ហ្វីលីពីន ហាមប្រាមអ្នកធ្វើដំណើរមកពីប្រទេសឥណ្ឌា ពាក់ព័ន្ធកូវីដបំប្លែងខ្លួនថ្មីដែលគេកំពុងភ័យខ្លាច

មន្ត្រីជាន់ខ្ពស់ម្នាក់បាននិយាយកាលពីថ្ងៃអង្គារថា ប្រទេសហ្វីលីពីន នឹងហាមឃាត់អ្នកធ្វើដំណើរមកពីប្រទេសឥណ្ឌា ដើម្បីការពារការរីករាលដាលនៃជំងឺកូវីដ ១៩ បំប្លែងខ្លួនថ្មី ដែលកំពុងកើនឡើងយ៉ាងខ្លាំងក្លា នៅក្នុងប្រទេសអាស៊ីខាងត្បូងមួយនេះ ។

អ្នកនាំពាក្យប្រធានាធិបតីលោក Harry Roque បាននិយាយនៅក្នុងសេចក្តីថ្លែងការណ៍មួយថា អ្នកដំណើរមកពីប្រទេសឥណ្ឌា ឬអ្នកដែលមានប្រវត្តិធ្វើដំណើរទៅកាន់ប្រទេសនោះ ក្នុងរយៈពេល ១៤ ថ្ងៃ មុនពេលការមកដល់ហ្វីលីពីន នឹងត្រូវហាមឃាត់មិនឲ្យចូលប្រទេសនេះ ចាប់ពីថ្ងៃទី ២៩ ដល់ថ្ងៃទី ១៤ ខែឧសភា ។

បច្ចុប្បន្ន ប្រទេសហ្វីលីពីន មានការកើនឡើងយ៉ាងខ្លាំងនូវករណីឆ្លងជំងឺកូវីដ ១៩ នៅក្នុងប៉ុន្មានសប្តាហ៍ថ្មីៗនេះ ហើយជាប្រទេសស្ថិតនៅលំដាប់ទី ២ នៅក្នុងប្រជាជាតិអាស៊ាន មានករណីឆ្លង និងស្លាប់ដោយសាររោគរាតត្បាតមួយនេះ ។

គួរបញ្ជាក់ថា គិតត្រឹមពេលនេះ ប្រទេសហ្វីលីពីន មានករណីឆ្លងជំងឺកូវីដ ១៩ សរុប ១,០១៣,៦១៨ ករណី និងមានអ្នកស្លាប់ចំនួន ១៦,៩១៦ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ហ្វីលីពីន បន្តចាក់វ៉ាក់សាំង AstraZeneca ដល់ប្រជាពលរដ្ឋអាយុក្រោម ៦០ ឆ្នាំ ក្រោយផ្អាកពាក់ព័ន្ធករណីដុំកំណកឈាម

ចុចអាន ៖ បុរសហ្វីលីពីន ស្លាប់បន្ទាប់ពីប៉ូលិសដាក់ទណ្ឌកម្មឲ្យអាវ៉ង់៣០០ដង ដោយសារចេញក្រៅផ្ទះទិញទឹកផឹកក្រោយម៉ោង ៦ល្ងាច