កូវីដ-១៩
អភិបាលរាជធានី ណែនាំឲ្យអាជ្ញាធរខណ្ឌ និងកម្លាំងមានសមត្ថកិច្ច ពង្រឹងការងារឲ្យបានម៉ឺងម៉ាត់បំផុត នៅតំបន់ក្រហម
អភិបាលនៃគណៈអភិបាលរាជធានីភ្នំពេញ លោក ឃួង ស្រេង បានធ្វើការណែនាំឲ្យអាជ្ញាធរខណ្ឌ ក៏ដូចជាកម្លាំងមានសមត្ថកិច្ច ដែលបាននិងកំពុងឈរជើងនៅតាមគោលដៅបិទខ្ទប់ ក្នុងតំបន់ក្រហម ត្រូវពង្រឹងការងារឲ្យបានម៉ឺងម៉ាត់បំផុត ពិសេសមិនអនុញ្ញាតឲ្យចេញចូលទៅក្នុងតំបន់ក្រហមជាដាច់ខាត។
ក្រោយពីមានការប្រកាសនៃការបិទខ្ទប់តំបន់ក្រហមនេះជាថ្មីទៀត នៅតាមបណ្ដាលខណ្ឌមួយចំនួន ដូចជានៅក្នុងខណ្ឌមានជ័យ ខណ្ឌពោធិ៍សែនជ័យ ខណ្ឌឫស្សីកែវ ខណ្ឌទួលគោក ខណ្ឌច្បារអំពៅ និងខណ្ឌ៧មករាជាដើម។ ការជំរុញនិងការណែនាំបែបនេះរបស់លោក ឃួង ស្រេង បានធ្វើឡើង ខណៈដែរលោកអញ្ជើញចុះពិនិត្យស្ថានភាពជាក់ស្ដែង នៅតាមតំបន់ក្រហមមួយចំនួន នៅក្នុងខណ្ឌមានជ័យ ខណ្ឌពោធិ៍សែនជ័យនិងខណ្ឌឫស្សីកែវ នៅវេលាថ្ងៃត្រង់ថ្ងៃទី០៦ ខែឧសភា នាំ២០២១នេះ ក្រៅពីការណែនាំឲ្យពង្រឹង នៅតាមគោលដៅទាំងប៉ុន្មានខាងលើនេះ លោក ឃួង ស្រេង ក៏បានឧបត្ថម្ភនូវថវិកាមួយចំនួនជូនដល់អាជ្ញាធរនិងកងកម្លាំង ដែលបាននិងកំពុងឈរជើងនៅគោលដៅបិទខ្ទប់ទាំងនេះផងដែរ។ ការផ្តល់ជាថវិកានេះ គឺដើម្បីជាការលើកទឹកចិត្តឲ្យអាជ្ញាធរនិងកងកម្លាំង មានស្មារតីទទួលខុសត្រូវខ្ពស់ ក្នុងការបិទខ្ទប់តំបន់ក្រហមទាំងនេះឲ្យមានប្រសិទ្ធភាពខ្ពស់ ចៀសវាងបាននូវការរីករាលដាលជំងឺកូវីដ-១៩ ទៅតំបន់ ផ្សេងទៀត។
បន្ថែមពីលើនេះទៀត លោក ឃួង ស្រេង ក៏បានឧបត្ថម្ភថវិកាមួយចំនួនទៀតទៅលោក សាន្ត សំអាត មន្ត្រីប៉ូលិសប៉ុស្តិ៍ចោមចៅទី២ ខណ្ឌពោធិ៍សែនជ័យ ដែលរងរបួសក្បាលដោយខ្យល់ព្យុះកាលពីយប់មិញ នៅពេលកំពុងបំពេញការងារ។ លោក ឃួង ស្រេង បានមានប្រសាសន៍លើកឡើងថា ក្នុងនាមអាជ្ញាធរក៏ដូចជាកម្លាំងមានសមត្ថកិច្ចត្រូវណែនាំពន្យល់ប្រជាពលរដ្ឋឲ្យបានយល់ ពីហេតុផលនៃការបិទខ្ទប់នេះ ដែលសកម្មភាពបែបនេះ របស់អាជ្ញាធរក៏ដូចជាកងកម្លាំងប្រដាប់អាវុធ មានគោលបំណងតែមួយគត់នោះ គឺរក្សាជីវិត បងប្អូនទាំងអស់គ្នា កុំឲ្យឆ្លងនូវការជំងឺកូវីដ-១៩ មិនមានចេតនាណាមួយធ្វើបាបបងប្អូនទេ។
លោក ឃួង ស្រេង ក្រៅពីការណែនាំនិងជំរុញឲ្យរឹតបន្តឹង នៅតាមគោលដៅសំខាន់ៗនៃច្រកចេញចូលតំបន់ក្រហមនេះហើយ លោក ឃួង ស្រេង នូវបានណែនាំនិងបញ្ជាឲ្យអាជ្ញាធរខណ្ឌទាំងអស់ ធ្វើសកម្មភាព បាញ់ថ្នាំសម្លាប់មេរោគ នៅតាមតំបន់ក្រហមទាំងនេះផងដែរ ពិសេស នៅតំបន់ផ្ទះជួលរបស់កម្មករកម្មការិនីរោងចក្រស្នាក់នៅ និងនៅតាមបណ្តារោងចក្រ ដែលមានបញ្ហាប្រឈមខ្លាំងនៃការរីករាលដាលជំងឺកូវីដ-១៩។ ដោយឡែកចំពោះការផ្ដល់អំណោយជូនប្រជាពលរដ្ឋ អាជ្ញាធរខណ្ឌ សង្កាត់ ត្រូវតែបន្តចែកជូនទៅដល់បងប្អូនប្រជាពលរដ្ឋ ពិសេស បងប្អូនប្រជាពលរដ្ឋ ដែលមានជីវភាពខ្វះខាត នៅតាមតំបន់ក្រហមនេះឯង៕
អត្ថបទ៖ ស្រីរ័ត្ន
សូមចុចអាន៖ ហេតុអ្វីមន្ត្រីថាការបិទខ្ទប់ជោគជ័យ ទន្ទឹមពេលចំនួនឆ្លងកូវីដកើនឡើង?
-
ព័ត៌មានអន្ដរជាតិ៦ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៥ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ៦ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
KPT+៥ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍១ សប្តាហ៍ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ៤ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ៤ ថ្ងៃ ago
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ព័ត៌មានជាតិ២០ ម៉ោង ago
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ