ការជួបជុំនេះឆ្លុះបញ្ចាំងពីកិច្ចខិតខំប្រឹងប្រែងរបស់ IHH Healthcare Malaysia ក្នុងការកសាងទំនាក់ទំនងថែទាំសុខភាពឱ្យកាន់តែរឹងមាំជាមួយប្រទេសកម្ពុជា តាមរយៈការលើកកម្ពស់ការយល់ដឹងអំពីជម្រើសនៃការព្យាបាល ជំនាញឯកទេសនានា និងសេវាកម្មគាំទ្រអ្នកជំងឺនៅទូទាំងបណ្តាញមន្ទីរពេទ្យរបស់ខ្លួន។

លោក Khairul Annuar Yusof ប្រធានផ្នែកទីផ្សារនៃ IHH Healthcare Malaysia បានមានប្រសាសន៍ថា៖ «កំណើនចំនួនអ្នកជំងឺកម្ពុជា ក្នុងការជ្រើសរើសយក IHH Healthcare Malaysia គឺឆ្លុះបញ្ចាំងពីការជឿទុកចិត្តដែលអ្នកជំងឺ និងក្រុមគ្រួសារមាន ចំពោះការថែទាំប្រកបដោយជំនាញឯកទេសរបស់ប្រទេសម៉ាឡេស៊ី ជាពិសេសនៅពេលស្វែងរកក្រុមគ្រូពេទ្យដែលមានបទពិសោធន៍ និងជម្រើសការព្យាបាលដ៏ទូលំទូលាយ។ បើប្រៀបធៀបទៅនឹងឆ្នាំ ២០២៤ យើងបានឃើញចំនួនអ្នកជំងឺកម្ពុជាកើនឡើងជាង ១៦ ដង ដែលនេះបង្ហាញពីការភ្ជាប់ទំនាក់ទំនងថែទាំសុខភាពកាន់តែរឹងមាំរវាងកម្ពុជា និងម៉ាឡេស៊ី»។

លោកបានបន្ថែមថា៖ «សម្រាប់អ្នកជំងឺដែលធ្វើដំណើរទៅក្រៅប្រទេសដើម្បីព្យាបាល ការផ្តល់ភាពកក់ក្តៅ និងការណែនាំគឺមានសារៈសំខាន់ដូចគ្នានឹងជំនាញវេជ្ជសាស្ត្រដែរ។ តាមរយៈបណ្តាញមន្ទីរពេទ្យ និងសេវាកម្មយ៉ាងយកចិត្តទុកដាក់របស់យើងចំពោះអ្នកជំងឺ យើងមានគោលបំណងផ្តល់ឱ្យអ្នកជំងឺកម្ពុជានូវការគាំទ្រដ៏ត្រឹមត្រូវ ចាប់តាំងពីការភ្ជាប់ទំនាក់ទំនងពួកគេជាមួយគ្រូពេទ្យជំនាញឯកទេស រហូតដល់ការជួយពួកគេក្នុងការស្វែងរកការថែទាំប្រកបដោយទំនុកចិត្ត»។

ដើម្បីគាំទ្រដល់ការប្តេជ្ញាចិត្តនេះ IHH Healthcare Malaysia បានប្រមូលផ្តុំនូវបណ្តាញមន្ទីរពេទ្យ និងគ្រូពេទ្យជំនាញឯកទេស លើផ្នែកថែទាំជាច្រើន។ តាមរយៈមន្ទីរពេទ្យដែលគួរឱ្យទុកចិត្តរបស់ខ្លួន រួមមាន មន្ទីរពេទ្យ Gleneagles, មន្ទីរពេទ្យ Island, មន្ទីរពេទ្យ Pantai, មជ្ឈមណ្ឌលវេជ្ជសាស្ត្រ Prince Court និងមជ្ឈមណ្ឌលវេជ្ជសាស្ត្រ Timberland ក្រុមហ៊ុន IHH Healthcare Malaysia ផ្តល់នូវជំនាញឯកទេសយ៉ាងទូលំទូលាយ រួមមាន ការថែទាំជំងឺមហារីក ការថែទាំបេះដូង សុខភាពខួរក្បាល និងឆ្អឹងកងខ្នង ផ្នែកជំងឺឆ្អឹងនិងសន្លាក់ សុខភាពស្ត្រី និងកុមារ សុខភាពប្រព័ន្ធរំលាយអាហារ និងការថែទាំបង្ការជាមុន។
ការផ្តោតអារម្មណ៍របស់ IHH Healthcare Malaysia លើគុណភាព និងសុវត្ថិភាពអ្នកជំងឺ ត្រូវបានឆ្លុះបញ្ចាំងតាមរយៈការវាយតម្លៃ និង ការទទួលស្គាល់ជាលក្ខណ: អន្តរជាតិនៅទូទាំងបណ្តាញរបស់ខ្លួន។

មន្ទីរពេទ្យមួយចំនួន រួមមាន មន្ទីរពេទ្យ Gleneagles Hospital Kuala Lumpur, មន្ទីរពេទ្យ Gleneagles Hospital Penang និងមន្ទីរពេទ្យ Pantai Hospital Kuala Lumpur ទទួលបានការទទួលស្គាល់គុណភាពពីស្ថាប័ន Joint Commission International (JCI) ដែលជាស្តង់ដារទទួលស្គាល់កម្រិតពិភពលោកសម្រាប់គុណភាពថែទាំសុខភាព និងសុវត្ថិភាពអ្នកជំងឺ។
 
នៅក្នុងចំណាត់ថ្នាក់មន្ទីរពេទ្យល្អបំផុតក្នុងពិភពលោកឆ្នាំ ២០២៦ របស់ទស្សនាវដ្តី Newsweek (Newsweek’s World’s Best Hospitals 2026 rankings) មន្ទីរពេទ្យចំនួន ១២ របស់ IHH Healthcare Malaysia ត្រូវបានទទួលស្គាល់ជាសកល ដែលនេះជួយពង្រឹងការប្តេជ្ញាចិត្តរបស់យើង ក្នុងការផ្តល់សេវាថែទាំសុខភាពគុណភាពខ្ពស់សម្រាប់អ្នកជំងឺនៅក្នុងប្រទេសម៉ាឡេស៊ី និងទូទាំងតំបន់។
កម្មវិធីនេះបង្ហាញនូវមន្ទីរពេទ្យសំខាន់ៗរបស់ IHH Healthcare Malaysia ដែលគាំទ្រដល់អ្នកជំងឺកម្ពុជា រួមមាន មន្ទីរពេទ្យ Gleneagles Hospital Kuala Lumpur, មន្ទីរពេទ្យ Pantai Hospital Kuala Lumpur និងមជ្ឈមណ្ឌលវេជ្ជសាស្ត្រ Prince Court Medical Centre តាមរយៈបទបង្ហាញដឹកនាំដោយគ្រូពេទ្យជំនាញឯកទេស អំពី ការថែទាំប្រព័ន្ធប្រសាទ និងឆ្អឹងកងខ្នង ការថែទាំជំងឺមហារីក និងផ្នែកជំងឺឆ្អឹងនិងសន្លាក់។

ធ្វើឱ្យសុខភាពរបស់អ្នកជាអាទិភាពនៅថ្ងៃនេះ។ ស្វែងយល់ពីការផ្តល់ជូនផ្តាច់មុខ និងបោះជំហានឆ្ពោះទៅរកការរក្សាសុខុមាលភាពរបស់អ្នកដោយចូលទៅកាន់ស្តង់របស់ពួកគេនៅ MH Expo ភ្នំពេញ នៅផ្សារទំនើបអ៊ីអនម៉លសែនសុខ (២៦-២៨ មិថុនា) ឬចុចលើតំណភ្ជាប់ខាងក្រោមដើម្បីស្វែងយល់បន្ថែម៖

https://www.ihhmalaysia-international.com/mhpp2026?utm_source=kampuchea_thmey&utm_medium=digital&utm_campaign=mhpp

គ្រូពេទ្យឯកទេសឈានមុខគេមកពី IHH Healthcare Malaysia បានចែករំលែកជំនាញរបស់ពួកគេ រួមមាន លោកវេជ្ជបណ្ឌិត Regunath ឯកទេសវះកាត់ប្រព័ន្ធប្រសាទ និងឆ្អឹងកងខ្នង មកពីមន្ទីរពេទ្យ Gleneagles Hospital Kuala Lumpur ដែលបានបង្ហាញប្រធានបទ «សុខភាពខួរក្បាល និងឆ្អឹងកងខ្នង៖ តើពេលណាគួរស្វែងរកការថែទាំពីគ្រូពេទ្យជំនាញឯកទេស» ដោយសង្កត់ធ្ងន់លើការរកឃើញទាន់ពេលវេលា និងការគ្រប់គ្រងទាន់ពេលនៃស្ថានភាពប្រព័ន្ធប្រសាទ និងឆ្អឹងកងខ្នង។

ជាមួយគ្នានោះដែរ លោកវេជ្ជបណ្ឌិត Fadhlina ឯកទេសជំងឺមហារីក មកពីមន្ទីរពេទ្យ Pantai Hospital Kuala Lumpur បានធ្វើបទបង្ហាញអំពី «វឌ្ឍនភាពក្នុងការថែទាំជំងឺមហារីក៖ ការរកឃើញដំណាក់កាលដំបូង និងវិធីសាស្ត្រព្យាបាលទំនើប» ដោយពិភាក្សាអំពីសារៈសំខាន់នៃការធ្វើរោគវិនិច្ឆ័យទាន់ពេលវេលា និងយុទ្ធសាស្ត្រព្យាបាលផ្ទាល់ខ្លួនក្នុងការគ្រប់គ្រងជំងឺមហារីក។
ទន្ទឹមនឹងនេះដែរ លោកវេជ្ជបណ្ឌិត Murali ឯកទេស វះកាត់ឆ្អឹងនិងសន្លាក់ មកពីមជ្ឈមណ្ឌលវេជ្ជសាស្ត្រ Prince Court Medical Centre បានធ្វើបទបង្ហាញអំពី «រក្សាចលនារបស់អ្នក៖ នវានុវត្តន៍ ក្នុងការថែទាំផ្នែកជំងឺឆ្អឹងនិងសន្លាក់» ដោយផ្តោតលើវិធីសាស្ត្រស្តារឡើងវិញនូវចលនា ការគាំទ្រដល់ការជាសះស្បើយ និងការកែលម្អគុណភាពជីវិត។

ដើម្បីគាំទ្រដល់អ្នកជំងឺកម្ពុជាដែលស្វែងរកការព្យាបាលនៅក្នុងប្រទេសម៉ាឡេស៊ី IHH Healthcare Malaysia ផ្តល់នូវជំនួយយ៉ាងយកចិត្តទុកដាក់តាមរយៈមជ្ឈមណ្ឌលអ្នកជំងឺអន្តរជាតិ (IPC) របស់ខ្លួន ដែលដើរតួជាចំណុចសម្របសម្រួលតែមួយគត់ពេញមួយដំណើរការថែទាំសុខភាពរបស់ពួកគេ។ សេវាកម្មនានារួមមាន ការរៀបចំការណាត់ជួបជាមួយគ្រូពេទ្យជំនាញឯកទេស ការសាកសួរព័ត៌មានវេជ្ជសាស្ត្រ ការសម្របសម្រួលការព្យាបាល ការណែនាំអំពីការប៉ាន់ប្រមាណតម្លៃ ការគាំទ្រទាក់ទងនឹងការទូទាត់ ការរៀបចំកន្លែងស្នាក់នៅ ការជូនរថយន្តទទួលពីព្រលានយន្តហោះ និងការណែនាំទាក់ទងនឹងទិដ្ឋាការ (Visa) នៅពេលចាំបាច់។ អ្នកជំងឺក៏ទទួលបាននូវជំនួយជាភាសាខ្មែរ និងការគាំទ្រជាបន្តទៀត បន្ទាប់ពីការព្យាបាល តាមរយៈដៃគូក្នុងប្រទេស ដែលជួយពួកគេឱ្យរក្សាទំនាក់ទំនងជាមួយក្រុមថែទាំសុខភាពរបស់ពួកគេ ទោះបីជាបានត្រឡប់មកផ្ទះវិញក៏ដោយ។

យ៉ាងណាមិញ តាមរយៈការចូលរួម និងកិច្ចសហការជាបន្តបន្ទាប់នៅក្នុងប្រទេសកម្ពុជា IHH Healthcare Malaysia នៅតែបន្តផ្តោតលើការធ្វើអោយប្រើសើរឡើងលទ្ធភាពទទួលបានការថែទាំពីគ្រូពេទ្យជំនាញឯកទេស និងការគាំទ្រអ្នកជំងឺជាមួយនឹងការផ្តល់ព័ត៌មាន ការណែនាំ និងទំនុកចិត្តដែលត្រូវការ នៅពេលធ្វើការសម្រេចចិត្តលើការថែទាំសុខភាពផងដែរ៕

អត្ថបទពាណិជ្ជកម្ម

The post IHH Healthcare Malaysia បង្ហាញជំនាញព្យាបាលជំងឺប្រព័ន្ធប្រសាទ និងឆ្អឹងកងខ្នង ជំងឺមហារីក ជំងឺសន្លាក់ និងឆ្អឹង ដើម្បីគាំទ្រអ្នកជំងឺកម្ពុជាស្វែងរកការព្យាបាលនៅក្នុងប្រទេសម៉ាទ្បេស៊ី appeared first on Kampuchea Thmey Daily.

ជ្រើសរើសការចាប់ផ្តើមនៅសៀមរាបនេះ ព្រោះគេស្គាល់ថាជាទីក្រុងទេសចរណ៍ធំរបស់កម្ពុជា និងខេត្តសំខាន់នៃបណ្តំនៃប្រជាជនដែលមានទេពកោសល្យក្នុងវិស័យបដិសណ្ឋារកិច្ច។ ជាមួយនឹងសក្ដានុពលទេសចរណ៍ពិភពលោក និងវប្បធម៌សេវាកម្មល្អឥតខ្ចោះ ទីក្រុងនេះបានបង្កើតអ្នកជំនាញ និងបច្ចេកទាសជាច្រើនក្នុងវិស័យបដិសណ្ឋារកិច្ច និងទេសចរណ៍។

ការចាប់ផ្តើមនេះបង្ហាញពីការប្តេជ្ញាចិត្តរបស់កំពង់ដេវ៉ារីហ្សតក្នុងការបង្កើតឱកាសអាជីពមានន័យ និងវិនិយោគលើទេពកោសល្យរបស់ប្រជាជនកម្ពុជា។ ជាការអភិវឌ្ឍន៍មណ្ឌលកម្សាន្តសំបូរបែប ក្រុមហ៊ុនមានគោលបំណងពង្រីកឳកាសការងារដោយវិជ្ជាជីវៈច្បាស់លាស់ ការច្នៃប្រឌិត និងចិត្តស្រឡាញ់ក្នុងការផ្តល់បទពិសោធន៍ល្អឥតខ្ចោះដល់ភ្ញៀវ។

ព្រឹត្តិការណ៍ជ្រើសរើសនៅសៀមរាបផ្តល់ឱកាសដល់អ្នកស្វែងរកការងារដើម្បីជួបជាមួយផ្នែកជ្រើសរើសរបស់ក្រុមហ៊ុន ពិនិត្យឱកាសការងារ និងអាជីពជាច្រើន ក៏ដូចជាផ្តល់ការស្វែងយល់បន្ថែមអំពីចក្ខុវិស័យ និងវប្បធម៌ការងាររបស់កំពង់ដេវ៉ារីហ្សត។

បន្ទាប់ពីសៀមរាប យុទ្ធនាការនេះ នឹងបន្តទៅទីក្រុងផ្សេងពីរទៀត ដើម្បីនាំឱកាសអាជីពទៅកាន់អ្នកជំនាញមានទេពកោសល្យនៅទូទាំងប្រទេសកម្ពុជា ខណៈក្រុមហ៊ុនបន្តពង្រឹងក្រុមការងារដែលកំពុងច្រើនឡើងៗ។

កាលវិភាគសកម្មភាព

សៀមរាប

២៧ – ២៨ មិថុនា ២០២៦

សណ្ឋាគារ Steung Siemreap Thmey

ឃុំស្វាយដង្គំ ផ្លូវ ៩ មណ្ឌល 

ម៉ោង ០៩:០០ ព្រឹក – ០៤:០០ ល្ងាច

កំពត

០៣ – ០៤ កក្កដា ២០២៦

សណ្ឋាគារ Square Kampot

ជាតិលេខ ៣ លេខ ១៧៣ ភូមិ កំពង់បាយជ្រុង សង្កាត់ កំពតបាយ

ម៉ោង ០៩:០០ ព្រឹក – ០៤:០០ ល្ងាច

ភ្នំពេញ

១០ – ១១ កក្កដា ២០២៦

សណ្ឋាគារ Phnom Penh

លេខ ៥៣ ផ្លូវ ៩៣ (ម៉ូនីវង្ស) សង្កាត់ ស្រស់ចក ខណ្ឌ ដូនពេញ

ម៉ោង ០៩:០០ ព្រឹក – ០៤:០០ ល្ងាច

អនាគតរបស់អ្នកចាប់ផ្តើមនៅទីនេះ។ ចូលរួមជាមួយ កំពង់ដេវ៉ារីហ្សត និងជាផ្នែកមួយនៃអ្វីដែលអស្ចារ្យនេះ។

Kompong Dewa Tri-City Recruitment Drive Begins in Siem Reap!

Kompong Dewa Resort has officially launched its Tri-City Recruitment Drive, kicking off the nationwide hiring initiative in Siem Reap on 27–28 June 2026. The campaign is designed to connect with skilled professionals across three key destinations in Cambodia as the integrated resort continues to expand its workforce.

The recruitment drive begins in Siem Reap, a province widely recognized as the country’s tourism capital and home to one of Cambodia’s strongest hospitality talent pools. Known for its world-class attractions and culture of service excellence, the city has long produced professionals with extensive experience in hospitality and tourism.

According to Kompong Dewa Resort, the initiative reflects the company’s commitment to creating meaningful career opportunities while investing in local talent. As one of Cambodia’s emerging integrated resort developments, the company aims to build a workforce driven by professionalism, innovation, and a passion for delivering exceptional guest experiences.

The Siem Reap recruitment event provides job seekers with the opportunity to meet directly with the company’s recruitment team, explore a wide range of career opportunities, and learn more about Kompong Dewa’s vision and workplace culture.

Following its stop in Siem Reap, the Tri-City Recruitment Drive will continue to two additional locations, bringing career opportunities closer to talented professionals across Cambodia as the company continues to strengthen its growing team.

Schedule of Activities:

Siem Reap

27 & 28 June 2026

Steung Siemreap Thmey Hotel

Khum Svaydangkum, Street 9, Mondul

09:00AM – 04:00PM

Kampot

03 & 04 July 2026

Square Kampot Hotel

National Road, No 3, #173

Kampongbay Chourng Village

Sangkat Kampot Bay

09:00AM – 04:00PM

Phnom Penh

10 & 11 July 2026

Phnom Penh Hotel

No. 53, St. 93 (Monivong)

Sangkat Sras Chok

Khan Doun Penh

09:00AM – 04:00PM

Your future starts here. Join Kompong Dewa and be part of something extraordinary.

#KompongDewa #RecruitmentDrive #SiemReap #HospitalityCareers #JobOpportunities #Cambodia #PhnomPenh #Kampot

The post កំពង់ដេវ៉ារីហ្សតធ្វើយុទ្ធនាការជ្រើសរើសបុគ្គលិកតាមខេត្តក្រុងទាំងបី នឹងចាប់ផ្តើមខេត្តទី១នៅសៀមរាប! appeared first on Kampuchea Thmey Daily.

ក្នុងឱកាសនោះ លោកបណ្ឌិត លឹម សុខតៃ ព្រឹទ្ធបុរសកិត្តិយស នៃមហាវិទ្យាល័យ វិទ្យាសាស្ត្រ ផ្នែកវិស្វកម្មស៊ីវិល នៃសាកលវិទ្យាល័យន័រតុន បានសង្កេតឃើញថា  ជាង២ទសវត្សរ៍ចុងក្រោយនេះ កម្ពុជា មានការរីកចម្រើនយ៉ាងឆាប់រហ័សលើវិស័យហេដ្ឋារចនាសម្ព័ន្ធ ដោយមានគម្រោងសាងសង់ជាច្រើនដូចជា អគារលំនៅឋាន អគារពាណិជ្ជកម្ម ស្ពាន ផ្លូវថ្នល់ អាកាសយានដ្ឋាន កំពង់ផែ និងតំបន់ឧស្សាហកម្មជាដើម។ លោកថា ការអភិវឌ្ឍទាំងនេះទាមទារឱ្យមានប្រព័ន្ធគ្រឹះរឹងមាំ និងការសិក្សាលក្ខខណ្ឌដីឱ្យបានត្រឹមត្រូវ ដើម្បីធានា ស្ថិរភាពរបស់សំណង់ក្នុងរយៈពេលវែង។ លោកបណ្ឌិត បន្តថា សំណង់គ្រឹះគឺជាផ្នែកសំខាន់បំផុតមួយនៃគម្រោងវិស្វកម្ម ហើយគ្រឹះដែលត្រូវបានរចនាបានត្រឹមត្រូវនឹងជួយធានាបាននូវភាពរឹងមាំ ភាពធន់ និងសុវត្ថិភាពនៃសំណង់ ខណៈការរចនាមិនសមស្របអាចបណ្តាលឱ្យមានការបាក់ស្រុត ការខូចខាតធ្ងន់ធ្ងរ។

លោកបន្តទៀតថា លក្ខខណ្ឌភូគព្ភសាស្ត្រនៅកម្ពុជាមានភាពខុសគ្នាពីតំបន់មួយទៅតំបន់មួយ ដែលជាបញ្ហាប្រឈមសម្រាប់វិស្វករ និងអ្នកសាងសង់។ តំបន់ខ្លះមានដីឥដ្ឋទន់ ដីល្បាប់ ខ្សាច់រលុង ឬតំបន់ដែលទទួលឥទ្ធិពលពីកម្រិតទឹកក្រោមដី ដែលទាមទារឱ្យមានការសិក្សាទីតាំង ការវិភាគលក្ខណៈដី និងការរចនាគ្រឹះឱ្យស្របតាមស្ថានភាពជាក់ស្តែង។

បើតាមលោកបណ្ឌិត លឹម សុខតៃ ការដោះស្រាយបញ្ហាប្រឈមទាំងនេះ មិនអាចពឹងផ្អែកតែលើចំណេះដឹងបច្ចេកទេសប៉ុណ្ណោះទេ ប៉ុន្តែត្រូវការបទពិសោធន៍ជាក់ស្តែង ការស្រាវជ្រាវ នវានុវត្តន៍ និងកិច្ចសហការពីគ្រប់ភាគីពាក់ព័ន្ធក្នុងវិស័យសំណង់។ ដូច្នេះ សិក្ខាសាលានេះត្រូវបានរៀបចំឡើងដើម្បីបង្កើតវេទិកាផ្លាស់ប្តូរចំណេះដឹង និងចែករំលែកបទពិសោធន៍ពីគម្រោងជាក់ស្តែង ព្រមទាំងស្វែងរកដំណោះស្រាយថ្មីៗសម្រាប់លើកកម្ពស់ការអនុវត្តវិស្វកម្មនៅកម្ពុជា។

លោកបណ្ឌិត លឹម សុខតៃ សង្កត់ធ្ងន់ថា៖ «វេទិកាព្រឹត្តិការណ៍ថ្ងៃនេះផ្តល់នូវភាពសមស្របសម្រាប់ការផ្លាស់ប្តូរចំណេះដឹង ការចែករំលែកបទពិសោធជាក់ស្តែង ការពិភាក្សាអំពីមេរៀនដែលបានរៀនពីគម្រោងពិតជាក់ស្ដែង និងការស្វែងយល់ពីដំណោះស្រាយដែលអាចកែលម្អការអនុវត្តវិស្វកម្មនៅកម្ពុជា»។

ជាមួយគ្នានេះ បណ្ឌិត ម៉ុម មុនី អគ្គលេខាធិការ នៃអគ្គលេខាធិការដ្ឋាន ក្រុមប្រឹក្សាជាតិបទប្បញ្ញត្តិបច្ចេកទេសសំណង់ នៃក្រសួងរៀបចំដែនដី នគរូបនីកម្ម និងសំណង់ បានមានប្រសាសន៍ថា សិក្ខាសាលានេះ គឺជាការចែករំលែកចំណេះដឹង និងបទពិសោធ ដែលមានសារៈសំខាន់ក្នុងការចូលរួមអភិវឌ្ឍន៍ធនធានមនុស្ស និងចូលរួមកសាងបណ្តាញវិជ្ជាជីវៈ ឱ្យបានយល់ពីគ្នាក្នុងចំណោមអ្នកវិជ្ជាជីវៈ ព្រមទាំងជួយឱ្យប្រទេសជាតិមានការអភិវឌ្ឍ តាមរយៈការចូលរួមគ្រប់ភាគីពាក់ព័ន្ធ ដើម្បីរុញកម្ពុជាដល់ទិសដៅប្រកួតប្រជែងទាំងក្នុងតំបន់ និងពិភពលោក។

បណ្ឌិត ម៉ុម មុនី បន្ថែមថា សិក្ខាសាលានាពេលនេះ គឺជាគំរូមួយ រវាងកិច្ចសហការវិស័យសាធារណៈ និងឯកជន។ លោកបានបញ្ជាក់ថា៖ «ខាងអគ្គលេខាធិការដ្ឋានក្រុមប្រឹក្សាជាតិក្តី ខាងក្រសួងដែនដីក្តី យើងត្រៀមខ្លួនជានិច្ច ដើម្បីចូលរួមចំណែកសម្រួលនៅក្នុងការស្រាវជ្រាវ ក៏ដូចជាអភិវឌ្ឍន៍នូវវិស័យសំណង់យើងនេះ»។ ជាមួយគ្នានេះ លោកបណ្ឌិត សង្ឃឹមថា អ្នកចូលរួមនឹងទទួលបានចំណេះដឹងថ្មីៗពីវេទិកានេះ ដើម្បីអាចយកចំណេះជំនាញទៅអនុវត្តក្នុងជំនាញវិជ្ជាជីវៈរបស់ខ្លួន។

ចំពោះសិក្ខាសាលានេះ និស្សិតឆ្នាំទី ៤ ពីររូប មកពីដេប៉ាតឺម៉ង់ វិស្វកម្មសំណង់ស៊ីវិល នៃសាកលវិទ្យាល័យន័រតុន យល់ឃើញដូចគ្នាថា ការរៀបចំឱ្យមានសិក្ខាសាលានេះមក គឺពិតជាមានសារៈសំខាន់ចំពោះនិស្សិតរៀនជំនាញវិស្វកម្មសំណង់ស៊ីវិល ដើម្បីឱ្យពួកគេទទួលបានចំណេះដឹងបន្ថែមពាក់ព័ន្ធនឹងជំនាញដែលខ្លួនកំពុងសិក្សា។ យុវជន មាន សំណាង បានប្រាប់ថា៖ «សិក្ខាសាលានេះល្អ ពាក់ព័ន្ធនឹងការគណនាគ្រឿងបង្គុំសំណង់ ដោយសារពាក់ព័ន្ធនឹងការធ្វើអគារ គ្រឹះគឺសំខាន់»។ ចំណែក យុវតី តេង ផានិត និយាយថា៖ «សិក្ខាសាលានេះពិតជាសំខាន់មែនទែន ដោយសារបានបង្ហាញទាំងទ្រឹស្តី ហើយទាក់ទងនឹងបទពិសោធផ្ទាល់។ អ៉ីចឹង បានទាំងទ្រឹស្តី និងការអនុវត្ត»។

សូមជម្រាបថា សិក្ខាសាលានេះ ធ្វើឡើងដើម្បីចែករំលែកបទពិសោធ និងជំរុញលើកកម្ពស់វិស័យវិស្វកម្មសំណង់ស៊ីវិលលើបញ្ហាប្រឈមសំណង់គ្រឹះ និងមេកានិចដីនៅកម្ពុជាឱ្យមានលក្ខណៈស៊ីជម្រៅ ទូលំទូលាយដែលជាប្រយោជន៍ប្រើប្រាស់ មិនត្រឹមតែអ្នកជំនាញ អ្នកសិក្សាស្រាវជ្រាវ និងនិស្សិតប៉ុណ្ណោះទេ ប៉ុន្តែ ក៏រួមចំណែកយ៉ាងសំខាន់ដល់ការការអភិវឌ្ឍស្ថាប័នបណ្តុះបណ្តាល ក្រុមហ៊ុន និងសង្គមជាតិ។ វេទិកានេះ មានការចូលរួមចម្រុះពីស្ថាប័នអប់រំ បណ្តាក្រុមហ៊ុនឯកជន អ្នកម៉ៅការសំណង់ចំនួន ៣៨ស្ថាប័ន និងសិក្ខាកាមសរុបចំនួន ៣០០ អង្គ/នាក់។ សិក្ខាសាលាក៏ផ្តល់ឱកាសឱ្យអ្នកចូលរួមសួរសំណួរ ផ្លាស់ប្តូរយោបល់ និងពិភាក្សាដោយផ្ទាល់ជាមួយអ្នកជំនាញ ដើម្បីស្វែងរកដំណោះស្រាយកាន់តែមានប្រសិទ្ធភាពសម្រាប់ការអភិវឌ្ឍវិស័យសំណង់នៅកម្ពុជាថែមទៀតផង៕

The post សាកលវិទ្យាល័យន័រតុន ប្រមូលផ្តុំអ្នកជំនាញពិភាក្សាពីបញ្ហាប្រឈមសំណង់គ្រឹះ និងមេកានិចដីនៅកម្ពុជា appeared first on Kampuchea Thmey Daily.

​ការលើកឡើងបែបនេះ ​បន្ទាប់ពីមានអ្នកបើកបរមួយចំនួននិយាយថា ​ក្រោយ​ពី​មាន​រថយន្តអគ្គិសនី​( EV)​ ចូល​មក ​ការបញ្ជាកក់ ​Tuk Tuk ​បាន​ថយចុះ​។

​អ្នកប្រកបរបររត់កងបី ​ឈ្មោះ វិចិត្រ ​អាយុ ​៣៤ ឆ្នាំ ​យល់ឃើញថា ​នៅ​ពេល​ដែលក្រុមហ៊ុនមាន​ប្រម៉ូសិន​បន្ទាបតម្លៃ​នឹង​ធ្វើ​ឱ្យ​ភ្ញៀវ​មួយចំនួន ​រត់​ទៅ​រកឡាន ​ជំនួស​ឱ្យ​ការ​កក់​ Tuk Tuk ប៉ុន្តែ​ក៏មិន​ទាំង​អស់នោះដែរ ដោសារជាជម្រើសរបស់ភ្ញៀវ។​

​លោក ​វិចិត្រ ​បន្ថែមថា៖ ​«វាជាជម្រើសរបស់ភ្ញៀវមានពីរ បើគាត់ចង់បានផាសុកភាព ត្រជាក់ស្រួល ហើយ​តម្លៃ​លើបន្តិចគាត់ជិះឡាន ​តែ​បើ​គាត់​ចង់លឿន​ បត់បែន​ស្រួល​ គាត់ជិះកង់បី»។ ​

​អ្នករត់កង់បីម្នាក់ទៀត ឈ្មោះ ស កុសនា ​ប្រាប់ថា ​ខែភ្លៀង ​ក្ដៅ ​ភ្ញៀវ​ភាគច្រើន​គាត់រត់ទៅរកឡាន ​ដោយ​សារ​ឡានមានម៉ាស៊ីនត្រជាក់ ​និងផា​សុក​ភាព។ ​

​លោក ស៊ុំ សាមិះ ​យល់ឃើញថា ​ការ​កក់​រថយន្ត​អគ្គិសនី​ (​EV) ​តាម​អេប ​ប៉ះពាល់ក៏ប៉ះពាល់តិច ​តែក៏អាចឱ្យយើង​រីកចម្រើនដែរ ​បើសិន​ឡានគាត់ដាក់តម្លៃថេរ ​ស្មើ​នឹង​អេប​គេដ៏ទៃ ​គីឡូស្មើអេបគេ ​ហើយយើងប្រកួតប្រជែងគ្នាទៅ ​ប៉ុន្តែតម្លៃអេបធ្វើម៉េច​ឱ្យ​ស្មើ​គ្នា​ទាំង​អស់​តម្លៃឡាន ​EV ​ហើយចាំ​យើង​ប្រកួតប្រជែងជារឿង​របស់​ក្រុមហ៊ុន។​

អ្នករត់កង់បីម្នាក់ទៀត បានប្រាប់ក្នុងលក្ខខណ្ឌមិនបញ្ចេញឈ្មោះថា សព្វថ្ងៃលោកភ្ជាប់ជាមួយ ៣ អេប ដូចជា wownow Pass App និងGrape។ ហើយថា តាំងពី EV ផ្អាកដំណើរការ ការកក់ Tuk Tuk ចាប់ផ្ដើមមានភ្ញៀវជាងមុន។

«ខ្ញុំបើកអេប wownow​ និង Pass App បន្ទាប់ពី EV ផ្អាក ការដឹកចំនួនជើងកើនឡើង ពីមុនបានតែ ២ ឬ៣ ជើង ឥឡូវឡើងដល់ ៨ ជើង»។ តម្លៃប្រេងឥន្ធនៈ និងហ្គាសកើនឡើង បានធ្វើឱ្យប៉ះពាល់ជីវភាពខ្លះដែរ ដោយការចំណាយច្រើនជាងមុន បើហ្គាសចុះដល់ ២០០០ ដូចដើមវិញបានល្អ។ នេះជាការលើកឡើងរបស់អ្នករត់កង់បី។ វិស័យដឹកជញ្ជូននឹងរីកចម្រើនខ្លាំងនៅកម្ពុជានៅពេលអនាគត។

«ពីដើមអ្នកជិះកង្វល់ ពេលថា ពេលជិះទៅ ហៅម៉ូយដៃ ហៅអីទៅ មានអ្នកធ្វើស៊ីអីចឹង ឥឡូវអត់ខ្វល់ទេ ឱ្យតែយើងកក់តាមអេប គឺសុវត្ថិភាពទាំងអ្នកជិះ និងអ្នកដឹក»។ អ្នករត់កង់បី បន្ថែមបែបនេះ។

ចំពោះរថយន្តអគ្គិសនី មានចុះ ប៉ុន្តែធ្វើម៉េចកុំឱ្យតម្លៃស្មើកង់បី ហើយកាលណាតែតម្លៃស្មើគឺកង់បីនឹងប៉ះពាល់ចំណូលកង់បីហើយ។

អ្នករត់កង់បីម្នាក់ទៀត ប្រាប់ថា តាំងពីគេបិទរថយន្ត EV ការកក់ចាប់ផ្ដើមមានឡើងវិញ កាលដែលមានរថយន្តអត់មានភ្ញៀវជិះ គេជិះតែឡាន។ ការដឹកជញ្ជូន នឹងមានការកក់ឡានច្រើន នៅពេលខាងមុខ អតិថិជននឹងងាកទៅជិះឡានវិញ។

អតិថិជនដែលធ្លាប់ជិះ EV របស់ Wownow បានប្រាប់ថា ពីមុនខ្ញុំធ្លាប់ជិះ EV ផង និង Tuk Tuk ផង ប៉ុន្តែឥឡូវ​ ដោយសារតែគេបិទ EV ខ្ញុំមានជម្រើសតែមួយគឺជិះ Tuk Tuk។ លោកថា ទីផ្សារសេវាកម្មតាមអេប គួរតែមានប្រភេទយានជំនិះកាន់តែច្រើន ដោយសារតែអតិថិជននីមួយៗ មានជម្រើសផ្សេងគ្នា អ្នកខ្លះគាត់គិតថា ជិះ Tuk Tuk អ្នកខ្លះថា ជិះរថយន្តងាយស្រួល។

កញ្ញា ​វណ្ណៈ ​ណារីម ​អតិថិជន WOWNOW ​យល់ឃើញថា៖ «ភាគច្រើនខ្ញុំបញ្ជាកក់រថយន្ត EV នៅថ្ងៃ​ចុងសប្ដាហ៍ ​ដោយសារតែមានភាពងាយស្រួល ​ដែលសំខាន់តម្លៃសមរម្យ Tuk Tuk មាន​អត្ថ​ប្រ​យោជន៍​របស់គាត់ ​EV ​ក៏គាត់មានអត្ថប្រយោជន៍របស់គាត់ អញ្ចឹងអត់អាចថា ឥឡូវ​ហ្នឹងត្រូវ​លុប​បំបាត់មួយ ចោលមួយទេ អញ្ចឹងខ្ញុំជាអតិថិជន បើសិនជាខ្ញុំមានតម្រូវការប្រើ EV ចឹងខ្ញុំ​អត់​មាន​សិទ្ធិ​ក្នុងការជ្រើសរើសទេឬ?»។​

​កញ្ញា ​វណ្ណៈ ​ណារីម ​បន្ថែមថា៖ «ខ្ញុំគិតថា WOWNOW ​ល្អទាំងសេវាកម្ម និងការចំណាយ សម្រួល​​​ដល់​អ្នកធ្វើការដូចខ្ញុំច្រើននៅពេលដែលយើងចេញក្រៅ បើសិនជាហៅតាមធម្មតា​តម្លៃភាគ​ច្រើន​ខ្ពស់​ហើយយើងក៏ពិបាកតថ្លៃជាមួយពួកគាត់ដែរ»។ ​

​នៅថ្ងៃទី ​៣០ ​ឧសភា ​២០២៦ ​ក្រុមហ៊ុន WOWNOW បានប្រកាស​ផ្អាក​សេវា​កម្ម​កក់​រថយន្តធ្វើ​ដំណើរតាមប្រព័ន្ធ អនឡាញថាមពលថ្មី (EV Online Ride-Hailing Services) ជាប​ណ្តោះ​អាសន្ន ដើម្បីធ្វើការកែតម្រូវផ្ទៃក្នុង ឱ្យស្របតាមច្បាប់ ​និងបទប្បញ្ញត្តិរបស់អាជ្ញាធរ៕​

The post ​អ្នក​រត់​ម៉ូតូ​កង់បី​ថា ​រថយន្ត ​EV ​ធ្វើ​ឱ្យ​ថយ​ចំណូល​ appeared first on Kampuchea Thmey Daily.

ពានរង្វាន់ Prize of the Jury ជាពានរង្វាន់ដ៏មានកិត្យានុភាពខ្ពស់បំផុតពី Monde Selection ហើយផ្តល់ជូនតែមួយប៉ុណ្ណោះក្នុងមួយឆ្នាំ។

ជារៀងរាល់ឆ្នាំ គណៈកម្មការវាយតម្លៃឯករាជ្យ ធ្វើការជ្រើសរើសយកផលិតផលកំពូលៗដែលមានស្តង់ដារគុណភាពខ្ពស់បំផុតមកពីជាង ៩០ ប្រទេសជុំវិញពិភពលោក ដើម្បីធ្វើការប្រកួតប្រជែង និងចម្រាញ់យកផលិតផលដែលល្អផ្តាច់គេតែមួយប៉ុណ្ណោះ សម្រាប់ទទួលពានរង្វាន់ Prize of the Jury នេះ។ តាមរយៈការវាយតម្លៃយ៉ាងតឹងរឹង និងម៉ត់ចត់បំផុត ដោយផ្អែកលើកត្តាគុណភាព រសជាតិ ក្លិន ពណ៌ និងរូបរាង នៅទីបំផុតគណកម្មការបានសម្រេចគ្នាជាឯកច្ឆន្ទបោះឆ្នោតឲ្យផលិតផល វឌ្ឍនៈ ព្រីមៀមឡៃ ឈ្នះពានរង្វាន់កម្រិតកំពូលមួយនេះសម្រាប់ឆ្នាំ ២០២៦។

គួររំលឹកផងដែរថា កន្លងមកគណកម្មការវាយតម្លៃតែងជ្រើសរើស និងផ្តល់ពានរង្វាន់ផលិតផលល្អផ្តាច់គេទូទាំងពិភពលោក Prize of the Jury នេះជូនផលិតផលដែលផលិតនៅសហភាពអ៉ឺរ៉ុបប៉ុណ្ណោះ ដែលជាទូទៅមានរសជាតិខ្លាំង ដិត និង​ល្វីង។ ប៉ុន្តែ វឌ្ឍនៈ ព្រីមៀមឡៃ របស់កម្ពុជា បានបំបែកឯតទគ្គកម្មដោយផ្លាស់ប្តូរផ្នត់គំនិតគណកម្មការឲ្យងាកមកពេញចិត្តនឹងស្តង់ដារគុណភាព ជាពិសេស​រសជាតិ​ស្រាល​ស្រទន់ ដែលកើតចេញពីភាពប៉ិនប្រសព្វ ភាពច្នៃប្រឌិត​ខ្ពស់ និងភាពសម្រិតសម្រាំងនៅគ្រប់ដំណាក់កាលផលិត។​
 
ជ័យជម្នះនេះបាននាំភាពភ្ញាក់ផ្អើលលើឆាកអន្តរជាតិ ហើយបាននាំឲ្យអន្តរជាតិស្គាល់ប្រទេសកម្ពុជា និងផលិតផលរបស់ប្រទេសកម្ពុជាកាន់តែខ្លាំងឡើង ដែលនេះគឺមិនត្រឹមតែជាកិត្តិយសសម្រាប់ក្រុមហ៊ុន វឌ្ឍនៈ ប៉ុណ្ណោះទេ ប៉ុន្តែថែមទាំងជាមោទនភាពសម្រាប់ប្រទេសកម្ពុជាទាំងមូល ក្នុងការនាំយកស្តង់ដារគុណភាពនៃផលិតផលរបស់កម្ពុជាទៅកាន់ពិភពលោក៕

The post វឌ្ឍនៈ ព្រីមៀមឡៃ ឈ្នះពាន Prize of the Jury ជាផលិតផលល្អផ្តាច់គេទូទាំងពិភពលោក បង្កើតកំណត់ត្រានិងប្រវត្តិសាស្រ្តថ្មីក្នុងឧស្សាហកម្មភេសជ្ជៈនៅប្រទេសកម្ពុជា appeared first on Kampuchea Thmey Daily.

The post សេចក្ដីជូនដំណឹងស្ដីពី ការអញ្ជើញចូលរួមដេញថ្លៃផ្ដល់សេវាអនាម័យ ថែសួន និងកម្ចាត់សត្វល្អិត appeared first on Kampuchea Thmey Daily.

The post សេចក្ដីជូនដំណឹងស្ដីពី ការអញ្ជើញចូលរួមដេញថ្លៃផ្ដល់សេវាអនាម័យ ថែសួន និងកម្ចាត់សត្វល្អិត appeared first on Kampuchea Thmey Daily.

យុទ្ធនាការនេះកំពុងត្រូវបានអនុវត្តតាមរយៈកម្រងវីដេអូ «នៅពីក្រោយការពិត» ដែលបង្ហាញឡើងវិញនូវសេនារីយ៉ូនៃការបោកប្រាស់តាមប្រព័ន្ធអនឡាញទូទៅ ដើម្បីជួយឱ្យប្រជាពលរដ្ឋអាចសម្គាល់ និងជៀសវាងហានិភ័យនានាក្នុងយុគសម័យឌីជីថលបានកាន់តែប្រសើរ។ កម្រងវីដេអូនេះគ្របដណ្តប់លើប្រភេទផ្សេងៗនៃការបោកប្រាស់តាមប្រព័ន្ធអ៊ីនធឺណិត រួមមាន ការបន្លំខ្លួនតាមអនឡាញ ការបោកប្រាស់តាមរយៈរឿងស្នេហា ការបោកប្រាស់ដោយប្រើបច្ចេកវិទ្យា AI (Deepfake) ការផ្ញើតំណភ្ជាប់បោកប្រាស់ (Phishing links) និងល្បិចកលលួចយកគណនីនៅលើបណ្តាញឌីជីថល។

យុទ្ធនាការនេះមានគោលដៅឆ្ពោះទៅកាន់គ្រប់ស្រទាប់វណ្ណៈក្នុងសង្គម ជាពិសេសមនុស្សចាស់ និងបុគ្គលដែលមានលទ្ធភាពប្រើប្រាស់បច្ចេកវិទ្យានៅមានកម្រិត។ តាមរយៈទម្រង់វីដេអូដែលងាយយល់ ងាយចូលទៅដល់ និងស្រដៀងនឹងជីវភាពរស់នៅជាក់ស្ដែង «នៅពីក្រោយការពិត» ត្រូវបានរំពឹងថានឹងជួយលើកកម្ពស់ការយល់ដឹង និងបំពាក់បំប៉នចំណេះដឹងសំខាន់ៗដល់ប្រជាពលរដ្ឋ ដើម្បីប្រើប្រាស់អ៊ីនធឺណិតប្រកបដោយសុវត្ថិភាព និងការទទួលខុសត្រូវ។

គំនិតផ្តួចផ្តើមរួមគ្នានេះ បានឆ្លុះបញ្ចាំងពីកិច្ចខិតខំប្រឹងប្រែងជាបន្តបន្ទាប់របស់ក្រសួងមហាផ្ទៃ និងក្រុមហ៊ុនមិត្តហ្វូន ក្នុងការលើកកម្ពស់ការយល់ដឹងអំពីសន្តិសុខសាយប័រ (Cybersecurity) និងរួមចំណែកកសាងបរិយាកាសអនឡាញដែលមានសុវត្ថិភាព សុខដុមរមនា និងគួរឱ្យទុកចិត្តសម្រាប់សហគមន៍។

ខណៈពេលដែលកម្ពុជាកំពុងបន្តជម្រុញដំណើរការផ្លាស់ប្តូរឌីជីថលឱ្យកាន់តែលឿន ការធានាសុវត្ថិភាពតាមប្រព័ន្ធអនឡាញបានក្លាយជាកិច្ចការកាន់តែសំខាន់ ដើម្បីជួយឱ្យប្រជាពលរដ្ឋទទួលបានអត្ថប្រយោជន៍ពេញលេញពីសេវាកម្ម និងបច្ចេកវិទ្យាឌីជីថល។ បន្ថែមលើការវិនិយោគលើហេដ្ឋារចនាសម្ព័ន្ធទូរគមនាគមន៍ និងសេវាកម្មឌីជីថល ក្រុមហ៊ុនមិត្តហ្វូនក៏បានសហការយ៉ាងសកម្មជាមួយស្ថាប័នរដ្ឋាភិបាល និងអង្គការសហគមន៍នានា ដើម្បីលើកកម្ពស់ការប្រើប្រាស់អ៊ីនធឺណិតប្រកបដោយការទទួលខុសត្រូវ និងពង្រឹងការយល់ដឹងរបស់សាធារណជនអំពីសន្តិសុខសាយប័រផងដែរ។

តាមរយៈកម្រងវីដេអូ «នៅពីក្រោយការពិត» ក្រសួងមហាផ្ទៃ និងក្រុមហ៊ុនមិត្តហ្វូន សង្ឃឹមថានឹងអាចផ្សព្វផ្សាយបន្ថែមទៀតនូវសារនៃការការពារខ្លួនជាមុននៅក្នុងលំហឌីជីថល ដែលរួមចំណែកដល់ការអភិវឌ្ឍសង្គមឌីជីថលមួយប្រកបដោយសុវត្ថិភាព ទំនើប និងនិរន្តរភាពនៅកម្ពុជា។

យុទ្ធនាការវីដេអូពេញលេញស្តីពីការយល់ដឹង និងការការពារការបោកប្រាស់តាមអនឡាញ នឹងត្រូវផ្សព្វផ្សាយក្នុងពេលឆាប់ៗនេះនៅលើទំព័រ Metfone Fanpage និងកម្មវិធី TV360 by Metfone ដែលការណ៍នេះនឹងជួយពង្រីកវិសាលភាពនៃមាតិកាអប់រំដ៏សំខាន់នេះ និងផ្តល់ជូនប្រជាពលរដ្ឋនៅទូទាំងប្រទេសនូវឧបករណ៍ និងចំណេះដឹងដើម្បីរក្សាសុវត្ថិភាពនៅក្នុងបរិបទឌីជីថល។

បន្ទាប់ពីរយៈពេលពីរឆ្នាំនៃការដាក់ដំណើរការ កម្មវិធី TV360 by Metfone ទទួលបានការទាញយកលើសពី ១ លានដងរួចហើយនៅលើប្រព័ន្ធ Android និង iOS ដែលនេះបានពង្រឹងទីតាំងរបស់ខ្លួនជាវេទិកា OTT ដ៏ពេញនិយមបំផុតមួយនៅក្នុងប្រទេសកម្ពុជា។ ជាមួយនឹងបច្ចេកវិទ្យាទំនើប បណ្ណាល័យមាតិកាដ៏សម្បូរបែបដែលបានបញ្ចូលសំឡេងជាភាសាខ្មែរ រួមនឹងគម្រោងតម្លៃដ៏ទាក់ទាញ កម្មវិធី TV360 ផ្តល់ជូននូវបទពិសោធន៍កម្សាន្តប្រកបដោយគុណភាពខ្ពស់ ដែលអនុញ្ញាតឱ្យអ្នកប្រើប្រាស់អាចរីករាយជាមួយមាតិកាដែលពួកគេចូលចិត្តបានគ្រប់ពេលវេលា និងគ្រប់ទីកន្លែង៕

The post ក្រសួងមហាផ្ទៃ និងក្រុមហ៊ុនមិត្តហ្វូន (Metfone) បានសហការគ្នាដាក់ដំណើរការយុទ្ធនាការផ្សព្វផ្សាយ «នៅពីក្រោយការពិត» ដើម្បីពង្រឹងសុវត្ថិភាពតាមប្រព័ន្ធអ៊ីនធឺណិតជូនសាធារណជន appeared first on Kampuchea Thmey Daily.