ការ​​នាំ​​ចេញ​​របស់​​ចិន​​កើន​​ដល់​​កម្រិត​​ខ្ពស់​​បំផុត​ជាង​​២​ទសវត្សរ៍​​នេះ​​ ទោះ​​កូវិដ-១៩​
Connect with us
Helistar Cambodia - Helicopter Charter Services

សេដ្ឋកិច្ច

ការ​​នាំ​​ចេញ​​របស់​​ចិន​​កើន​​ដល់​​កម្រិត​​ខ្ពស់​​បំផុត​ជាង​​២​ទសវត្សរ៍​​នេះ​​ ទោះ​​កូវិដ-១៩​

បានផុស

នៅ

កំណើន​នាំ​ចេញ​របស់​ប្រទេស​ចិន​បាន​លោត​ឡើង​ឈាន​ដល់​កម្រិត​ខ្ពស់​បំផុត​នៅ​ក្នុង​រយៈ​ពេល​ជាង​២​ទសវត្សរ៍​​ចុង​ក្រោយ។ នេះ​បើ​តាម​ទិន្នន័យ​ផ្លូវ​ការ​​ដែល​បាន​បង្ហាញ​​កាល​ពី​ថ្ងៃ​អាទិត្យ​ ទី​៧ ខែ​មីនា​ ម្សិលមិញ​ ហើយ​ការ​នាំ​ចូល​ក៏​កើត​ឡើង​​ខ្លាំង​​ដែរ បើ​ទោះ​ជា​​មាន​ការ​ផ្ទុះ​កូវិដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​នាំ​ចេញ​គ្រឿង​អេឡិចត្រូនិក​ និង​វាយនភ័ណ្ឌ​ដូច​ជា​ម៉ាស់​ជា​ដើម​បាន​រួម​ចំណែក​សំខាន់​ក្នុង​ការ​នាំ​ចេញ​ទៅ​ក្រៅ​ប្រទេស​ខ្លាំង ខណៈ​តម្រូវ​ការ​ផ្គត់​ផ្គង់​ឧបករណ៍​ធ្វើ​ការ​តាម​ផ្ទះ​ និង​ឧបករណ៍​ការពារ​កូវិដ-១៩ ក៏​កើន​ឡើង​​គួរ​ឲ្យ​កត់​សំគាល់។

ទិន្នន័យ​ផ្លូវ​ការ​បាន​បង្ហាញ​ថា ការ​នាំ​ចេញ​បាន​កើន​ឡើង​ដល់​៦០.៦​%​​​ប្រចាំ​ឆ្នាំ គិត​ចាប់​តាំង​ពី​ខែ​មករា ដល់​ខែ​កុម្ភៈ ដែល​លើស​ពី​ការ​រំពឹង​ទុក​របស់​អ្នក​វិភាគ ខណៈ​ការ​នាំ​ចូល​បាន​កើន​ឡើង​​ ២២.២​%។

តួលេខ​គយ​ចុង​ក្រោយ​បំផុត​​បាន​ផ្ទុយ​ស្រឡះ​ទៅ​នឹង​ការ​ធ្លាក់​ចុះ​កាល​ពី​ឆ្នាំ​មុន​​​ប្រហែល​១៧​%​នៃ​ការ​នាំ​ចេញ​ និង​​ធ្លាក់​ចុះ​៤​%​​ពី​នាំ​ចូល​។​

ចិន​បាន​ជួប​បញ្ហា​ដំបូង​ក្នុង​ការ​ទប់​ស្កាត់​ពី​ការ​រីក​រាល​ដាល​កូវិដ-១៩ ដែល​អ្នក​ប្រើ​ប្រាស់​ស្នាក់​នៅ​ផ្ទះ ហើយ​អាជីវកម្ម​ឃើញ​ថា វិល​ត្រឡប់​មក​ប្រតិបត្តិការ​វិញ​យឹត។

រដ្ឋាបាល​គយ​បាន​និយាយ​ថា ប្រៀប​ធៀប​ជា​មួយ​ឆ្នាំ​មុន​ទំនង​ជា​បានជំរុញ​ដល់​តួ​លេខ​ចុង​ក្រោយ ដោយ​និយាយ​ក្នុង​របាយការណ៍​ថា មូលដ្ឋាន​គ្រឹះ​ទាប​គឺ​ជា​ហេតុ​ផល​មួយ​​​ដែល​ធ្វើ​ឲ្យ​កើន​ឡើង​យ៉ាង​ធំ​នៅ​ឆ្នាំ​​នេះ។

នៅ​ថ្ងៃ​អាទិត្យ​ ទិន្នន័យ​ផ្លូវ​ការ​បាន​បង្ហាញ​ថា ការ​នាំ​ចេញ​ឧបករណ៍​អេឡិចត្រូនិក​បាន​កើន​ឡើង​ចំនួន​៥៤.១​% ខណៈ​វាយនភ័ណ្ឌ​រាប់​បញ្ចូល​ទាំង​ម៉ាស់​បាន​​កើន​ឡើង​ដល់​៥០.២​%។

រដ្ឋបាល​គយ​បាន​និយាយ​ថា ពាណិជ្ជកម្មទូទៅ​របស់​ចិន​មាន​ចំនួន​ជា​ទឹក​ប្រាក់​ ១០៣.៣​ពាន់​លាន​ដុល្លារ​អាមេរិក។

អាជ្ញាធរ​ចិន​បាន​ចាប់​ផ្តើម​បញ្ចូល​ទិន្នន័យ​ពាណិជ្ជកម្ម​ខែ​មករា និង​កុម្ភៈ​ ឆ្នាំ​មុន ដែល​ជា​ពេល​ប្រយុទ្ធ​ប្រឆាំង​នឹង​ការ​ផ្ទុះ​កូវិដ-១៩។

ទិន្នន័យ​ពាណិជ្ជកម្ម​បរទេស​របស់​ប្រទេស​ចិន​នៅ​តែមាន​ស្ថេរភាព​រឹង​មាំ បើ​ទោះ​ជា​រដូវ​​កាល​មិន​សូវ​មាន​​អ្នក​ទិញ ឬ​​អ្នក​ធ្វើ​ដំណើរ​ច្រើន​ក៏​ដោយ។

ពាណិជ្ជកម្ម​ក៏មាន​កម្រិត​ខ្ពស់ផង​ដែរ ដោយ​សារ​តែ​ការ​ស្ទុះ​ងើប​ឡើង​នៃ​ផលិតកម្ម និង​ការ​ប្រើប្រាស់​នៅ​ក្នុង​​​ប្រទេស​ដែល​មាន​សេដ្ឋកិច្ច​ធំ​ៗ​ដូច​ជា អឺរ៉ុប និង​សហរដ្ឋ​អាមេរិក​​ចំពេល​រីក​រាល​ដាល​កូវិដ-១៩ ព្រម​ទាំង​ការ​ធ្វើ​ឲ្យ​ប្រសើរ​ឡើង​នូវ​ការ​ប្រើ​ប្រាស់​ក្នុង​ស្រុក។

រដ្ឋបាល​គយ​បន្ថែម​ថា ទោះ​ជា​សកម្មភាព​ពាណិជ្ជកម្ម​​ជា​ទូទៅ​ធ្លាក់​ចុះ​នៅ​ក្នុង​កំឡុង​ពេល​ពិធី​បុណ្យ​ចូល​ឆ្នាំ​ចិន​​ដែល​ជា​ពេល​ពលករ​ធ្វើ​ដំណើរ​ទៅ​ស្រុក​កំណត់ក៏​ដោយ ក៏​ការ​អំពាវ​នាវ​ជា​ផ្លូវ​ការ​​ដើម្បី​ជៀស​វាង​ធ្វើ​​ដំណើរ​​​ឆ្នាំ​នេះ​ ក្នុង​គោល​បំណង​ទប់​ស្កាត់​​ផ្ទុះ​នូវ​កូវិដ-១៩ បាន​គាំទ្រ​ដល់សង្វាក់​ផលិតកម្ម។

«សហគ្រិន​ជា​ច្រើន​នៅ​ក្នុង​បណ្តា​ខេត្ត​ដែល​មាន​ពាណិជ្ជកម្ម​បរទេស​ធំ​ៗ​ដូច​ជា ក្វាងទុង និង ចឺជាំង បាន​រក្សា​​សង្វាក់​ផលិតកម្ម​កំឡុង​ពេល​បុណ្យ​ចូល​ឆ្នាំ​ថ្មី។ តម្រូវ​ការ​ទី​ផ្សារ​ត្រូវ​បាន​រំពឹង​ថា នឹង​ស្ទុះ​ងើប​ឡើង​បន្ថែម​ទៀត»៕

ប្រែ​សម្រួល៖ វីរបុត្រ
ប្រភព៖ CNA

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services