កូវីដ-១៩

ពលរដ្ឋនៅតំបន់ផ្ទុះជំងឺកូវីដ១៩ ពេលធ្វើដំណើរទៅខេត្តរតនគីរីត្រូវធ្វើតេស្តរកកូវីដ១៩ភ្លាមៗ

បានផុស

៣ years មុន

នៅ

ថ្ងៃពុធ ២៨ មេសា ២០២១

ដោយ

រដ្ឋបាលខេត្តរតនគីរី តម្រូវឲ្យប្រជាពលរដ្ឋរស់នៅតំបន់ផ្ទុះជំងឺកូវីដ១៩ ដែលមានបំណងធ្វើដំណើរចូលទៅភូមិសាស្ត្រខេត្ត ត្រូវធ្វើតេស្តរកកូវីដ១៩ភ្លាមៗតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជួនដំណឹងរបស់រដ្ឋបាលខេត្តរតនគីរី ចុះថ្ងៃទី២៧មេសានេះ បានឲ្យដឹងថា គ្រប់អ្នកគ្រប់អ្នកដំណើរទាំងអស់ ដែលចូលមកភូមិសាស្ត្រខេត្តរតនគិរី ត្រូវផ្ដល់កិច្ចសហការល្អជាមួយសមត្ថកិច្ចក្នុងការផ្ដល់ព័ត៌មានលម្អិតអំពីទីតាំងដែលចេញដំណើរនិងគោលដៅដែលខ្លួនត្រូវទៅ។ រដ្ឋបាលខេត្តបន្តថា«ចំពោះអ្នកដំណើរទាំងឡាយណា ដែលចេញពីតំបន់មានផ្ទុះការឆ្លងរាលដាលធ្ងន់ធ្ងរនៃជំងឺកូវីដ១៩នោះ កម្លាំងសមត្ថកិច្ចដែលប្រចាំការនៅចំណុចឈរជើងតាមគោលដៅ ត្រូវចាត់វិធានការដោយម៉ឹងម៉ាត់និងចាំបាច់ពិសេស ត្រូវយកសំណាករបស់អ្នកដំណើរទាំងនោះដើម្បីវិភាគរហ័សតាមឧបករណ៍តេស្តរហ័ស។

ក្នុងករណីដែលរកឃើញថា មានវិជ្ជាមានកូវីដ១៩ ខេត្តដោយមានកិច្ចសហការពីមន្ត្រីសុខាភិបាល ត្រូវអនុវត្តនីតិវិធីបន្តផ្នែកសុខាភិបាល។ ផ្ទុយមកវិញក្នុងករណីដែលរកមិនឃើញវិជ្ជមានកូវីដ១៩ អ្នកដំណើរនោះត្រូវបានអនុញ្ញាតឲ្យធ្វើដំណើរបន្តទៅដល់គោលដៅ ដោយត្រូវផ្ដល់ដំណឹងអំពីកន្លែងស្នាក់នៅឬបំពេញការងារនិងអនុវត្តវិធានការសុខាភិបាលនានាដូចជាពាក់ម៉ាសនិងរក្សាគម្លាតសុវត្ថិភាព។ ក្នុងពេលដែលស្នាក់នៅក្នុងករណីសង្ស័យចំពោះសុខភាពរបស់ខ្លួនឬបងប្អូនសាច់ញាតិក្រុមគ្រួសារ ដែលមានរោគសញ្ញាក្អកក្តៅខ្លួនពិបាកដកដង្ហើមឬមានកម្ដៅលើសពី៣៧អង្សាសេសូមប្រញាប់ទៅជួបគ្រូពេទ្យ ដើម្បីពិនិត្យសុខភាពជាបន្ទាន់៕

អត្ថបទ៖ សំអឿន

សូមចុចអាន៖ ប្រជាពលរដ្ឋ៣គ្រួសារពាក់ព័ន្ធជាមួយអ្នកជំងឺកូវីដ-១៩ជាជនជាតិថៃ ត្រូវបានអនុញ្ញាតឱ្យត្រឡប់ទៅគេហដ្ឋានវិញហើយ