កូវីដ-១៩

អាជ្ញាធរខេត្តមណ្ឌលគិរីកំណត់ផ្ទៃដីទំហំ៥ហិកតាសម្រាប់សាងសង់កន្លែងបូជាសពនិងកន្លែងបញ្ចុះសពអ្នកស្លាប់ដោយសារជំងឺកូវីដ-១៩

បានផុស

៣ years មុន

នៅ

ថ្ងៃពុធ ២៨ មេសា ២០២១

ដោយ

អាជ្ញាធរខេត្តមណ្ឌលគីរីបានកំណត់យកផ្ទៃដីទំហំពី៣-៥ហិកតា ស្ថិតនៅឃុំស្រែខ្ទុម ស្រុកកែវសីមា ខេត្តមណ្ឌលគិរី សម្រាប់សាងសង់កន្លែងបូជាសព ឬឈាបនដ្ឋានកន្លែងបញ្ចុះសពអ្នកដែលបាត់បង់ជីវិត ដោយសារជំងឺកូវីដ-១៩។

លោក ទូច រស្មី ប្រធានមន្ទីរធម្មការ និងសាសនា ខេត្តមណ្ឌលគិរីបានឲ្យដឹងថា ទីតាំងដែលអាជ្ញាធរត្រៀមសម្រាប់បញ្ចុះសពនិងបូជាសពដែលស្លាប់ដោយសារជំងឺកូវីដ១៩ មានចំនួន២ទីតាំងដែលទីតាំងទីមួយត្រូវសាងសង់ឡើងនៅភូមិពូលូង សង្កាត់រមនា ក្រុងសែនមនោរម្យ និងមួយកន្លែងទៀតនៅភូមិអូរណា ឃុំស្រែខ្ទុម ស្រុកកែវសីមា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទូច រស្មី បានបន្តថា ការសាងសង់ឈាបនដ្ឋាននេះក្រុមការងារបានសម្រេចយកទីតាំងដែលមានសុវត្ថិភាព នៅឆ្ងាយពីទីប្រជុំ និងមានទីធ្លាធំទូលាយដែលនេះជាការគិតគូរទុកជាមុន ចៀសវាងពីហានិភ័យនានា។

លោក ស្វាយ សំអ៊ាង អភិបាលខេត្តមណ្ឌលគីរីបានឲ្យដឹងថា គិតត្រឹមល្ងាចថ្ងៃទី២៧ ខែមេសា ឆ្នាំ២០២១ នៅទូទាំងខេត្តមណ្ឌលគិរី មានអ្នកជំងឺកូវីដ១៩ចំនួន០៣នាក់ បានឆ្លងព្រឹត្តឹការណ៍សហគមន៍២០កុម្ភៈនិងកំពុងសម្រាកព្យាបាលនៅមន្ទីរពេទ្យបង្អែកខេត្ត។

លោកអភិបាលខេត្តបានបន្តថា ក្រៅពីអ្នកជំងឺទាំងបីនាក់ចំណុចលំនៅឋានរបស់ពួកគាត់និងអ្នកធ្វើចត្តាឡីស័កនៅតាមផ្ទះចំនួន៣៥គ្រួសារ ត្រូវអាជ្ញាធរបានបិទខ្ទប់ជាបណ្តោះអាសន្នដើម្បីទប់ស្កាត់ការឆ្លងរាលដាលជាបន្តទៀត។

គួរបញ្ជាក់ថា ខណៈមានការឆ្លងរាតត្បាតជំងឺកូវីដ១៩ ដែលជាប់ពាក់ព័ន្ធនឹងព្រឹត្តិការណ៍ ឆ្លងសហគមន៍២០កុម្ភៈ រាជរដ្ឋាភិបាលបានណែនាំឱ្យអាជ្ញាធររាជធានី ខេត្ត ត្រៀមឈាបនដ្ឋាន ឬ កន្លែងបូជាសពសម្រាប់អ្នកស្លាប់ដោយជំងឺកូវីដ១៩ ដោយមិនអនុញ្ញាតឱ្យមានការបញ្ចុះសពឡើយ

លើកលែងតែជនជាតិខ្មែរអ៊ីស្លាម និងជនជាតិដើមភាគតិច៕

អត្ថបទ ៖ សំអឿន