កូវីដ-១៩
សង្ឃឹមថាជោគជ័យចុះ! លទ្ធផលធ្វើតេស្តវ៉ាក់សាំងកូវីដលើទារករបស់ក្រុមហ៊ុន Pfizer-BioNTech ត្រៀមបញ្ចេញនៅខែកញ្ញា
ទស្សនាវដ្តីអាល្លឺម៉ង់ Spiegel បានលើកឡើងថា នាយកក្រុមហ៊ុន Pfizer-BioNTech រំពឹងថា នឹងទទួលបានលទ្ធផលនៅខែកញ្ញា ពីការធ្វើតេស្តវ៉ាក់សាំងការពារជំងឺកូវីដ ១៩ លើទារកអាយុតាំងពី ៦ ខែ ។
នាយកប្រតិបត្តិក្រុមហ៊ុន BioNTech លោក Ugur Sahin បានប្រាប់ទស្សនាវដ្ដី Spiegel ថា “កាលពីខែកក្កដា លទ្ធផលដំបូងបានបញ្ចេញសម្រាប់ក្មេងអាយុពី ៥ ទៅ ១២ ឆ្នាំ ហើយរង់ចាំនៅក្នុងខែកញ្ញាសម្រាប់កុមារតូចៗ” ។ លោកបានបន្ថែមថា វាត្រូវចំណាយពេលប្រហែល ៤ ទៅ ៦ សប្តាហ៍ ដើម្បីវាយតម្លៃទិន្នន័យ ។
លោកបាននិយាយថា “ប្រសិនបើអ្វីៗដំណើរការបានល្អ នៅពេលទិន្នន័យត្រូវបានវាយតម្លៃ យើងនឹងអាចដាក់ពាក្យស្នើសុំ ការអនុម័តវ៉ាក់សាំងសម្រាប់កុមារទាំងអស់ ក្នុងក្រុមអាយុរៀងៗខ្លួន នៅក្នុងប្រទេសផ្សេងៗគ្នា” ។
ទន្ទឹមនោះ ក្រុមហ៊ុន BioNTech និង Pfizer បានស្នើសុំនិយ័តករអាមេរិកក្នុងខែនេះ ដើម្បីអនុម័តការប្រើវ៉ាក់សាំងជាបន្ទាន់សម្រាប់ក្មេងជំទង់ ដែលមានអាយុពី ១២ ទៅ ១៥ ឆ្នាំ ។
បន្ថែមពីនេះ ដោយដកស្រង់សម្ដីដោយទស្សនាវដ្តី Spiegel លោក Sahin បាននិយាយថា “ក្រុមហ៊ុនស្ថិតក្នុងដំណាក់កាលចុងក្រោយ មុនពេលដាក់ស្នើទៅនិយតករអឺរ៉ុប សម្រាប់កុមារអាយុចាប់ពី ១២ ឆ្នាំឡើងទៅ” ។
ស្របពេលជាមួយគ្នានេះ ការសាកល្បង ដែលត្រូវបានបោះពុម្ពផ្សាយ នៅចុងខែមីនាបានរកឃើញថា វ៉ាក់សាំងរបស់ក្រុមហ៊ុន Pfizer-BioNTech មានសុវត្ថិភាព ប្រសិទ្ធភាព និងផលិតនូវការឆ្លើយតបអង់ទីគ័រ ដ៏រឹងមាំចំពោះមនុស្សវ័យជំទង់ ។
វ៉ាក់សាំងចាក់ ២ ដូស Pfizer-BioNTech ត្រូវបានអនុញ្ញាតិឲ្យប្រើប្រាស់រួចហើយ សម្រាប់អ្នកដែលមានអាយុចាប់ពី ១៦ ឆ្នាំឡើងទៅ ។
មនុស្សវ័យក្មេង ទំនងជាងាយនឹងទទួលរង នូវករណីធ្ងន់ធ្ងរនៃជំងឺកូវីដ ១៩ ហើយមិនងាយនឹងបញ្ចេញរោគសញ្ញាឆ្លងនោះទេ ដែលជាហេតុធ្វើឲ្យពួកគេងាយចម្លងដោយផ្ទាល់ទៅអ្នកដទៃទៀត ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ វ៉ាក់សាំង Pfizer មានប្រសិទ្ធភាពមិនធម្មតាការពារអ្នកដែលមានជំងឺរ៉ាំរ៉ៃទាំងនេះ មិនឲ្យឆ្លងកូវីដ
ចុចអាន ៖ វ៉ាក់សាំង Pfizer និង Moderna ជួយមនុស្សចាស់មិនឲ្យចូលសម្រាកព្យាបាលនៅមន្ទីរពេទ្យដោយកូវីដជិត ១០០ ភាគរយ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?