ព័ត៌មានអន្ដរជាតិ
ទេសចរបរទេសទៅថៃកាន់តែធ្លាក់ចុះ ខណៈការប្រកួតប្រជែងកាន់តែខ្លាំង
ភ្ញៀវទេសចរបរទេសទៅលេងប្រទេសថៃកាន់តែធ្លាក់ចុះ ដោយសារតែបញ្ហាផ្សេងៗ រួមទាំងកង្វល់សុវត្ថិភាព និងកំណើនខ្លាំងក្លានៃការប្រកួតប្រជែងពីប្រទេសដទៃ។
តាមការចុះផ្សាយរបស់កាសែត The Nation តួលេខពីក្រសួងទេសចរណ៍ និងកីឡាថៃ បានបង្ហាញថា ការមកដល់របស់ភ្ញៀវទេសចរបរទេស មានត្រឹមប្រមាណ ១៩,២៩ លាននាក់ ក្នុងរយៈពេល ៧ ខែដើមឆ្នាំ ដោយធ្លាក់ចុះប្រមាណ ៦ ភាគរយ បើធៀបនឹងរយៈពេលដូចគ្នាកាលពីឆ្នាំមុន។
ការធ្លាក់ចុះនេះ កើតឡើងស្របពេលដែលគូប្រជែងនៅអាស៊ី ដូចជាចិន ជប៉ុន និងវៀតណាម បានបង្កើនភាពទាក់ទាញភ្ញៀវទេសចររបស់ខ្លួន ដើម្បីជាផ្នែកមួយនៃការជំរុញសេដ្ឋកិច្ច ចំពេលដែលពន្ធគយរបស់អាមេរិក ក៏បង្កការគំរាមកំហែងដល់វិស័យទេសចរណ៍។
ត្រឹមតែរយៈពេល ៦ ខែដើមឆ្នាំ ជប៉ុនបានស្វាគមភ្ញៀវទេសចរបរទេសប្រមាណ ២១,៥ លាននាក់ ដោយកើនឡើងប្រមាណ ២១ ភាគរយ និងវ៉ាដាច់ថៃ (១៦,៦៩ លាននាក់) យ៉ាងលើសលុបបាត់ទៅហើយ។
គួរគូសបញ្ជាក់ថា ក្រៅតែពីការប្រកួតប្រជែងពីប្រទេសដទៃ កន្លងមកអ្នកជំនាញថៃបានព្រមានពីវិបត្តិទេសចរណ៍ ដែលបង្កពីក្ដីបារម្ភសេដ្ឋកិច្ច ដោយសារតែកង្វល់សុវត្ថិភាព ដូចជាករណីជួញដូរមនុស្ស និងភេរវកម្ម ការផ្លាស់ប្ដូរចំណង់ចំណូលចិត្តរបស់ភ្ញៀវ ពន្ធគយរបស់អាមេរិក និងចុងក្រោយបំផុត គឺជម្លោះព្រំដែនកម្ពុជា-ថៃ ជាដើម។
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព