុងប្រទេសកម្ពុជាត្រូវការពេលយ៉ាងហោចណាស់៤ឆ្នាំទៀត ដើម្បីអាចវិលត្រឡប់ទៅរកស្ថានភាពដូចកាលឆ្នាំ២០១៩ កន្លងទៅ។»
លោកស្រីបន្តថា វិស័យទេសចរណ៍អាចនឹងរើបឡើងវិញម្ដងបន្តិចៗ នៅពេលដែលជំងឺកូវីដ១៩មានការថមថយទៅវិញ ជាមួយនឹងកម្មវិធីចាក់វ៉ាក់សាំងនៅប្រទេសកម្ពុជា និងនៅលើពិភពលោក និងការចូលរួមពីសំណាក់ប្រជាពលរដ្ឋទូទៅ ក្នងការរក្សាអនាម័យ និងគម្លាតសង្គមឱ្យបានត្រឹមត្រូវស្របតាមសេចក្ដីណែនាំរបស់ក្រសួងសុខាភិបាល និងប្រមុខរាជរដ្ឋាភិបាល។
ជំងឺកូវីដ១៩មិនមែនកើតមានតែនៅប្រទេសកម្ពុជានោះទេ តែវាបានរីករាលដាលនៅពាសពេញពិភពលោកយើងទាំង មូល ហើយវាបានប៉ះពាល់ទាំងអ្នកដំណើរ និងក្រុមហ៊ុនដឹកជញ្ជូនទាំងអស់។ ដូច្នេះ បើទោះបីជាជំងឺកូវីដ១៩បានរលត់បាត់ទៅវិញក៏ដោយ ប្រជាជនទូទៅត្រូវការស្មារតី និងសេដ្ឋកិច្ចឡើងវិញដើម្បីអាចចំណាយទៅលើការដើរកម្សាន្តឱ្យបានពេញលេញដូចដើមវិញ។
ទោះជាយ៉ាងណា ដើម្បីជួយជំរុញដល់វិស័យទេសចរណ៍ឡើងវិញ ក្រសួងទេសចរណ៍បានរៀបចំផែនការយុទ្ធសាស្ត្រទីផ្សារទាក់ទាញទេសចរណ៍កម្ពុជាក្នុង និងក្រោយវិបត្តិកូវីដ-១៩ សម្រាប់ឆ្នាំ២០២១-២០២៥ និងការត្រៀមរៀបចំពិធីប្រកាសផ្សព្វផ្សាយជាផ្លូវការ «កម្ពុជា៖ ជាម្ចាស់ផ្ទះវេទិកាទេសចរណ៍អាស៊ានឆ្នាំ២០២២»។
ខ្លឹមសារយុទ្ធសាស្ត្រទីផ្សារនេះ គឺផ្តោតលើយុទ្ធសាស្ត្រចំនួន ៥ គឺ យុទ្ធសាស្ត្រពង្រីកទីផ្សារគោលដៅអាទិភាព ផែនការយុទ្ធសាស្ត្រពង្រឹងគុណភាព និងអភិវឌ្ឍន៍ផលិតផលឆ្លើយតបតាមតម្រូវការទីផ្សារ ផែនការយុទ្ធសាស្ត្រជំរុញការធ្វើដំណើរនិងការតភ្ជាប់ និងផែនការយុទ្ធសាស្ត្របង្កើនការផ្សព្វផ្សាយ។
យោងតាមរបាយការណ៍របស់ក្រសួងទេសចរណ៍ នៅឆ្នាំ២០២០កន្លងទៅ កម្ពុជាទទួលបានភ្ញៀវទេសចរសរុបប្រមាណ ១០លាននាក់ ក្នុងនោះភ្ញៀវជាតិ ៩លាននាក់ ធ្លាក់ចុះ២០% និងភ្ញៀវបរទេស ១,៣លាននាក់ ធ្លាក់ចុះ៨០%៕
អត្ថបទ៖ វ៉ាត វិន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ