កូវីដ-១៩
លោក ហេង សួរ ៖ បុគ្គលិកនិងកម្មកររស់នៅតំបន់ក្រហមនិងលឿងទុំ មិនអាចចេញទៅធ្វើការនៅតំបន់លឿងបានទេ
លោក ហេង សួរ រដ្ឋលេខាធិការនិងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈបានឲ្យដឹងថា បុគ្គលិកក្រុមហ៊ុននិងកម្មកររោងចក្ររស់នៅតំបន់ក្រហមនិងតំបន់លឿងទុំ មិនអាចធ្វើដំណើរទៅធ្វើការនៅតំបន់លឿងបានទេ បើទោះបីជាទីតាំងរោងចក្រនិងក្រុមហ៊ុនរបស់ខ្លួននៅតំបន់លឿងក៏ដោយ។
ថ្លែងនៅក្នុងសន្និសីទកាសែតនៅក្រសួងយុត្តិធម៌នៅព្រឹកនេះ លោក ហេងសួរ បានបន្តថាក្រោយមានការបែងចែកតំបន់ក្រហម លឿងទុំនិងលឿងមកមានអ្នកដែលរស់នៅក្នុងតំបន់លឿងប្រមាណពី១៨ម៉ឺន ទៅ២០ម៉ឺននាក់ នឹងអាចមានការងារធ្វើ និងចាប់ផ្តើមមុខរបររបស់ខ្លួនឡើងវិញ។ លោកបានបន្ថែមថា នៅក្នុងតំបន់លឿង យ៉ាងហោចណាស់មានរោងចក្រចំនួន៦០រោងចក្រ អាចដំណើរការវិញបាន និងមានក្រុមហ៊ុនតូចៗផ្សេងទៀត ដែលអាចផ្តល់ការងារដល់កម្មករ និងបុគ្គលិក។ លោកបានបញ្ជាក់បន្ថែមថា« បើទោះបីជារោងចក្រ ក្រុមហ៊ុននោះស្ថិតក្នុងតំបន់លឿងដែលអាចដំណើរការបានក៏ដោយ ប៉ុន្តែកម្មករនិយោជិកដែលរស់នៅតំបន់ក្រហម និងតំបន់លឿងទុំនៅតែមិនអាចចេញមកធ្វើការបាននៅឡើយ»។
លោក ហេង សួរ បានឲ្យដឹងទៀតថា ទោះបីយ៉ាងណារោងចក្រ ស្ថិតនៅក្នុងតំបន់លឿងក៏ពិតមែន តែវាអាស្រ័យទៅលើការវាយតម្លៃរបស់អាជ្ញាធរមូលដ្ឋាននីមួយៗថា បើរោងចក្រនោះបើកទៅវាអាចបង្កហានិភ័យ ក្នុងការឆ្លងជំងឺកូវីដ១៩រោងចក្រនោះ ក៏មិនអាចបើកដំណើរការឡើងវិញបានដែរ បើទោះជានៅតំបន់លឿងក៏ដោយ។ គួរបញ្ជាក់ថា រយៈពេល១៤ ថ្ងៃនៃការខ្ចប់នៅរាជធានីភ្នំពេញ និង ក្រុងតាខ្មៅនេះ មានមនុស្សជាង១លាន២សែននាក់ និងក្រុមហ៊ុន រោងចក្រ សហគ្រាសជិត៨ពាន់បានរងផលប៉ះពាល់៕
អត្ថបទ៖ សំអឿន
សូមចុចអាន៖ ថៅកែរោងចក្រ និងបុគ្គលិក តម្រូវឱ្យមានប័ណ្ណអនុញ្ញាតឱ្យធ្វើដំណើរនៅតំបន់លឿង
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore