កូវីដ-១៩
ចាស់ជរាគ្មានទីពឹងចំនួន៦៦នាក់ទទួលអំណោយពីសម្តេចតេជោ និងសម្តេចកិត្តិព្រឹទ្ធបណ្ឌិត
តាមរយៈលោកស្រី បាន ស្រីមុំ អភិបាលនៃគណៈអភិបាលខេត្តប៉ៃលិន នាព្រឹកថ្ងៃទី០៥ ខែឧសភា ឆ្នាំ២០២១ បាននាំយកនូវអំណោយសង្គ្រោះបន្ទាន់របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ចែកជូនដល់លោកតា លោកយាយចាស់ជរា គ្មានទីពឹងចំនួន៦៦នាក់ ក្នុងខេត្តប៉ៃលិន ដែលទទួលរងផលប៉ះពាល់ក្នុងវិបត្តិកូវីដ-១៩ ។
ពិធីនេះបានប្រព្រឹត្តទៅនៅ៣ទីតាំងផ្សេងគ្នា ដោយមានការអញ្ជើញចូលរួមពីលោក សៅ សារ៉ាត់ អ្នកតំណាងរាស្ត្រមណ្ឌលប៉ៃលិន អភិបាលរងខេត្ត ក្រុមការងារ ស.ស.យ.ក និងក្រុមការងារកាកបាទក្រហមកម្ពុជាខេត្ត ជាច្រើនរូប ។
ក្នុងឱកាសជួបសំណេះសំណាលនេះដែរ លោកស្រី បាន ស្រីមុំ បានពាំនាំប្រសាសន៍ផ្តាំផ្ញើសួរសុខទុក្ខពីសំណាក់សម្តេចតេជោ ហ៊ុន សែន និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ដែលជានិច្ចកាលសម្តេចទាំងពីរតែងតែគិតគូរពីសុខទុក្ខប្រជាពលរដ្ឋ ពិសេសគឺពលរដ្ឋនៅតាមតំបន់ព្រំដែនយើងតែម្តង។
លោកស្រីអភិបាលខេត្តបន្ថែមថា ដោយសារបញ្ហាវិបត្តិជំងឺកូវីដ-១៩ ទើបធ្វើឱ្យជីវភាពប្រជាពលរដ្ឋជាច្រើនជួបនូវការខ្វះខាត ខណៈពេលមិនអាចចេញទៅប្រកបមុខរបរណាឆ្ងាយ ពីលំនៅឋានខ្លួនបាន ដូចកាលពីមុន ហើយអំណោយទាំងអស់នេះ គ្រាន់តែអាចជួយសម្រាលបន្ទុកមួយរយៈពេលខ្លីប៉ុណ្ណោះ តែក៏នឹងផ្តល់ជូននាពេលក្រោយៗ បន្តទៀត។
ទន្ទឹមនឹងនេះដែរ លោកស្រីអភិបាលខេត្តក៏បានក្រើនរំឮកប្រជាពលរដ្ឋទាំងអស់ ឱ្យចេះថែរក្សាអនាម័យ សម្អាតបរិស្ថានជុំវិញផ្ទះ តាមដងផ្លូវទីសាធារណៈឱ្យបានស្អាតជានិច្ច ដើម្បីសុខភាព និងសោភ័ណភាព តែយើងក៏ត្រូវមានការប្រុងប្រយ័ត្ន ឱ្យបានខ្ពស់ចំពោះបញ្ហាជំងឺកូវីដ-១៩ ដ៏កាចសាហាវខាងលើ ដោយត្រូវលាងដៃនឹងសាប៊ូ ឱ្យបានញឹកញាប់ ឬលាងដៃនឹងទឹកអាល់កុល ជែលជាដើម ដើម្បីការពារកុំឱ្យឆ្លងរីករាលដាលនៅក្នុងសហគមន៍។
សូមបញ្ជាក់ថា គ្រឿងឧបភោគបរិភោគ ដែលផ្តលជូនចាស់ជរាទាំងនោះរួមមានដូចជា អង្ករ៣០គីឡូក្រាម មី១កេស ទឹកត្រី១យួរ ទឹកសុទ្ធដបធំ១យួរ និងថវិកាមួយចំនួន ជាអំណោយរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិតិ្តព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ៕
អត្ថបទ ៖ សេង សុវណ្ណារិទ្ធ
-
ព័ត៌មានជាតិ២ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម២ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ៥ ថ្ងៃ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ព័ត៌មានជាតិ៤ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានអន្ដរជាតិ៥ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
សេដ្ឋកិច្ច១ សប្តាហ៍ ago
តូតាល់អេនើជី ខួប១០០ឆ្នាំ
-
ព័ត៌មានជាតិ៣ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ជីវិតកម្សាន្ដ៥ ថ្ងៃ ago
Carman Lee ត្រូវគេរើសអើង ពេលនៅលីវ និងគ្មានកូនដូចគេក្នុងអាយុ ៥៨ ឆ្នាំ