កូវីដ-១៩
សប្បុរសជនសហរដ្ឋអាមេរិកផ្តល់អំណោយជូនពលរដ្ឋនៅសង្កាត់បឹងសាឡាងខណៈអ្នកស្លាប់និងឆ្លងជំងឺកូវីដច្រើន
បឹងសាឡាងជាសង្កាត់មួយរបស់ខណ្ឌទួលគោក ហើយសង្កាត់នេះត្រូវបានអាជ្ញាធររាជធានីភ្នំពេញ កំណត់ថា ជាតំបន់ក្រហមដោយជំងឺកូវីដ-១៩ ។ គិតមកដល់ពេលនេះ ក្នុងសង្កាត់មួយនេះមានអ្នកស្លាប់ដោយជំងឺកូវីដ-១៩ចំនួន៥នាក់ហើយ និងមានអ្នកវិជ្ជមានកូវីដ-១៩ក៏បានកើនឡើងរហូតដល់ ៣០០នាក់ហើយដែរ ។
ទន្ទឹមនិងនេះ ដើម្បីជួយសម្រួលដល់ការលំបាកពលរដ្ឋនៅតំបន់នេះ សប្បុរសជននៅសហរដ្ឋអាមេរិក បានផ្តល់អំណោយជូនជាច្រើនរយគ្រួសារ ដែលមានទាំងស្បៀងអាហារ និងថវិកាផងដែរ ដើម្បីចែកលំលែកជីវភាពរបស់ពួកគាត់ ខណៈតំបន់នេះត្រូវបានបិទខ្ទប់។
ការផ្តល់អំណោយជូននេះបានធ្វើឡើងនៅព្រឹកថ្ងៃទី៣០ ខែមេសានេះ នៅលើផ្លូវលេខ៣៣៦ ក្នុងសង្កាត់បឹងសាឡាង ខណ្ឌទួលគោក ក្រោមវត្តមានលោក ឯក ឃុនដឿន អភិបាលខណ្ឌទួលគោក និងលោក យន្ត សួន តំណាងម្ចាស់អំណោយ នៅសហរដ្ឋអាមេរិក ។
លោក យន្ត សួន តំណាងម្ចាស់អំណោយបានបញ្ជាក់ថា អំណោយដែលត្រូវផ្តល់ជូនពលរដ្ឋក្នុងតំបន់ក្រហមបឹងសាឡាងនេះ កើតចេញពីគំនិតផ្តួចផ្តើមកៀងគរថវិកាពីឧបាសក ឆាយ អ៊ីវ ស៊ាង និងឧបាសិកា ហុង គឹមសែ នៅសហរដ្ឋអាមេរិក ដោយបានបញ្ជូនថវិកានេះមកឲ្យលោកជាអ្នកចាត់ចែងជូនពលរដ្ឋចំនួន៣០០គ្រួសារ នៅភូមិ១៤ ចំនួន២០០គ្រួសារ និងភូមិ១៦ ចំនួន១០០គ្រួសារ នៃសង្កាត់បឹងសាឡាង ខណ្ឌទួលគោក ដោយក្នុង១គ្រួសារទទួលបាន អង្ករ ១បាវស្មើ ២៥គីឡូ មី១កេស ទឹកត្រី ១យួរ ទឹកស៊ីអ៊ីវ ១យួរ និងថវិកា ១០ដុល្លារផង។
លោក ឯក ឃុនដឿន ក្នុងឱកាសនោះបានថ្លែងអំណរគុណយ៉ាងជ្រាលជ្រៅចំពោះលោក យន្ត សួន តំណាងម្ចាស់អំណោយនៅសហរដ្ឋអាមេរិក ដែលបានជួយឧបត្ថមជាស្បៀងអាហារនិងថវិកាទាំងនេះ ដើម្បីចែកលំលែកជីវភាពប្រជាពលរដ្ឋនៅតំបន់ក្រហមនៃសង្កាត់បឹងសាឡាងនេះ។
តាមរយៈកាយវិការដ៏ល្អប្រពៃ ប្រកបដោយមនុស្សធម៌ និងគុណធម៌ខាងលើ ពិតជាបានរួមចំណែកយ៉ាងសំខាន់ជាមួយអាជ្ញាធរនិងរាជរដ្ឋាភិបាល ស្របតាមការអំពាវនាវរបស់សម្តេចអគ្គមហាសេនាបតីតេជោ ហ៊ុន សែន ក្នុងការចាត់វិធានការទប់ស្កាត់ការរីករាលដាលនៃមេរោគកូវីដ ១៩ នៅរាជធានីភ្នំពេញ ។
លោក ឯក ឃុនដឿន បានមានប្រសាសន៍លើកឡើងដែរថា សង្កាត់បឹងសាឡាង ត្រូវបានអាជ្ញាធររាជធានីភ្នំពេញ កំណត់ថា ជាតំបន់ក្រហមដោយជំងឺកូវីដ-១៩ ហើយគិតមកដល់ពេលនេះ ក្នុងសង្កាត់មួយនេះមានអ្នកស្លាប់ដោយជំងឺកូវីដ-១៩ចំនួន៥នាក់ហើយ ។ ចំណែកអ្នកមានវិជ្ជមានកូវីដ-១៩ វិញបានកើនឡើងរហូតដល់៣០០នាក់ហើយដែរ ។ ដូច្នេះទេសូមបងប្អូនប្រជាពលរដ្ឋទាំងអស់មេត្តា ចូលរួមអនុវត្តឲ្យបានខ្ជាប់ខ្ជួនទៅតាមការណែនាំរបស់ក្រសួងសុខាភិបាល ក៏ដូចជាអនុសាសន៍ដ៏ខ្ពង់ខ្ពស់របស់សម្ដេចតេជោហ៊ុនសែន គឺ ៣កុំនិង៣ការពារ។ ពិសេសកុំចាកចេញពីផ្ទះ យើងត្រូវតែយកឈ្នះកូវីដ-១៩ឲ្យបាន ។
ក្រោយពីបញ្ចប់ពិធីចែកអំណោយនៅតំបន់ក្រហមបឹងសាឡាងនេះហើយ លោក ឯក ឃុនដឿន ក៏បានបន្តដឹកនាំក្រុមការងារ ចុះមកចែកជូនប្រជាពលរដ្ឋចំនួន៥០០គ្រួសារ នៅតំបន់ក្រហមមួយកន្លែងទៀត ស្ថិតនៅក្នុងភូមិទី២១និង២៣ ក្នុងសង្កាត់បឹងកក់ទី២ ខណ្ឌទួលគោក៕
អត្ថបទ ៖ ស្រីរ័ត្ន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ