កូវីដ-១៩
អាមេរិក ប្រាប់ឲ្យឥណ្ឌា រៀនសូត្រពី ចិន ក្នុងការប្រយុទ្ធជាមួយកូវីដ
លោក Anthony Fauci ដែលជាទីប្រឹក្សាវេជ្ជសាស្រ្តរបស់ប្រធានាធិបតីសហរដ្ឋអាមេរិកបានលើកឡើងថា ឥណ្ឌាអាចរៀនសូត្រពីប្រទេសចិន ក្នុងការប្រយុទ្ធប្រឆាំងជាមួយការផ្ទុះឡើងនៃជំងឺកូវីដ-១៩។
លោក Fauci បានផ្តល់ដំបូន្មានស្តីពីវិធីដោះស្រាយស្ថានការណ៍ដ៏លំបាកនិងអស់សង្ឃឹមនេះ ក្នុងពេលផ្តល់បទសម្ភាសន៍ជាមួយកាសែត The Indian Express ដែលបានចេញផ្សាយកាលពីថ្ងៃសៅរ៍។
លោក Fauci បាននិយាយថា ការកសាងមន្ទីរពេទ្យបណ្តោះអាសន្ន ដូចមន្ទីរពេទ្យដែលត្រូវបានគេប្រើនៅក្នុងទីក្រុង អ៊ូហានកាលពីឆ្នាំមុន នៅពេលទីក្រុងកណ្តាលប្រទេសចិនមួយនេះ ក្លាយជាចំណុចកណ្តាលដំបូងគេនៃជំងឺរាតត្បាត គឺអាចជាវិធានការទប់ស្កាត់គ្រាអាសន្នមួយ។
លោកលើកឡើងថា “អ្វីដែលចិនបានធ្វើនៅពេលពួកគេមានវិបត្តិ អ្នកអាចចាំបាន។ ក្នុងរយៈពេលត្រឹមពីរបីថ្ងៃ ពួកគេបានសាងសង់ទីតាំងបន្ទាន់ទាំងនោះ ដែលបម្រើការជាមន្ទីរពេទ្យ”។
លោក Fauci ដែលក៏ជាប្រធានវិទ្យាស្ថានជាតិអាឡ័កស៊ីនិងជំងឺឆ្លងសហរដ្ឋអាមេរិកផងដែរនោះ បានចង្អុលទៅការប្រើប្រាស់វិធានការ Lockdown របស់ប្រទេសចិន ដោយលោកនិយាយថា “យើងដឹងថានៅពេលដែលចិន មានការផ្ទុះដ៏ធំមួយកាលពីមួយឆ្នាំមុន ពួកគេបានបិទទាំងស្រុង។ ហើយប្រសិនបើអ្នកបិទ អ្នកមិនចាំបាច់បិទរយៈពេលប្រាំមួយខែទេ។ អ្នកអាចបិទជាបណ្តោះអាសន្នដើម្បីបញ្ចប់វដ្តនៃការចម្លង”។
ទាំងប្រទេសឥណ្ឌានិងចិន មានប្រជាជនជាងមួយពាន់លាននាក់ និងមានតំបន់ទីក្រុងដែលមានប្រជាជនរស់នៅច្រើន ថ្វីបើការផ្ទុះឡើងរបស់ប្រទេសចិននៅដើមឆ្នាំ២០២០ ភាគច្រើនត្រូវបានកំណត់ចំពោះទីក្រុងអ៊ូហាននិងផ្នែកផ្សេងទៀតនៃខេត្តហ៊ូប៉ីក៏ដោយ។
រដ្ឋាភិបាលបានហាមឃាត់ការធ្វើដំណើរចេញពីទីក្រុងនេះ ហើយក៏ដាក់បម្រាម ផងដែរនៅក្នុងតំបន់ផ្សេងទៀតនៃប្រទេស។ នៅពេលនោះ វិធានការបែបនេះត្រូវប្រឈមនឹងការរិះគន់យ៉ាងខ្លាំង ប៉ុន្តែបន្ទាប់ពីការអនុវត្តនិងដាក់ការត្រួតត្រាព្រំដែន ប្រទេសចិនបានកត់ត្រាការផ្ទុះឡើងបន្តិចបន្តួចប៉ុណ្ណោះក្នុងរយៈពេល ១២ខែចុងក្រោយនេះ។
វិធានការសំខាន់ផ្សេងទៀតដែលលោក Fauci បានគូសបញ្ជាក់រួមមាន យុទ្ធនាការចាក់វ៉ាក់សាំងសម្រាប់ការគ្រប់គ្រងយូរអង្វែង និងការទទួលបានការផ្គត់ផ្គង់សង្គ្រោះបន្ទាន់ភ្លាមៗ ដូចជាអុកស៊ីសែន ម៉ាស៊ីនជំនួយខ្យល់ដកដង្ហើមនិងឧបករណ៍ការពារ៕
ប្រែសម្រួលដោយ៖ Vann Vann
ប្រភព៖ SCMP
ចុចអាន៖ មិនត្រឹមតែសួតទេ កូវីដធ្វើឲ្យខូចដល់ក្រពះ! អ្នកជំងឺយូរបំផុតនៅអង់គ្លេស ឈឺជាង១ឆ្នាំ ក្អួតរាល់ថ្ងៃ
-
ព័ត៌មានជាតិ១ សប្តាហ៍ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
KPT+១ សប្តាហ៍ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានអន្ដរជាតិ៧ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ជីវិតកម្សាន្ដ៥ ថ្ងៃ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ៧ ថ្ងៃ ago
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ព័ត៌មានជាតិ៤ ថ្ងៃ ago
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ
-
ព័ត៌មានអន្ដរជាតិ១៧ ម៉ោង ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ជីវិតកម្សាន្ដ៧ ថ្ងៃ ago
តារាកំប្លែង ស្រីអ៊ីត ចេញមុខការពារ នាយ ចឺម ក្រោយរងការជេរប្រមាថពាក់ព័ន្ធបទចម្រៀងថ្មី