ព័ត៌មានអន្ដរជាតិ

ការប៉ះទង្គិចប្រដាប់អាវុធនៅព្រំដែន ប៉ះពាល់ធ្ងន់ធ្ងរដល់ទេសចរណ៍ថៃ

បានផុស

១០ ខែ មុន

នៅ

ថ្ងៃសៅរ៍ ២ សីហា ២០២៥

ដោយ

ជម្លោះប្រដាប់អាវុធនៅតាមបណ្ដោលព្រំដែន ដោយបង្កឡើងដោយការឈ្លានពានរបស់ថៃ បានបង្កផលប៉ះពាល់ធ្ងន់ធ្ងរដល់ទេសចរណ៍ថៃ ដោយសារតែកង្វល់សុវត្ថិភាព ជាពិសេសតាមបណ្ដាខេត្តជាប់ព្រំដែន។ នេះបើតាមការចុះផ្សាយរបស់កាសែត Khaosod កាលពីថ្ងៃសុក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានអាជ្ញាធរទេសចរណ៍ថៃ (TAT) លោកស្រី Thapanee Kiatphaiboon បាននិយាយថា ភាពតានតឹងនៅតាមព្រំដែនចាប់តាំងពីខែឧសភា ឆ្នាំ២០២៥ បានប៉ះពាល់យ៉ាងខ្លាំងដល់វិស័យទេសចរណ៍ក្នុងស្រុក ដោយអ្នកធ្វើដំណើរបានចៀសវាងការធ្វើដំណើរដោយសារបញ្ហាសុវត្ថិភាព។

ខេត្តស្រះកែវ បានមើលឃើញពីលុបចោលការកក់កន្លែងស្នាក់នៅក្នុងស្រុកអារញ្ញប្រាថេត ១០០ ភាគរយ ៨០ ភាគរយ តាមបណ្ដាកូនក្រុងក្នុងខេត្ត។ ខេត្តចន្ទបុរី និងតំបន់ព្រំដែននៃខេត្តត្រាត បានជួបប្រទះដូចគ្នានេះ ជាមួយនឹងអត្រាលុបចោលការកក់បន្ទប់ ៨០-១០០ ភាគរយ។ គោលដៅទេសចរណ៍តាមកោះ ក៏ទទួលរងផងដែរ៖ កោះឆាង (១០-៣០ ភាគរយ) កោះម៉ាក់ (២០-៣០ ភាគរយ) និងកោះគុត (៥០-៦០ ភាគរយ)។

ខេត្តភាគឦសាន ក៏ប្រឈមនឹងផលប៉ះពាល់យ៉ាងធ្ងន់ធ្ងរ។ ខេត្ត Ubon Ratchathani ខេត្តស៊ីសាកេត ខេត្តសុរិន្ទ ឃើញពីការលុបចោលដំណើរជាក្រុម ១០០ ភាគរយ ខណៈខេត្តបុរីរម្យ បានកត់ត្រាពីការលុបចោលការកក់បន្ទប់ស្នាក់នៅរហូតដល់ ៧០ ភាគរយ។ កន្លែងទាក់ទាញសំខាន់ៗ រួមទាំងឧទ្យានប្រវត្តិសាស្រ្ត Phanom Rung ត្រូវបានបិទ ហើយព្រឹត្តិការណ៍នៅកន្លែងប្រណាំងឡាន Chang International Circuit ក៏ត្រូវបានពន្យារពេល។

ផលប៉ះពាល់ទាំងនេះ កើតឡើងចំពេលដែលទេសចរណ៍ថៃបានធ្លាក់ចូលទៅក្នុងវិបត្តិរួចហើយ ដោយការធ្លាក់ចុះនៃការមកដល់នៃភ្ញៀវទេសចរណ៍បរទេស ដែលបង្កកង្វល់ផ្នែកសេដ្ឋកិច្ច។ ការណ៍នេះ កើតឡើងដោយសារតែកង្វល់សុវត្ថិភាព ការផ្លាស់ប្ដូរចំណង់ចំណូលចិត្តទេសចរណ៍ ការប្រកួតប្រជែងពីប្រទេសដទៃក្នុងតំបន់ និងវិបត្តិនយោបយក្នុងស្រុកជាដើម។

តួលេខពីរដ្ឋាភិបាលថៃ បានបង្ហាញថា ចំនួនភ្ញៀវទេសចរបរទេសបានធ្លាក់ចុះមកនៅត្រឹម ១៦,៦ លាននាក់ នៅឆមាសទី១ ដោយធ្លាក់ចុះប្រហែល ៥ ភាគរយ ពីប្រមាណ ១៧,៥ ភាគរយ ក្នុងរយៈពេលដូចគ្នាកាលពីឆ្នាំមុន។