Connect with us

អត្ថាធិប្បាយ

សង្រ្គាមរុស្ស៊ីនៅអ៊ុយក្រែន ៖ តើលោក ពូទីន អាចចាត់ទុកថា ជាឧក្រិដ្ឋជនសង្រ្គាម បានដែរឬទេ?

បានផុស

នៅ

លោក ចូ បាយដិន ប្រធានាធិបតីអាមេរិកកាលពីប៉ុន្មានសប្តាហ៍មុន បានហៅលោក ពូទីន ប្រធានា​ធិបតីរុស្ស៊ីថា ជាឧក្រិដ្ឋជនសង្រ្គាម បន្ទាប់ពីលោកបានចេញបញ្ជាបើកប្រតិបត្តិការយោធាពិសេសនៅក្នុងប្រទេសអ៊ុយក្រែន។ ប៉ុន្តែ រដ្ឋាភិបាលរុស្ស៊ី មិនអាចទទួលយកបានទេចំពោះការចោទប្រកាន់នេះ ហើយបានទាមទារឲ្យលោក ចូ បាយដិន ដកពាក្យនេះវិញ។ តើការធ្វើសង្រ្គាមរបស់រុស្ស៊ីនៅអ៊ុយក្រែន លោក ពូទីន អាចចាត់ទុកថា ជាឧក្រិដ្ឋជនសង្រ្គាម បានដែរឫទេ? តើអ្វីទៅជាឧក្រិដ្ឋកម្មសង្រ្គាម?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧក្រិដ្ឋកម្ម​សង្គ្រាម បាន​បញ្ញត្តិ​ដោយ​សន្ធិសញ្ញា​ក្រុង​រ៉ូម គឺ​សំដៅ​ដល់​សកម្មភាព​ទាំងឡាយ​ណា​ដែល​ប្រឆាំង​នឹង​បុគ្គល ឬ​ទ្រព្យសម្បត្តិ ក្នុង​ជម្លោះ​ប្រដាប់​អាវុធ ឬ​សង្គ្រាម​ ​ដូចជា អំពើ​ឃាតកម្ម ការ​ធ្វើ​ទា​រុណកម្ម អំពើ​អ​មនុស្ស​ធម៌ ការ​ជម្លៀស​ឲ្យ​ធ្វើការ​ដោយ​បង្ខំ ឬ​ក្នុង​គោល​បំណង​ផ្សេងៗ​ទៀត ទៅ​លើ​ប្រជាជន​ដែល​ស្ថិត​នៅ​ក្នុង​ការ​គ្រប់គ្រង។​ បន្ថែមលើនេះ វា គឺជាអំពើ​ឃាតកម្ម ឬ​ការ​ធ្វើ​ទារុណ​កម្ម​ទៅ​លើ​ឈ្លើយ​សឹក​សង្គ្រាម ការ​ចាប់​ជា​ចំណាប់ខ្មាំង ការ​ដកហូត​ទ្រព្យសម្បត្តិ​សាធារណៈ ឬ​ឯកជន ការ​បំផ្លិចបំផ្លាញ​ទីក្រុង ភូមិ​ប្រជាពលរដ្ឋ​ដែល​មិនមែន​ជា​មូលដ្ឋាន​យោធា​ជាដើម។

តើ​នរណា​ខ្លះ​ដែល​ជា​តួអង្គ​នៃ​ភាគី​បណ្ដឹងក្នុង​សំណុំ​រឿង​បទ​ឧក្រិដ្ឋកម្ម​សង្គ្រាម?

យោង​តាម​អនុសញ្ញា​ក្រុង​ហ្សឺណែវ ចុះ​ថ្ងៃ​ទី ១២ ខែ​សីហា ឆ្នាំ១៩៤៩ និងលក្ខន្តិកៈ​ទីក្រុង​រ៉ូម ស្ដីពី​តុលាការ​ព្រហ្មទណ្ឌ​អន្តរជាតិ នាថ្ងៃទី១៧ ខែ កក្កដា ឆ្នាំ១៩៩៨ ​ចំពោះឧក្រិដ្ឋកម្ម​សង្គ្រាមនេះ គឺគ្រប់​ប្រទេស​ទាំងអស់ ទោះ​ជា​សមាជិក​អង្គការសហប្រជាជាតិ ឬ​មិន​មែន​ជា​សមាជិក​អង្គការសហប្រជាជាតិ និងតុលាការ​ព្រហ្មទណ្ឌ​អន្តជាតិ សុទ្ធ​តែ​មាន​សិទ្ធិ​ក្នុង​ការ​ដាក់ពាក្យ​បណ្ដឹង​ក្រោយ​ពេល​ដែល​ប្រទេស​នោះ​ទទួល​រង​នូវអំពើ​មាន​លក្ខណៈ​សាហាវ​ព្រៃផ្សៃ និង​អ​មនុស្ស​ធម៌​ដែល​តែង​កើត​ឡើង​ពិសេស​នៅ​ក្នុង​ពេល​សង្គ្រាមពី​សំណាក់​ប្រទេស​ដទៃ។

តើស្ថាប័នណាខ្លះដែលមានដែនសមត្ថកិច្ចអារកាត់លើសំណុំរឿងឧក្រិដ្ឋកម្មសង្រ្គាមនេះ?

តុលាការយុត្តិធម៌អន្តរជាតិ និង​តុលាការ​ព្រហ្មទណ្ឌ​អន្តរជាតិ គឺជាស្ថាប័នដែល​មាន​សមត្ថកិច្ច​ ដើម្បី​ដោះស្រាយ​សំណុំ​រឿង​ឧក្រិដ្ឋកម្ម​សង្គ្រាមនេះ។

១. តុលាការយុត្តិធម៌អន្តរជាតិ (International Court of Justice – ICJ) គឺ​ជា​អង្គការ​ច្បាប់​ដ៏​សំខាន់​មួយ​របស់​អង្គការ​សហប្រជាជាតិ។ តុលាការ​នេះ ​មាន​ទីស្នាក់ការ​នៅ​ក្នុង​ទីក្រុង​ឡាអេ នៃ​ប្រទេស​ហូឡង់ ហើយបាន​ចាប់ផ្ដើម​ដំណើរ​ការ​សកម្មភាព​របស់​ខ្លួននៅ​ក្នុង​ឆ្នាំ១៩៤៦។ យោង​តាម​ច្បាប់​អន្តរជាតិ គឺតុលាការនេះ អាចដោះស្រាយ​វិវាទ​ខាង​ផ្លូវច្បាប់ដែល​បណ្ដា​ប្រទេស​នានា​បាន​ស្នើ​ឡើង និងដោះស្រាយ​វិវាទ​រវាង​ប្រទេស និង​ប្រទេស។

ប្រទេស​ដែល​ជា​សមាជិក​របស់​អង្គការ​សហប្រជាជាតិ សុទ្ធ​តែ​ត្រូវ​បាន​ចាត់​ទុក​ជា​សមាជិក​នៃ​លក្ខន្តិកៈ​តុលាការ​យុត្តិធម៌អន្តរជាតិ។ ចំណែក​ឯ​ប្រទេស​ដែល​មិនមែន​ជា​សមាជិក​របស់​អង្គការ​សហប្រជាជាតិ ក៏​អាច​ចូលរួម​ក្នុង​លក្ខន្តិកៈ​តុលាការយុត្តិធម៌​អន្តរជាតិ​បាន​ដែរ ប្រសិនបើ​មានការ​ស្នើ​ឡើង​ដោយ​ក្រុមប្រឹក្សា​សន្តិសុខ​នៃ​អង្គការ​សហប្រជាជាតិ ហើយ​នឹង​ត្រូវ​បាន​មហាសន្និបាត​ទទួល​យល់ព្រម។ ចំពោះ​បណ្ដា​ប្រទេសដែល​មិន​ចូលរួម​នៅ​ក្នុង​លក្ខន្តិកៈ​តុលាការ​យុត្តិធម៌អន្តរជាតិ ​ក៏​អាច​សំណូ​ម​ពរ​ឲ្យ​តុលាការនេះ ជំនុំជម្រះ​វិនិច្ឆ័យ​រឿង​វិវាទ​របស់​ខ្លួន​បាន​ដែរ ប្រសិន​បើ​ក្រុមប្រឹក្សា​សន្តិសុខ​អង្គការសហប្រជាជាតិ​យល់ព្រម។

នីតិ​វិធី​នៃ​ការ​ប្ដឹង៖ ប្រទេស​ទាំងឡាយ អាច​លើក​យក​បញ្ហា​វិវាទ​ទៅ​ដោះស្រាយ​នៅ​ចំពោះ​មុខ​តុលាការយុត្តិធម៌អន្តរជាតិ​តាម​ការ​សម្របសម្រួល។ នៅក្នុង​ករណី​ភាគី​ម្ខាង​ក្នុង​ជម្លោះ​ដាក់ពាក្យ​បណ្ដឹង តុលាការ​យុត្តិធម៌អន្តរជាតិ​មាន​សមត្ថកិច្ច​ទទួល​ពាក្យបណ្ដឹង​បាន ប្រសិនបើ​ខាង​ភាគី​ចុងចោទ​ឆ្លើយតប​ជា​លាយលក្ខណ៍អក្សរ​ទទួល​យល់ព្រម​លើ​រឿង​វិវាទ​ទៅ​តុលាការ ឬ​ភាគី​ចុងចោទ​បាន​ទទួលស្គាល់​សិទ្ធិ​យុត្តាធិការ​ចាប់​បង្ខំ​របស់​តុលាការ។ សាលក្រម​របស់​តុលាការយុត្តិធម៌អន្តរជាតិ​មាន​តម្លៃ​ចាប់​បង្ខំ​ចំពោះ​គូរ​វិវាទ ហើយ​គូរ​វិវាទ​មិន​អាច​ប្តឹងឧទ្ធរណ៍​ជំទាស់​នឹង​សាលក្រម​បាន​ឡើយ។ ក្រុមប្រឹក្សា​សន្តិសុខ​ នឹង​ចាត់វិធានការ​ជា​ចាំបាច់ ដើម្បី​ចាប់​បង្ខំ​ឲ្យ​អនុវត្ត​តាម​សាលក្រម។

២. ​តុលាការ​ព្រហ្មទណ្ឌ​អន្តរជាតិ (International Criminal Court – ICC)៖ លក្ខន្តិកៈ​របស់​តុលាការ​ព្រហ្មទណ្ឌ​អន្តរជាតិ ត្រូវ​បាន​អនុម័ត​នៅ​ថ្ងៃ​ទី ១៧ ខែ​កក្កដា ឆ្នាំ១៩៩៨។ តុលាការ​នេះ ​មាន​យុត្តាធិការ​ពិនិត្យ​មើល​រឿងក្ដី​ទាំងឡាយ​ដែល​ទាក់ទង​ទៅ​នឹង​ឧក្រិដ្ឋកម្ម​សង្គ្រាម។ មហា​សន្និបាត​របស់​អង្គការសហប្រជាជាតិ​លេខ ៣០៧៤ (សម័យ​ប្រជុំ​លើក​ទី២) បាន​ប្រកាស​ពីគោលការណ៍​នានា​នៃ​កិច្ច​សហប្រតិបត្តិការ​ជា​អន្តរជាតិ ក្នុង​ការស៊ើបអង្កេត ចាប់ខ្លួន ការ​បញ្ជូន​ត្រឡប់​មកវិញ(បត្យាប័ន) និង​ការ​ដាក់​ទោស​ដល់​ជន​ទាំងឡាយ​ណា​ដែល​មាន​កំហុស​ពី​បទ​ឧក្រិដ្ឋ​កម្មសង្គ្រាម និង​ឧក្រិដ្ឋកម្ម​ប្រឆាំងនឹង​មនុស្សជាតិ ។ នៅ​ថ្ងៃ​ទី៣ ខែ​ធ្នូ ឆ្នាំ ១៩៧៣ មហា​សន្និបាត​អង្គការសហប្រជាជាតិ​បាន ប្រកាស​ជាគោលការណ៍ដូចតទៅ ៖

១/ ឧក្រិដ្ឋកម្ម​​សង្គ្រាម ទោះ​ជា​កើតឡើង​នៅ​ពេលណា ឬ​ទីកន្លែង​ណា​ក៏​ដោយ ត្រូវ​ស្ថិតនៅ​ក្រោម​ការស៊ើបអង្កេត តាមដាន ហើយ​ជន​ណា​ដែល​បាន​ប្រព្រឹត្តអំពើ​នេះ ត្រូវ​ស្ថិត​នៅ​ក្រោម​ការស៊ើបអង្កេត តាមដាន ចាប់ខ្លួន និង​កាត់ទោស។

២/ បណ្ដា​រដ្ឋ​នីមួយៗ​មាន​សិទ្ធិ​កាត់ទោស​ប្រជាពលរដ្ឋ​ខ្លួន ពី​បទ​ប្រព្រឹត្ត​ឧក្រិដ្ឋកម្ម​នៃ​សង្គ្រាម

៣/ រដ្ឋ​ទាំងអស់​ត្រូវ​សហការ​ជា​មួយ​គ្នា​ទៅវិញទៅមកលើ​មូលដ្ឋាន​ឯកតោភាគី និង​ពហុភាគី ដើម្បី បញ្ឈប់ និង​ទប់ស្កាត់​បទ​ឧក្រិដ្ឋ​នៃ​សង្គ្រាម ហើយ​ត្រូវ​ចាត់វិធានការ​ក្នុង​ស្រុក និង​ជា​អន្តរជាតិ​ជា​ចាំបាច់​សម្រាប់​គោលដៅ​នេះ ។

៤/ រដ្ឋ​ទាំងអស់ ​ត្រូវ​ជួយ​គ្នា​ទៅវិញទៅមកនៅ​ក្នុង​ការ​ស៊ើបអង្កេត ចាប់ខ្លួន និង​នាំ​ទៅ​កាត់​ទោស​នូវ

ជន​ទាំងឡាយ​ណា​ដែល​សង្ស័យ​ថា បាន​ប្រព្រឹត្ត​បទ​ឧក្រិដ្ឋ​ប្រភេទ​នេះ និង​ត្រូវ​ដាក់​ទោស​ដល់​ជន ទាំងនេះ ប្រសិនបើ​រក​ឃើញ​ថា​មាន​កំហុស។

៥/ ជន​ប្រឆាំង​ទាំងឡាយ​ដែល​មាន​ភស្តុតាង​ថា ពួកគេ​បាន​ប្រព្រឹត្ត​បទ​ឧក្រិដ្ឋ​នៃ​សង្គ្រាមត្រូវ​បាន​កាត់​ទោស និង​ត្រូវ​ដាក់​ទោស ប្រសិនបើ​ឃើញ​ថា​មាន​កំហុស។

៦/ រដ្ឋ​ទាំងអស់ ​ត្រូវ​សហការ​លើ​បញ្ហា​ការ​ចាប់​បញ្ជូន​មក​វិញនូវ​ជន​ប្រភេទ​នេះ ។

៧/ រដ្ឋ​ទាំងអស់​ត្រូវ​សហការ​ជា​មួយ​គ្នា​ទៅវិញ​ទៅមកក្នុង​ការ​ប្រមែប្រមូល​ព័ត៌មាន និង​ភស្តុតាង​ដែល​ទាក់ទង​ទៅ​នឹង​បទ​ឧក្រិដ្ឋ​ទាំងអស់​ខាងលើ​នេះ។

៨/ យោង​តាម​មាត្រា​ទី ១ នៃ​សេចក្ដីប្រកាស​អំពី​សិទ្ធិ​ជ្រកកោន​លើ​ទឹកដី ចុះ​ថ្ងៃ ទី១៤ ខែ​ធ្នូ ឆ្នាំ ១៩៦៧ រដ្ឋ​ទាំងអស់​មិន​ត្រូវ​ផ្ដល់​ជម្រកដល់​ជនណាមួយដែល​ទាក់ទង​នឹង​ជន​ដែល​មាន​ហេតុ​ផល​ធ្ងន់ធ្ងរ ដើម្បី​ពិចារណា​ថា ជន​នោះ​បាន​ប្រព្រឹត្ត​ឧក្រិដ្ឋកម្ម​សង្គ្រាម។

៩/ រដ្ឋ​ទាំងអស់​ មិន​ត្រូវ​ចាត់​វិធានការ​តាម​ច្បាប់​ណាមួយ ឬ​វិធានការ​ផ្សេងៗដែល​ធ្វើ​ឲ្យ​ខូចខាត​ដល់​កាតព្វកិច្ច​ជា​អន្តរជាតិចំពោះ​សកម្មភាព​ស៊ើបអង្កេត ការ​ចាប់ខ្លួន ការ​ធ្វើ​បត្យាប័ន។ ដាក់ទោស​ដល់​ជន​ណា​ដែល​មាន​កំហុស​ពី​បទ​ឧក្រិដ្ឋកម្ម​នៃ​សង្គ្រាម ។

១០/ រដ្ឋទាំងអស់ ត្រូវមានកិច្ច​សហប្រតិបត្តិការ ដើម្បី​ស៊ើបអង្កេត ចាប់ខ្លួន និង​ការ​ធ្វើ​បត្យាប័ននូវ​ជន​ប្រឆាំងដែលមាន​ភស្តុតាង​ថា ជន​នោះ​ បាន​ប្រព្រឹត្ត​បទ​ឧក្រិដ្ឋ​កម្មសង្គ្រាម ប្រសិនបើ​រក​ឃើញ​មាន​កំហុស​ នោះ​នឹង​ទទួល​នូវ​ការ​ដាក់ទោស។ រដ្ឋ​ទាំងអស់ ​ត្រូវ​មានវិធានការ​ស្រប​តាម​ ខ​ នៃ​សន្ធិសញ្ញា​របស់​អង្គការសហប្រជាជាតិ និង​សេចក្ដី​ប្រកាស​ស្ដីពី​គោលការណ៍នៃ​ច្បាប់​អន្តរជាតិ។

តើ​ រដ្ឋ និង ឧក្រិដ្ឋ​ជន​សង្គ្រាម ​នឹង​ត្រូវ​ទទួលទោសយ៉ាង​ដូចម្ដេច​ខ្លះ ?

១- ការ​ផ្ចាញ់​តប ៖ ជា​ធម្មតា​គេ​ឃើញ​មាន​វិធានការ​នេះ កើត​ឡើង​មុន​ពេល​ការ​កាត់ក្ដី​នៅ​ក្នុង​តុលាការ​អន្តរជាតិ ជា​វិធានការ​ដ៏​ចំណាស់​មួយ​នៅ​ក្នុង​ចំណោម​វិធានការ​នានា​នៃ​ច្បាប់​អន្តរជាតិ ។ ការ​ផ្ចាញ់​តប​ គឺ​ជា​មធ្យោបាយ​មួយ ដើម្បី​បង្ខំ​ឲ្យរដ្ឋ ជា​សត្រូវ​ទាំងអស់​ឲ្យ​ប្រតិបត្តិ​តាម​វិធាន​នៃ​ច្បាប់​ស្ដីពី​សង្គ្រាម(The rueso sar) ដែលជារឿយៗ​ជួយ​ធ្វើ​ឲ្យ​រដ្ឋ​មាន​ជម្លោះ ​ប្រតិបត្តិ​តាម​វិធាន​នៃ​ច្បាប់ស្តីពី​សង្គ្រាម។

២- ការ​ដាក់​ទណ្ឌកម្ម​លើ​ឧក្រិដ្ឋ​ជន​សង្គ្រាម ៖ ជន​ណា​ដែល​មាន​កំហុស​ពី​បទ​ឧក្រិដ្ឋកម្ម​​សង្គ្រាម​អាច​ត្រូវ​បាន​ចាប់ខ្លួន និង​ត្រូវ​បាន​កាត់​ទោស។ ក្រោយ​សង្គ្រាម​លោក​លើក​ទី ២ មាន​ឧក្រិដ្ឋ​ជន​សង្គ្រាម​មួយ​ចំនួន​ត្រូវ​បាន​គេ​ឃុំ​ខ្លួន និង​ជនដែល​គេ​រក​ឃើញ​មាន​កំហុស​ពី​បទ​ឧក្រិដ្ឋ​នៃ​សង្គ្រាម​ត្រូវ​បាន​គេ​កាត់​ទោស។

៣- សំណង ៖ មាន​ការ​ដាក់​ទណ្ឌកម្ម​ពី​ច្បាប់​ស្ដីពី​សង្គ្រាម​មួយ​ទៀត គឺ​ថា​រដ្ឋ​មាន​ជម្លោះ​មួយ ដែល​រំលោភ​បំពាន​លើ​ច្បាប់​នានា​ដែល​ទាក់ទង​ទៅ​នឹង​សង្គ្រាម អាច​ត្រូវ​បានបង្ខំ​ឲ្យ​បង់សង​សំណង​សម្រាប់​ការ​រំលោភ​បំពាន​នោះ។ មាត្រា៣ នៃ​អនុសញ្ញា​ទីក្រុង​ឡាអេ នា​ឆ្នាំ១៩០៧ ចែងថា រដ្ឋ​មួយ​ដែល​រំលោភបំពាន​ច្បាប់​នៃ​សង្គ្រាម អាច​ត្រូវ​បាន​គេ​បង្ខំ​ឲ្យបង់សំណង​ចំពោះ​ការ​រំលោភ​បំពាន​នេះ៕

ដោយ ៖ សេម វាសនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៩ នាទី មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង២ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម២ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ២ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម