កូវីដ-១៩

សមាជិកសភាជាន់ខ្ពស់អាមេរិកហ៊ានធានាពីសុវត្ថិភាពវ៉ាក់សាំងកូវីដ ហើយជំរុញប្រជាជនកុំខ្លាចរអាក្នុងការចាក់

បានផុស

៣ years មុន

នៅ

ថ្ងៃពុធ ២៨ មេសា ២០២១

ដោយ

នៅក្នុងកិច្ចខិតខំប្រឹងប្រែងដើម្បីដោះស្រាយភាពស្ទាក់ស្ទើរក្នុងចំណោមសាធារណជននិងអ្នកអភិរក្សមួយចំនួន ដើម្បីទទួលយកវ៉ាក់សាំងកូវីដ ក្រុមសមាជិកសភាជាន់ខ្ពស់អាមេរិក GOP និងក្រុមគ្រូពេទ្យបានចេញវីដេអូមួយកាលពីថ្ងៃអង្គារ ដោយលើកទឹកចិត្តពលរដ្ឋទូទៅឲ្យមកទទួលថ្នាំបង្ការបានគ្រប់គ្នា ហើយហ៊ានធានាអះអាងថាការចាក់វ៉ាក់សាំងគឺមានសុវត្ថិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវីដេអូដែលដឹកនាំដោយព្រឹទ្ធសមាជិក លោក Roger Marshall, R-Kan ដែលជាគ្រូពេទ្យឯកទេសខាងសម្ភពបានបង្ហាញឈុតខ្លីៗ ពីកិច្ចពិភាក្សានៃអត្ថប្រយោជន៍ការការចាក់វ៉ាក់សាំងការពារជំងឺកូវីដ១៩។ លោកបន្ថែមទៀតថា រដ្ឋាភិបាលសហព័ន្ធបានធ្វើការអស់រយៈពេលជាងមួយឆ្នាំ ដើម្បីនាំវ៉ាក់សាំងដែលមានសុវត្ថិភាពនិងប្រសិទ្ធភាពដល់សាធារណជន។

សមាជិកសភាដែលជាគ្រូពេទ្យមួយរូបក៏បានកត់សំគាល់នៅក្នុងវីដេអូថា ការចាក់វ៉ាក់សាំងក៏មានន័យថា ឈានដល់ការដាក់កម្រិតលើការឆ្លងមេរោគដែរ។ ពួកគេបាននិយាយថា ការទទួលថ្នាំបង្ការគឺជាមធ្យោបាយលឿនបំផុត ដើម្បីត្រលប់ទៅរកភាពធម្មតាវិញទាំងអស់គ្នា។ ក្រុមនេះក៏បានលើកទឹកចិត្តដល់ជនជាតិអាមេរិក ដែលនៅមានមន្ទិលសង្ស័យឲ្យនិយាយជាមួយអ្នកជំនាញវេជ្ជសាស្ត្រ។

យោងតាមការស្ទង់មតិរបស់ CBS News / YouGov កាលពីថ្ងៃច័ន្ទ នៃអ្នកឆ្លើយសំណួររបស់សាធារណរដ្ឋ ចំនួន ៣០ ភាគរយបាននិយាយថា ពួកគេមិនទទួលវ៉ាក់សាំងនោះទេ ខណៈ ១៩ ភាគរយទៀតនិយាយថា ពួកគេអាចនឹងទទួលថ្នាំបង្ការ។ ចំណែក ២២ភាគរយនៃអ្នកឆ្លើយសំណួរទាំងអស់នៅក្នុងការស្ទង់មតិបាននិយាយថា ពួកគេមិនមានគម្រោងទទួលថ្នាំបង្ការឡើយ។

លោក Marshall បានបន្ថែមនៅក្នុងវីដេអូថា ការចាក់វ៉ាក់សាំងទ្រង់ទ្រាយធំនឹងអនុញ្ញាតឲ្យជនជាតិអាមេរិក “ឈប់ពាក់ម៉ាសនិងអាចរស់នៅដោយសុខសប្បាយសន្តិភាព ដូចយើងគ្រប់គ្នាបានធ្វើពីមុនមក ” ៕

សូមទស្សនាវីដេអូខាងក្រោម