កូវីដ-១៩
ប្រាក់ខែ ៥០ ភាគរយនឹងបើកជូនកម្មករកម្មការិនីក្នុងអំឡុងបិទខ្ទប់
មន្ត្រីជាន់ខ្ពស់ក្រសួងការងារ បណ្ដុះបណ្ដាលវិជ្ជាជីវៈបានបញ្ជាក់ថា កម្មករកម្មការនីដែលប៉ះពាល់ពីវិធានការបិទខ្ទប់របស់រដ្ឋាភិបាល នឹងទទួលបានប្រាក់ខែ ៥០ ភាគរយនៃប្រាក់ឈ្នួលប្រចាំខែ។
យោងតាមរបាយការណ៍ក្នុងអំឡុងពេលបិទខ្ទប់រាជធានីភ្នំពេញ និងក្រុងតាខ្មៅ មានកម្មកររោងចក្រប្រមាណ ៤០ ម៉ឺននាក់ មិនអាចចេញទៅធ្វើការបាន។ ក្រៅពីនោះក៏មានកម្មករនិយោជិតជាង ១ លាន ២ សែននាក់រងផលប៉ះពាល់។
លោកហេង សួរ អ្នកនាំពាក្យក្រសួងការងារ បណ្ដុះបណ្ដាលវិជ្ជាជីវៈបានថ្លែងក្នុងសន្និសីទនៅព្រឹកនេះថា ទោះបីកម្មករកម្មការិនីរោងចក្រដែលប៉ះពាល់ពីវិធានការបិទខ្ទប់របស់រដ្ឋាភិបាលមិនអាចចេញទៅធ្វើការបាន ពួកគេនឹងទទួលបានប្រាក់ខែ ៥០ ភាគរយនៃប្រាក់ខែគោល រួមកញ្ចប់ឧបត្ថម្ភបន្ថែមមួយចំនួនទៀត។
“នៅក្នុងខែមេសាពួកគេធ្វើការបានពីរសប្តាហ៍ ដូច្នេះពួកគេទទួលបាន ៥០ ភាគរយនៃប្រាក់ឈ្នួលប្រចាំខែ ដោយឡែកចាប់ពីសប្តាហ៍ទី៣ និងសប្តាហ៍ទី៤ គឺស្ថិតនៅក្នុងដំណាក់កាលបិទខ្ទប់។ យ៉ាងណា ពួកគាត់ក៏នឹងទទួលបានប្រាក់ឧបត្ថម្ភបន្ថែមពីរដ្ឋាភិបាល និងតាមលទ្ធភាពរបស់រោងចក្រនីមួយៗ។
របាយការណ៍ពីក្រសួងការងារ បណ្ដុះបណ្ដាលវិជ្ជាជីវៈបានឲ្យដឹងថា មានរោងចក្រ ២០៦ កន្លែងនៅទូទាំងប្រទេស ដែលបានរកឃើញមានកម្មករកម្មការិនីឆ្លងកូវីដ ១៩ ក្នុងនោះនៅរាជធានីភ្នំពេញ មានចំនួន ១៣៤ រោងចក្រ។ ចំណែកតុល្យភាពកម្មករកម្មការិនីសរុបទូទាំងប្រទេសឆ្លងកូវីដមានចំនួនសរុប ១៦៧៣ នាក់៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)