កូវីដ-១៩
បុរសអាយុ៧០ឆ្នាំ ជិះកង់ដឹកសពប្រពន្ធទៅបូជាដួលតាមផ្លូវគ្មានអ្នកជួយ ព្រោះខ្លាចកូវីដ
បុរសវ័យចំណាស់អាយុ៧០ឆ្នាំម្នាក់បានប្រឹងជិះកង់ដឹកសពប្រពន្ធយកទៅបូជា បន្ទាប់ពីប្រពន្ធរបស់គាត់បានស្លាប់ដោយជំងឺកូវីដ-១៩។ នៅតាមផ្លូវគាត់បានដួលកង់ ប៉ុន្តែគ្មានអ្នកភូមិណាម្នាក់ដែលនៅសងខាងជួយគាត់ឡើយ ដោយសារខ្លាចកូវីដ-១៩។ នេះបើតាមការឲ្យដឹងពីប៉ូលិសនៅថ្ងៃព្រហស្បតិ៍ម្សិលមិញ។
សោកនាដកម្មដ៏សែនសង្វែគនេះគឺបុរសវ័យចំណាស់នៅភូមិ Ambarpur ក្នុងស្រុកមួយដែលមានចម្ងាយជាង២០០គីឡូម៉ែត្រពីរដ្ឋធានី Lucknow ត្រូវបានអ្នកភូមិថតទិដ្ឋភាពគាត់នៅកណ្តាលផ្លូវ និងបានធ្វើរន្ធត់យ៉ាងខ្លាំងនៅតាមបណ្តាញទំនាក់ទំនងសង្គម។
រូបភាពមួយដែលត្រូវបានគេមើលឃើញថា បុរសម្នាក់បានកំពុងអង្គុយនៅលើចិញ្ចើមផ្លូវ ហើយសពប្រពន្ធរបស់គាត់ដែលរុំក្រណាត់នៅលើកង់ដែលដួលនៅកណ្តាលផ្លូវ។ ទោះជាយ៉ាងណា នៅពេលនោះ គ្មាននរណាម្នាក់ជួយគាត់ឡើយ។
ប៉ូលិសបាននិយាយថា ភរិយារបស់ម្នាក់នេះបានស្លាប់ដោយកូវីដ-១៩នៅក្នុងមន្ទីរពេទ្យស្រុកមួយកាលពីថ្ងៃទី២៦ ខែមេសា ហើយសពត្រូវបានរថយន្តសង្គ្រោះបន្ទាន់របស់មន្ទីរពេទ្យដឹកយកទៅទុកនៅផ្ទះរបស់គាត់ក្នុងភូមិ។
ប៉ូលិសនៅ Madiahun Munna Lal Dhusia បាននិយាយថា ៖«អ្នកនៅជុំវិញនោះ សូម្បីមនុស្សចាស់ក៏គ្មាននរណាម្នាក់ហ៊ានជួយគាត់រៀបចំពិធីបុណ្យ ឬបូជាឡើយ ពីព្រោះអ្នកភូមិខ្លាចកូវីដ-១៩»។
លោកប៉ូលិសរៀបរាប់ថា ៖«បន្ទាប់ពីគ្មាននរណាជួយ គាត់សម្រេចយកសពប្រពន្ធចងដាក់លើកង់ដើម្បីជិះឌុបយកទៅកន្លែងបូជា។ តែវាមិនស្រួលសម្រាប់គាត់ដែលឌុបមនុស្សស្លាប់លើកង់ ហើយបានធ្វើឲ្យគាត់ដួលតាមផ្លូវ»។
ក្រោយមក បានក្រុមប៉ូលិសជួយ បន្ទាប់ពីប៉ូលិសបានដឹងរឿងរ៉ាវដឹកសពប្រពន្ធរបស់បុរសវ័យចំណាស់នោះទៅបូជា ហើយដួលតាមផ្លូវ។ ប៉ូលិសបានទាក់ទងរករថយន្តសង្គ្រោះបន្ទាន់មួយគ្រឿង និងបានដឹកសពទៅបូជានៅ Ramghat៕
ប្រែសម្រួល៖ វីរបុត្រ
ប្រភព៖ indianexpress
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ