កូវីដ-១៩
កូវីដផ្ទុះខ្លាំងនៅឥណ្ឌា តែប្រទេសមួយជាប់នោះ មានការឆ្លងកើនឡើងដល់ទៅ១,២០០ភាគរយ
យោងតាមការគណនាទិន្នន័យពីសកលវិទ្យាល័យ Johns Hopkins បានបង្ហាញថា បើគិតតួលេខជាមធ្យមសម្រាប់រយៈពេលមួយសប្តាហ៍ចាប់តាំងពីពាក់កណ្តាលខែមេសាមក ប្រទេសនេប៉ាល់ បានកត់ត្រានូវការកើនឡើងជាង ១,២០០ភាគរយនៃករណីឆ្លងជំងឺកូវីដ-១៩។
យោងតាមស្ថិតិរបស់រដ្ឋាភិបាលបានបង្ហាញថា កាលពីថ្ងៃចន្ទ ប្រទេសនេះបានប្រកាសនូវចំនួនអ្នកឆ្លងវីរុសថ្មីខ្ពស់បំផុតក្នុងកំណត់ត្រាដល់ទៅ ៧,៣៨៨ករណីក្នុងរយៈពេល២៤ម៉ោងចុងក្រោយ។ ជាមធ្យម ប្រទេសនេះកំពុងរាយការណ៍អំពីការឆ្លងប្រចាំថ្ងៃ ២០០ករណីក្នុងមនុស្សមួយលាននាក់។
ប្រទេសជិតខាងនេប៉ាល់ គឺឥណ្ឌា ដែលកំពុងតែបន្តប្រយុទ្ធជាមួយនឹងរលកទី២ដ៏សាហាវ នៃជំងឺរាតត្បាតកូវីដ-១៩ បានបង្ហាញអត្រាជាមធ្យមប្រហាក់ប្រហែលគ្នានេះ ត្រឹមចុងខែមេសា។
យោងតាមទិន្នន័យពីសាកលវិទ្យាល័យ Johns Hopkins បានបង្ហាញថា ប្រទេសឥណ្ឌា បានរាយការណ៍ថា មានអត្រាជាមធ្យមប្រហែល២០៦ករណី ក្នុងមនុស្សមួយលាននាក់នៅថ្ងៃទី២២ខែមេសា។
ប្រទេសអាស៊ីខាងត្បូងដ៏តូច នេប៉ាល់ បានមើលឃើញថា ចំនួនករណីឆ្លងបានចាប់ផ្តើមធ្លាក់ចុះនៅក្នុងខែកុម្ភៈនិងចូលដល់ខែមីនា ដោយករណីដែលត្រូវបានគេរកឃើញថ្មី គឺចន្លោះពី៥០ទៅ១០០ករណីក្នុងមួយថ្ងៃ។ ប៉ុន្តែការឆ្លងបានផ្ទុះឡើងវិញនៅពាក់កណ្តាលខែមេសា ខណៈរលកទីពីររបស់ប្រទេសឥណ្ឌាបានបង្កើនល្បឿន ហើយករណីប្រចាំថ្ងៃនៅពេលនេះគឺឈានដល់រាប់ពាន់។
ប្រទេសនេប៉ាល់ ក៏បានរកឃើញករណីនៃវីរុសកូវីដ-១៩បំប្លែងខ្លួនឥណ្ឌាផងដែរ។
កាលពីថ្ងៃចន្ទ នាយករដ្ឋមន្ត្រីនេប៉ាល់លោក Khadga Prasad Sharma Oli បានប្រកាសថាប្រទេសនេះនឹងហាមឃាត់រាល់ជើងហោះហើរអន្តរជាតិ ដោយចាប់ផ្តើមពីពាក់កណ្តាលអធ្រាត្រថ្ងៃទី៦ដល់ថ្ងៃទី១៤ខែឧសភា៕
ប្រែសម្រួលដោយ៖ Vann Vann
ប្រភព៖ CNN
ចុចអាន៖ ដោយសារវ៉ាក់សាំងនិងការ Lockdown ចំនួនអ្នកជំងឺកូវីដ ទួរគី ទៅព្យបាលនៅមន្ទីរពេទ្យ ធ្លាក់ចុះពាក់កណ្តាល
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?