កូវីដ-១៩

ក្រសួងសុខាភិបាល ប្រកាសអ្នកជំងឺ ០៦ នាក់ទៀតបានស្លាប់ ក៏មានបុរសចំណាស់អាយុ ៩៣ ឆ្នាំនៅខេត្តព្រះសីហនុ

បានផុស

៣ years មុន

នៅ

ថ្ងៃពុធ ២៨ មេសា ២០២១

ដោយ

ក្រសួងសុខាភិបាលប្រកាសករណីស្លាប់ចំនួន ០៦ នាក់ទៀត ដោយសារជំងឺកូវីដ ១៩។ ជនរងគ្រោះទាំង ០៦ នាក់ មានបុរសវ័យចំណាស់អាយុ ៩៣ ឆ្នាំម្នាក់ បានស្លាប់នៅមន្ទីរពេទ្យបង្អែកខេត្តព្រះសីហនុ។

បុរសវ័យចំណាស់នេះមានអាសយដ្ឋានរស់នៅសង្កាត់េលខ ៤ ខេត្តព្រះសីហនុ។ បើតាមការបញ្ជាក់ពីក្រុមគ្រូពេទ្យ បុរសរងគ្រោះបានចូលមកសម្រាកព្យាបាលនៅថ្ងៃ ២៥ មេសា ២០២១ ដោយមានអាការៈក្តៅខ្លួន ក្អក ហត់ខ្លាំង និងមានប្រវត្តិមានជំងឺលើសសម្ពាធឈាម។ គ្រូពេទ្យបានខិតខំជួយសង្រ្គោះដោយប្រើប្រាស់ម៉ាស៊ីនជំនួយដកដង្ហើមផងដែរ តែស្ថានភាពអ្នកជំងឺកាន់តែធ្ងន់ធ្ងរ និងបានទទួលមរណៈភាពនៅព្រឹកថ្ងៃ ២៨ មេសា ២០២១។

ក្រៅពីបុរសវ័យចំណាស់ខាងលើ ក្រសួងសុខាភិបាលបានប្រកាសនៅថ្ងៃដដែលថ្ងៃនេះ ក៏មានអ្នកជំងឺ ០៥ នាក់ទៀតបានស្លាប់ ដោយសារកូវីដ១៩។ ក្នុងនោះអ្នកជំងឺ ០៣ នាក់បានស្លាប់នៅមន្ទីរពេទ្យមិត្តភាពខ្មែរ សូវៀត អ្នកជំងឺម្នាក់បានស្លាប់នៅមន្ទីរពេទ្យហ្លួងម៉ែ និងអ្នកជំងឺម្នាក់ទៀតបានស្លាប់នៅមណ្ឌលព្យាបាលកូវីដសែនសុខ១៕