សេដ្ឋកិច្ច
ត្បិតតម្លៃចុះថោកបន្តិច តែទិន្នផលត្រប់វែងមួយគ្រួសារទទួលបានផលខ្ពស់ឆ្នាំនេះ
ខេត្តបាត់ដំបង៖ បន្លែត្រប់វែងពូជហាវ៉ៃ (ត្រប់ក្តគោឬត្រប់ភ្លុក) គឺជាប្រភេទបន្លែដែលខ្មែរយើងកែច្នៃធ្វើជាម្ហូបបានច្រើនបែបយ៉ាងឆ្ងាញ់ពិសា ហើយបច្ចុប្បន្ននេះអ្នកភូមិស្រុកតែងនិយមបរិភោគស្ទើរគ្រប់ៗគ្នា ខណៈដែលប្រជាកសិករ១គ្រួសារកំពុងប្រមូលផលដំណាំប្រភេទនេះជាបណ្តើរៗក្នុងតម្លៃស្រុតចុះ។់
លោក ជា ចូច រស់នៅភូមិរាមសេនា ឃុំល្វា ស្រុកបវេល ខេត្តបាត់ដំបង ជាម្ចាស់ចំការត្រប់បានឲ្យដឹងនៅព្រឹកថ្ងៃទី២៨ ខែមីនា ឆ្នាំ២០២១នេះថា ក្រុមគ្រួសារលោកក្រៅពីធ្វើស្រូវ លោកបានចាប់យករបរកសិកម្មមួយផ្នែកទៀតដោយចំណាយដីទំហំ២រ៉ៃដើម្បីដាំបន្លែត្រប់វែង(ក្តគោពូជហាវ៉ៃ)ដែលស្មើនិង១មុឺនដើមសម្រាប់ដោះស្រាយបន្ទុកគ្រួសាររបស់លោកឲ្យកាន់តែល្អប្រសើរ បើទោះបីតម្លៃមានការប្រែប្រួលស្រុតចុះខ្លះក៏ដោយចុះ។
លោកបន្តថា ដំណាំត្រប់វែងនេះយើងប្រើក្នុងរយៈពេលត្រឹម១ខែកន្លះទើបឲ្យផល ខណៈពេលនេះលោកកំពុងប្រមូលផលជាបណ្ដើរៗដើម្បីលក់លើទីផ្សារក្នុងស្រុកភូមិ។ ប៉ុន្តែតម្លៃបានធ្លាក់ថ្លៃជាងពាក់កណ្ដាលពីឆ្នាំទៅ។ លោកនិយាយថា តម្លៃនេះមិនបានធ្វើឲ្យលោកបោះបង់ការដាំដុះបន្តនោះទេ ដោយលោកយល់ថា បច្ចុប្បន្នសង្គមខ្មែរយើងកំពុងតែស្ថិតក្រោមសម្ពាធនៃជំងឺកូវីដ-១៩ធ្វើឲ្យអ្នកស្រុកភូមិបាត់ចំណូលមួយចំនួន ទើបបន្លែត្រប់មានការចុះតម្លៃខ្លះ ជារឿងធម្មតា។
កសិកររូបនេះបន្ថែមថា បច្ចុប្បន្នលោកប្រមូលផលបានជាមធ្យមក្នុងមួយថ្ងៃបេះបានពី៣០០គីឡូក្រាមទៅ៥០០គីឡូក្រាម លក់បានតម្លៃត្រឹមតែ៤០០រៀលប៉ុណ្ណោះក្នុងមួយគីឡូក្រាម ខណៈឆ្នាំមុនលក់បានក្នុងមួយគីឡូក្រាមតម្លៃ១០០០រៀល ហើយការចុះតម្លៃនាពេលនេះលោកអាចទទួលយកបាន ព្រោះទិន្នផលរាល់រដូវកាលលោកតែងទទួលបានខ្ពស់ផងដែរ។
លោកបានបញ្ជាក់បន្ថែមថា បើទោះបីជាតម្លៃត្រប់វែងធ្លាក់ចុះបន្តិច តែទិន្នផលទទួលបានច្រើន និងមានម៉ូយទទួលយកអស់ៗតែម្តងមិនដែលសល់ម្តងណានោះទេ ហើយលោកសង្ឃឹមថាតម្លៃនឹងបានល្អប្រសើឡើងវិញនៅថ្ងៃខាងមុខក្រោយពីជំងឺរាតត្បាតស្ងប់ស្ងាត់ទៅវិញ៕
អត្ថបទ៖ សៅ សារិទ្ធ
ចុចអាន៖ តម្រូវការចំណីសត្វនៅប្រទេសកម្ពុជាកំពុងកើនឡើង
ចុចអាន៖ តើគួរបង្កើតម៉ាកយីហោអាជីវកម្មដោយខ្លួនឯង ឫនាំចូលពីខាងក្រៅ?
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង