កូវីដ-១៩
ពលរដ្ឋបុកទៅចាក់វ៉ាក់សាំងច្រើនពេក មន្រ្តីសុខាភិបាលចេញសារបន្ទាន់មួយ
លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណកម្មការចាក់វ៉ាក់សាំងកូវីដ ១៩ បានចេញសារបន្ទាន់មួយ ក្រើនរំលឹកពលរដ្ឋដែលសម្រុកចាក់វ៉ាក់សាំងចៀសវាង ការបុកមកបញ្ច្រៀតគ្នានាំហានិភ័យនៃការឆ្លងរាលដាល។
ខណ្ឌចំនួន៤នៅតំបន់ក្រហម រួមមាន ខណ្ឌដង្កោ ខណ្ឌមានជ័យ ខណ្ឌពោធិ៍សែនជ័យ និងខណ្ឌកំបូល មានពលរដ្ឋសម្រុកមកកកុញនៅថ្ងៃបើកយុទ្ធនាការចាក់វ៉ាក់សាំងនៅព្រឹកមិញនេះ។
លោកជំទាវឱ វណ្ណឌីន បានថ្លែងឲ្យដឹងថា ក្រុមការងារចាក់វ៉ាក់សាំងមានវ៉ាក់សាំងគ្រប់គ្រាន់ ដែលអាចចាក់គ្រប់ចំនួនដល់បងប្អូនប្រជាពលរដ្ឋ កម្មករតាមផ្ទះជួល ហើយកុំបារម្ភថាកុំមានការភ័យខ្លាចពីការអស់វ៉ាក់សាំង។ វ៉ាក់សាំងបានចាត់ចែងចាក់ដល់បងប្អូនដែលមានអាយុចាប់ពី ១៨ ឆ្នាំ ដោយមានវេន មានវេលា ដើម្បីបញ្ចៀសការកកកុញអាចបង្កហានិភ័យនៃការចម្លងកូវីដ១៩។
លោកជំទាវរដ្ឋលេខាធិការបានលើកឡើងដោយព្រមានថា “យើងមកទទួលយកវ៉ាក់សាំងកូវីដ ១៩ មិនមែនមកទទួលយកកូវីដ ១៩ នោះទេ។ ហើយយើងក៏មិនចង់មកទទួលយកការចម្លង កន្លែងប្រជ្រៀតគ្នានៅកន្លែងចាក់នេះដែរ”។
លោកជំទាវលើកឡើងបន្តថា សូមបងប្អូនមេត្តារក្សាសណ្តាប់ធ្នាប់ មានវិន័យត្រឹមត្រូវ។ សុខភាពរបស់ប្អូនបានមកពីការអនុវត្តការពារផ្ទាល់ខ្លួន គ្មានអ្នកណាអាចជំនួសបានឡើយ។
គួរបញ្ជាក់ថា រាជរដ្ឋាភិបាលបានបើកយុទ្ធនាការចាក់វ៉ាក់សាំងជូនប្រជាពលរដ្ឋនិងកម្មករ និយោជិត អាយុចាប់ពី១៨ឆ្នាំឡើងនៅតំបន់ក្រហម ក្នុងខណ្ឌចំនួន៤នៅរាជធានីភ្នំពេញ រួមមាន ខណ្ឌដង្កោ ខណ្ឌមានជ័យ ខណ្ឌពោធិ៍សែនជ័យ និងខណ្ឌកំបូលដល់ពលរដ្ឋជាង ៥០ ម៉ឺននាក់ ចាប់ពីថ្ងៃទី១ដល់ថ្ងៃទី៣១ឧសភាឆ្នាំ២០២១។ បើតាមការបញ្ជាក់ពីអាជ្ញាធរ ពលរដ្ឋដែលអាចចាក់វ៉ាក់សាំងនៅតំបន់ក្រហមនេះបាន លុះត្រាតែមានការរៀបចំលេខរៀងពីអាជ្ញាធរភូមិឬសង្កាត់ទើបអាចចាក់បាន៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត