កូវីដ-១៩
ឆ្លងនិងស្លាប់មិនចេះតិចរាល់ថ្ងៃបែបនេះ ឥណ្ឌា ថា រលកទីបីនៃវីរុសបំប្លែងខ្លួនថ្មីគឺជៀសមិនផុតឡើយ
ក្រសួងសុខាភិបាលនៃសហព័ន្ធឥណ្ឌាបានជូនដំណឹងថា ការរីករាលដាលនៃរោគឆ្លងនៅក្នុងប្រទេសបានបញ្ជាក់យ៉ាងច្បាស់ថា រលកទីបីនៃវីរុសបំប្លែងខ្លួនថ្មីគឺជៀសមិនរួចឡើយ។ មិនថារលកទីបីនឹងមកដល់ ហើយរយៈពេលយូរប៉ុណ្ណា យើងមិនអាចប៉ាន់ស្មានបានទេ ប៉ុន្តែប្រទេសឥណ្ឌាត្រូវត្រៀមជាមុនចំពោះបញ្ហានេះ។
លោក K Vijay Raghavan ដែលជាទីប្រឹក្សាវិទ្យាសាស្ត្រដ៏សំខាន់របស់នាយករដ្ឋមន្ត្រី Narendra Modi បាននិយាយថា បញ្ហាប្រឈមចម្បងនៅក្នុងរលកទីបី គឺការរកឃើញនូវវីរុសបំប្លែងខ្លួនឬវ៉ារ្យង់ថ្មីដែលមានសមត្ថភាពក្នុងការគេចចេញពីវ៉ាក់សាំង និងត្រូវផ្លាស់ប្ដូរយុទ្ធសាស្ត្រនៃការចាក់ថ្នាំបង្ការ។
ក្នុងចំណោមវ៉ារ្យង់ថ្មីជាច្រើននៃវីរុសសកម្មនៅក្នុងប្រទេសឥណ្ឌាដ៏គ្រោះថ្នាក់បំផុត គឺវីរុស Double Mutant មានឈ្មោះថាវីរុសបំប្លែងខ្លួន B.1.617 ។ វ៉ារ្យង់ថ្មីផ្សេងទៀតជាច្រើនត្រូវបានគេកំណត់អត្តសញ្ញាណនៅក្នុងរដ្ឋផ្សេងៗគ្នានៃប្រទេសឥណ្ឌា ចំណែកវ៉ារ្យង់ Andhra Pradesh ត្រូវបានពិភាក្សាច្រើនបំផុត និងត្រូវបានកំណត់នៅក្នុងតំបន់តិចតួច។
យោងទៅតាមអ្នកវិទ្យាសាស្ត្រនិងអ្នកស្រាវជ្រាវបានឲ្យដឹងថា វ៉ារ្យង់ថ្មីទាំងនេះកំពុងតែបង្កើតវីរុសប្រភេទថ្មីដែលនឹងនាំឲ្យវីរុសវាយប្រហារមនុស្សដោយប្រើទម្រង់ជាច្រើន។ ដោយសារតែវ៉ារ្យង់ទាំងនេះកំពុងកើនឡើងនៅក្នុងរលកទីបីនៃកូវីដចូលមកក្នុងប្រទេស។
ពេលវេលាដែលវីរុសត្រូវការដើម្បីសម្លាប់សួតបានថយចុះ ជាមួយនឹងរលកជាប់ៗគ្នា។ ក្នុងរលកទីមួយវាបានសម្លាប់សួតក្នុងរយៈពេល ១០ ថ្ងៃដែលបន្ថយមកត្រឹម ៥ ទៅ ៧ ថ្ងៃក្នុងរលកទី ២ ។ លើកនេះអាចនឹងថយចុះដល់ ២ ទៅ ៣ ថ្ងៃក្នុងរលកទី ៣ នៃរោគរាតត្បាត។
វីរុសបំប្លែងខ្លួនថ្មី Andhra Pradesh កំពុងធ្វើការស្រដៀងគ្នាជាមួយវីរុសបំប្លែងខ្លួនកូវីដ ដែលអាចសម្លាប់សួតមនុស្សម្នាក់ក្នុងរយៈពេល ២ទៅ៣ ថ្ងៃហើយវាក៏ងាយឆ្លង ១៥ ដងជាងមេរោគផ្សេងៗទៀតដែរ។
នៅក្នុងរលកទីមួយនិងទីពីរ វីរុសបានវាយប្រហារមនុស្សចាស់និងយុវជន។ ទោះយ៉ាងណាក៏ដោយវាត្រូវបានគេនិយាយថារលកទីបីអាចមានគ្រោះថ្នាក់ខ្លាំងចំពោះកុមារ។ កុមារអាយុក្រោម ១៨ ឆ្នាំមានចំនួន ៣០ ភាគរយនៃប្រជាជនឥណ្ឌាសរុប ហើយមិនទាន់មានវ៉ាក់សាំងណាមួយត្រូវបានណែនាំសម្រាប់កុមារអាយុក្រោម ១៨ ឆ្នាំនៅឡើយទេ។
វាត្រូវបានគេប៉ាន់ប្រមាណថា ប្រសិនបើមនុស្សដែលមានអាយុលើសពី ១៨ ឆ្នាំទទួលបានការចាក់វ៉ាក់សាំងពេញលេញ នោះវីរុសទំនងជាវាយប្រហារកុមារអាយុក្រោម ១៨ ឆ្នាំដែលមានចន្លោះអាយុពី៦ទៅ ១២ ឆ្នាំ។ ដើម្បីទប់ទល់នឹងប្រែប្រួលនេះ មានតែការធ្វើបច្ចុប្បន្នភាពលើវ៉ាក់សាំងឲ្យកាន់តែឆាប់ប៉ុណ្ណេះ៕
ប្រែសម្រួល៖ សាង ស្រីល័ក្ខ
ប្រភព៖shethepeople
ចុចអាន៖WHO ថា ជំងឺកូវីដ ១៩ បំប្លែងខ្លួនថ្មីកំពុងជំនួសវីរុសប្រភេទដើម
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ