កូវីដ-១៩
ជនជាតិដើមភាគតិចអនុវត្តតំណមភូមិ ឬបិទភូមិ ដើម្បីទប់ស្កាត់ការរីករាលដាលជំងឺកូវីដ-១៩
បងប្អូនប្រជាពលរដ្ឋជនជាតិដើមភាគតិចក្នុងខេត្តរតនគិរី មានទំនៀមទម្លាប់តាំងពីយូរលុងណាស់មកហើយ ដោយមានការតំណមភូមិ ឬបិទភូមិ មិនឲ្យអ្នកក្រៅចូល ដោយមានធ្វើពិធីសែនព្រេនដើម្បីសុំសេចក្ដីសុខពីម្ចាស់ទឹកម្ចាស់ដី បណ្ដេញឧបទ្រពចង្រៃ ធ្វើពិធីសែនអារក្ស ឲ្យជៀសផុតពីជំងឺរាតត្បាតនានា ក្នុងរយៈពេលវែង ឬឆាប់ តាមទំនៀមទម្លាប់របស់ជនជាតិនីមួយៗ។
ក្នុងបរិបទនៃដំណាក់កាលកូវីដ-១៩ និងជាពិសេសព្រឹត្តិការណ៍សហគមន៍២០កុម្ភៈ ហាក់មិនទាន់ថមថយនេះ បងប្អូនសហគមន៍ជនជាតិដើមភាគតិច ក្នុងស្រុកអូរជុំ និងស្រុកបរកែវ ទាំងប្រុសស្រី ក្មេងចាស់ បានអនុវត្តតំណមភូមិ ឬបិទភូមិ ដោយមិនឲ្យអ្នកក្រៅចូល មានការយាមកាមទាំងយប់ទាំងថ្ងៃ សរសេរបម្រាម មានខ្សែ និងឈើបាំង ជារនាំងច្រកចេញចូលភូមិ ដោយស្មារតីចូលរួមចំណែកជាមួយរាជរដ្ឋាភិបាល ក្នុងការទប់ស្កាត់ការរីករាលដាលជំងឺកូវីដ-១៩ និងវិធានសុខាភិបាលនាពេលបច្ចុប្បន្ននេះ។
យោងតាមការបញ្ជាក់ តាមទូរស័ព្ទរបស់លោក ហេង ប៊ុននី អភិបាលស្រុកបរកែវ បានឲ្យដឹងថា ស្ទើរតែគ្រប់ភូមិទាំងអស់នៅស្រុកបរកែវ បានអនុវត្តតំណមភូមិ ឬបិទភូមិ ដោយមិនឲ្យអ្នកក្រៅចូលមួយរយៈ តាមប្រពៃណីបងប្អូនជនជាតិដើមភាគតិច ដើម្បីការពារសហគមន៍របស់ពួកគាត់ ក្នុងគោលបំណងចូលរួមទប់ស្កាត់ការចម្លងជំងឺកូវីដ-១៩ដ៏កាចសាហាវនេះ ជាមួយរាជរដ្ឋាភិបាល និងវិធានសុខាភិបាល ប្រសិនបើមានអ្នកល្មើសចូល នឹងទទួលការពិន័យតាមបែបប្រពៃណីរបស់ពួកគាត់។
ដោយឡែកលោក ខៀង យុទ្ធារ៉ា អភិបាលរងស្រុកអូរជុំ បានឲ្យដឹងស្រដៀងគ្នានេះដែរ ក្នុងករណីមានអ្នកល្មើសចូលដោយចេតនា ក្នុងការហាមឃាត់នោះ នឹងទទួលរងការពិន័យពីគណៈកម្មការចាស់ទុំ តាមប្រពៃណីរបស់ពួកគាត់សម្រេច មានស្រាល ធ្ងន់ ដែលពិន័យទាំងនោះមានដូចជា មាន់ ស្រា, ជ្រូក ស្រា និងថវិកាជាដើម។ ក្នុងនោះទោសស្រាលមានដូចជាការលួចចេញចូល រីឯទោសធ្ងន់មានដូចជា ការចេញចូលល្មើសបម្រាម រួចបង្ហាញអាក្បបកិរិយា និងកាយវិការ ពាក្យសំដីប្រមាថមើលងាយធ្ងន់ធ្ងរទៅដល់សហគមន៍ ឬគណៈកម្មការ។ សូមបញ្ជាក់អោយដឹងផងដែរថា ការផាកពិន័យទាំងនោះ គឺដើម្បីយកជូនចាស់ទុំក្នុងភូមិ តម្រូវការធ្វើកម្មវិធី សែនព្រេនទាំងនោះវិញ៕
អត្ថបទ ៖ វុទ្ធឦសាន
-
ព័ត៌មានជាតិ១ សប្តាហ៍ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ២ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ២ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៤ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ១៤ ម៉ោង ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល