កូវីដ-១៩

អំណោយរបស់សម្តេចតេជោ បានទៅដល់ដៃប្រជាពលរដ្ឋ រស់នៅតំបន់ក្រហម ក្នុងភូមិដើមចាន់

បានផុស

៣ years មុន

នៅ

ថ្ងៃសុក្រ ៧ ឧសភា ២០២១

ដោយ

អំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទៅដល់ដៃប្រជាពលរដ្ឋ រស់នៅក្នុងតំបន់ក្រហម ចំនួន១៤០គ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ពីលោក យ៉ិន វុធ ចៅសង្កាត់ច្បារអំពៅទី២ បានឲ្យដឹងថា នាព្រឹកថ្ងៃទី៧ ខែឧសភានេះ លោក ចេង មុនីរ៉ា អភិបាលខណ្ឌច្បារអំពៅ បាននាំយកអំណោយរបស់សម្តេចតេជោ យកទៅប្រគល់ជូនបងប្អូនប្រជាពលរដ្ឋរស់នៅក្នុងតំបន់ក្រហម ដែលស្ថិតនៅក្រោយយឿត្រី ក្នុងភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។

លោក យ៉ិន វុធ បន្តថាទីតាំងតំបន់ក្រហមនេះ មានប្រជាពលរដ្ឋប្រមាណ៩៨នាក់ បានឆ្លងជំងឺកូវីដ១៩ បន្ទាប់ពីបានឆ្លងពីសពលោកតា ឈ្មោះ ស៊ិន ម៉ៅ អាយុ៧៣ឆ្នាំ ដែលបានមរណភាពកាលពីថ្ងៃទី២៤ ខែមេសា កន្លងទៅ។

ក្នុងពេលប្រគល់អំណោយជូនដល់ប្រជាពលរដ្ឋ ដែលរស់នៅក្នុងតំបន់ក្រហមនេះ លោក ចេង មុនីរ៉ា បានសំណូមពរដល់បងប្អូនប្រជាពលរដ្ឋកុំព្រួយបារម្ភពីការកង្វះស្បៀងអាហារឲ្យសោះ ព្រោះអំណោយរបស់សម្តេចតេជោ បានផ្តល់ជូនជាបន្តបន្ទាប់ស្ថិតនៅពេញឃ្លាំង ហើយអ្វីដែលសម្តេចតេជោ លោកចង់បាន គឺសុំឲ្យបងប្អូនត្រូវថែរក្សាសុខភាពគ្រប់ៗគ្នា ពិសេសត្រូវអនុវត្តឲ្យបានខ្ជាប់ខ្ជួននូវ៣កុំ ៣ការពារគ្រប់វិនាទី៕

អត្ថបទ៖ នរា

Related Topics:ខណ្ឌច្បារអំពៅ