កូវីដ-១៩
មានសង្ឃឹមហើយ! ក្រោយ WHO អនុម័តប្រើប្រាស់ជាបន្ទាន់ ប្រទេសក្រីក្រត្រៀមទទួលវ៉ាក់សាំង Moderna ចំនួន ៥០០ លានដូសពីកម្មវិធី COVAX
សម្ព័ន្ធភាពវ៉ាក់សាំង GAVI កាលពីថ្ងៃចន្ទ បាននិយាយថា ខ្លួនបានទិញវ៉ាក់សាំង Moderna ចំនួន ៥០០ លានដូស សម្រាប់បញ្ជូនទៅប្រទេសក្រីក្រ ។
ក្រុមមន្រ្តីបាននិយាយថា កិច្ចព្រមព្រៀងរវាងវ៉ាក់សាំង Moderna និងសម្ព័ន្ធភាព GAVI នឹងចាប់ផ្តើមនៅចុងឆ្នាំនេះ ហើយនឹងដំណើរការ រហូតដល់ឆ្នាំ ២០២២ ដែលជាផ្នែកមួយនៃកម្មវិធី COVAX ។
លោកបណ្ឌិត Seth Berkley នាយកប្រតិបត្តិ GAVI បាននិយាយ នៅក្នុងសេចក្តីថ្លែងការណ៍មួយថា “យើងមានសេចក្តីរីករាយណាស់ ដែលបានចុះហត្ថលេខា លើកិច្ចព្រមព្រៀងថ្មីនេះជាមួយ Moderna ហើយនឹងផ្តល់ឲ្យប្រទេស ដែលចូលរួមនៅក្នុងកម្មវិធី COVAX ទទួលបានវ៉ាក់សាំង ដែលមានប្រសិទ្ធិភាពខ្ពស់គ្រប់គ្រាន់” ។
គួររម្លឹកថា វ៉ាក់សាំង Moderna បានទទួលការអនុម័ត ប្រើប្រាស់ជាបន្ទាន់ពី WHO កាលពីថ្ងៃសុក្រ ហើយវាក៏ជាតម្រូវបន្ថែម សម្រាប់សិទ្ធិទទួលបានពីកម្មវិធី COVAX ទៅដល់ប្រទេសក្រីក្រ ។
ទន្ទឹមនោះ លោក Stephane Bancel នាយកប្រតិបត្តិរបស់ក្រុមហ៊ុនវ៉ាក់សាំង Moderna បានហៅកិច្ចព្រមព្រៀងនេះថា ជាព្រឹត្តិការណ៍ដ៏សំខាន់មួយ ក្នុងការចាក់ថ្នាំបង្ការ នៅទូទាំងពិភពលោក ជាពិសេសអ្នកដែលរស់នៅក្នុងប្រទេសក្រីក្រ និងជាកន្លែង ដែលការទទួលបានវ៉ាក់សាំង កាន់តែមានបញ្ហា ។
លោក Bancel បាននិយាយ នៅក្នុងសេចក្តីថ្លែងការណ៍មួយថា “ប្រទេសជាច្រើន មានធនធានមានកំណត់ ក្នុងការទទួលបាន វ៉ា់ក់សាំងការពារជំងឺកូវីដ ១៩ ។ យើងនៅតែប្តេជ្ញាធ្វើអ្វីៗគ្រប់យ៉ាង ដែលយើងអាចធ្វើបាន ដើម្បីបញ្ចប់ការរីករាលដាល នៃជំងឺរាតត្បាតនេះ” ។
សម្ព័ន្ធភាពវ៉ាក់សាំង GAVI គឺជាការសហការជាមួយ WHO និងមូលនិធិកុមារ របស់អង្គការសហប្រជាជាតិ (UNICEF) ដើម្បីជួយដល់ប្រទេស ដែលមានប្រាក់ចំណូលទាប ស្ទើរតែ ១០០ ដោយពង្រីកការទទួលបានវ៉ាក់សាំងការពារជំងឺកូវីដ ១៩ ខណៈថ្មីៗនេះ ប្រទេសស៊ុយអែត ក៏បានយល់ព្រមបរិច្ចាគវ៉ាក់សាំង AstraZeneca ចំនួន ១ លានដូស ដល់កម្មវិធី COVAX ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ UPI
ចុចអាន ៖ WHO អនុម័តវ៉ាក់សាំង Moderna សម្រាប់ប្រើប្រាស់បន្ទាន់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ