កូវីដ-១៩

អ្នកជាសះស្បើយពីកូវីដ នឹងសល់រោគសញ្ញាអាក្រក់មួយនេះនៅយូរអង្វែង

បានផុស

៣ years មុន

នៅ

ថ្ងៃចន្ទ ៣ ឧសភា ២០២១

ដោយ

តាមការស្រាវជ្រាវបង្ហាញថា ៨៦% មនុស្សដែលមានករណីជំងឺកូវីដស្រាល នឹងទទួលរងនូវរោគសញ្ញាបណ្ដោះអាសន្នមួយទាក់ទង Parosmia ដែលនោះជាការបាត់បង់រសជាតិនិងជាប់ក្លិនអាក្រក់តាមច្រមុះរយៈពេលវែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សជាច្រើនដែលមានជំងឺកូវីដស្រាល បានបាត់បង់នូវរសជាតិនិងក្លិនរបស់ពួកគេក្នុងរយៈពេលពីរបីសប្ដាហ៍ប៉ុណ្ណោះ។ ប៉ុន្តែក្នុងករណីខ្លះ ចំពោះអ្នកដែលវិវត្តទៅជា parosmia អារម្មណ៍នៃរសជាតិនិងក្លិនរបស់អ្នកជំងឺ អាចមានការប្រែប្រួលរហូតដល់ ៣ ឆ្នាំ។

Parosmia គឺជាពាក្យដែលត្រូវបានប្រើដើម្បីពិពណ៌នាអំពីស្ថានភាពសុខភាព ទាក់ទងនឹងអារម្មណ៍នៃរសជាតិនិងក្លិន។ វាជារោគសញ្ញាអាក្រក់មួយដែលធ្វើឲ្យច្រមុះអ្នកជំងឺប្រែជាធំក្លិនមិនល្អ។ ប៉ុន្តែតាមបច្ចេកទេស parosmia គ្រាន់តែមានន័យថា អារម្មណ៍ក្លិនរបស់អ្នកត្រូវបានផ្លាស់ប្ដូរតាមវិធីខ្លះ។

មានករណីជាច្រើនបានកើតឡើងនៅទូទាំងពិភពលោក ដែលជាលទ្ធផលធ្វើឲ្យអ្នកជំងឺចុះខ្សោយចំពោះអារម្មណ៍នៃរសជាតិនិងក្លិន នៅតែមិនទាន់អាចវិលមករកភាពធម្មតាវិញ បើទោះបីជាជាបានសះស្បើយពីវីរុសក៏ដោយ។

លោក Eric Holbrook, M.D ប្រធានព្យាបាលរោគនៅផ្នែកភ្នែកនិងត្រចៀកនៃរដ្ឋ Massachusetts និងជាសាស្ត្រាចារ្យរងនៅឯមន្ទីរពេទ្យOtolaryngology និយាយថា ” ជាធម្មតាវាមិនស្ថិតស្ថេរជារៀងរហូតទេ មនុស្សភាគច្រើនជាសះស្បើយក្នុងរយៈពេលពីរទៅបួនសប្ដាហ៍ ប៉ុន្តែអ្នកខ្លះអាចវិវត្តច្រើនខែឬច្រើនជាងនេះអាស្រ័យលើស្ថានភាពសុខភាព ” ។

កូវីដមិនត្រឹមតែកើតមាន Parosmia ដែលធ្វើឲ្យក្លិនធម្មតាប្រែក្លាយទៅជាមិនល្អ។ ប៉ុន្តែវាក៏អាចបណ្ដាលឲ្យមានកង្វះអាហាររូបត្ថម្ភផងដែរ។ ជាពិសេសគឺមនុស្សដែលបានជាសះស្បើយ អាចលែងមានចំណង់ទទួលទានទទួលទានអាហារដូចពីមុន៕

ប្រែសម្រួល៖ សាង ស្រីល័ក្ខ

ប្រភព៖eatthis N prevention

ចុចអាន ៖គួរតាមដាន! រោគសញ្ញាកូវីដមួយចំនួនទៀត គ្រប់គ្នាមិនធ្លាប់ដឹង

ចុចអាន៖កត់សម្គាល់ភាពខុសគ្នារវាងរោគសញ្ញាកូវីដ-១៩ និងកូវីដបំប្លែងខ្លួនថ្មី

Related Topics:រោគសញ្ញាកូវីដ១៩