កូវីដ-១៩
សំណួរងាយៗមួយចំនួនធ្វើឲ្យអ្នកចាក់ ឬមិនទាន់ចាក់វ៉ាក់សាំង ធ្លោយមាត់ប្រាប់ទាំងមិនដឹងខ្លួន
ក្រោយការចាក់វ៉ាក់សាំងមានភាពទូលំទូលាយជាងមុន មនុស្សគ្រប់គ្នានឹងចាប់ផ្ដើមយល់ដឹងបានច្រើនពីរឿងមួយនេះ។ ដូច្នេះគ្មានអីចម្លែកឬជាការរើសអើង បើសិនគ្រប់គ្នាសួរគ្នាទៅវិញទៅមកថា ម្នាក់ៗបានទទួលវ៉ាក់សាំងរួចរាល់និងមានអាការប្រតិកម្មផ្សេងគ្នារបៀបម៉េចខ្លះ។
អ្នកជំនាញនិយាយថា វិធីដែលអាចសួរដោយបង្ការខ្លាចគេខឹង អាចសួរដោយសំឡេងស្មោះត្រង់ និងរើសពាក្យគួរសមនិយាយទៅកាន់បុគ្គលនោះ។
១ មុនសួរពិនិត្យសំឡេងខ្លួនឯងសិនជៀសវាងគេយល់ច្រឡំទៅន័យផ្សេង
វេជ្ជបណ្ឌិត Haley Neidich, LCSW អ្នកចិត្តសាស្ត្រនៅ Tampa មានប្រសាសន៍ថា “ ការបញ្ចេញសំឡេងដែលមិនបានពិនិត្យ អាចជាការចោទប្រកាន់ និងជាបញ្ហាចម្បងមួយពេលអ្នកចង់សួរមនុស្សណាម្នាក់អំពីស្ថានភាពនៃការចាក់វ៉ាក់សាំងរបស់ពួកគេ” ។ បើយើងសួរឆ្គងៗគេនឹងឆ្លើយមកបែបនោះដូចគ្នា ហើយគេក៏អាចអន់ចិត្តព្រោះមិនយល់ន័យយើង។
ប្រការល្អត្រូវប្រាប់ពីស្ថានភាពវ៉ាក់សាំងរបស់អ្នកជាមុនសិន បន្ទាប់មកទើបអាចសួរពីគេអារម្មណ៍យ៉ាងណាចំពោះវ៉ាក់សាំងនេះ។ គំនិតនេះអាចនឹងជំរុញឲ្យមានការសន្ទនាបែបធម្មជាតិ ហើយធ្វើឲ្យមនុស្សម្នាក់នោះកាន់តែមានភាពសុខស្រួលក្នុងការឆ្លើយតបមកវិញ។
២ ជ្រើសរើសពាក្យគួរសមដោយឆ្លាតវៃ
គួរតែគិតពីពាក្យដែលយើងបានជ្រើសរើស នៅពេលសួរអំពីស្ថានភាពចាក់វ៉ាក់សាំងរបស់នរណាម្នាក់។ ការសន្ទនាវ៉ាក់សាំងមិនគួរតឹងតែងទេ គួរតែនិយាយធម្មតា ដោយមិនគិតពីការវិនិច្ឆ័យនិងដោយស្មោះត្រង់។ យើងអាចអាចនិយាយអ្វីធម្មតាដូចជា “ តើអាចចែករំលែកស្ថានភាពប្រតិកម្មវ៉ាក់សាំង លើរាងកាយរបស់អ្នកជាមួយខ្ញុំទេ? ខ្ញុំចេះតែមានការភ័យខ្លាចក្នុងពេលនៅជិតមនុស្សច្រើន ” ឬ ” ណាមួយខ្ញុំចេះតែបារម្ភ បើខ្ញុំឆ្លងអាចរាលដាលដល់អ្នកផ្ទះខ្ញុំ ដែលមានសុទ្ធតែមនុស្សប្រឈមហានិភ័យខ្លាំង។ ប៉ុន្តែបើមានវ៉ាក់សាំង ការឆ្លងគឺពួកយើងអាចមានតិចតួច។ តើអ្នកគិតយ៉ាងម៉េចដែរ ចំពោះវ៉ាក់សាំងកូវីដ? វិធីនេះគេអាចដឹងថាអ្នកចង់ដឹង ព្រោះដើម្បីការពារអ្នកផ្ទះដែរ ណាមួយវាក៏បង្ហាញភាពស្មោះត្រង់ជាជាងនិយាយអាក្រក់។
៣ សួរបែបលក្ខណៈឯកជន
បើវិធីខាងលើពិបាក អាចងាកមកសួរជាលក្ខណៈឯកជនវិញ។ វាអាចឲ្យម្ខាងទៀតគ្មានសម្ពាធតានតឹងពេលនិយាយប្រាប់យើង។ ចងចាំថាយើងនៅតែនៅតែរកពាក្យនិយាយកុំឲ្យគេយល់ច្រឡំ។
៤ ប្រើច្បាប់គ្រួសាររបស់យើង
វិធីចុងក្រោយនេះអាចថាធ្ងន់តិចតួច តែយើងគ្រាន់តែចង់ការពារគ្រួសារនិងខ្លួនឯងតែប៉ុណ្ណោះ។ វិធីនេះគឺជាការចែងអំពីច្បាប់នៃគ្រួសារចំពោះអ្នកណាដែលយើងបានជជែកជាមួយ ឬប៉ះពាល់គេ។ ប្រាប់គេថា អ្នកផ្ទះខ្ញុំមានមនុស្សចាស់និងក្មេងច្រើន ហើយភូមិខ្ញុំភាគច្រើនគឺនាំគ្នារួបរួមការពារណាស់ ដើម្បីបានច្បាស់រៀងៗខ្លួនពីជំងឺរាតត្បាតនេះ។
ការសួរមិនមែនមានន័យបញ្ចើចបញ្ចើ តែជាន័យដែលយើងបានចូលរួមកាត់បន្ថយនិងប្រឆាំងកូវីដ ជាពិសេសពេលយើងនិយាយជាមួយបុគ្គលនោះ យើងនឹងមានសន្តិភាព មិនបារម្ភថានាំរោគចម្លងអ្នកនៅផ្ទះ។ នេះអាចជាវិធីដែលមិនងាយនឹងទទួលបានចម្លើយ ប៉ុន្តែមិនថាចម្លើយយ៉ាងម៉េចទេ យើងត្រូវគោរពការឆ្លើយតបរបស់ពួកគេជានិច្ច ៕
ប្រែសម្រួល៖ សាង ស្រីល័ក្ខ
ប្រភព៖prevention
ចុចអាន៖វ៉ាក់សាំងធំៗទាំង៧ ដែលជាអាវុធកម្ចាត់កូវីដ ចេញពីពិភពលោក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ