កូវីដ-១៩
WHO ថា រលកថ្មីនៃករណីឆ្លងនៅទ្វីបអាហ្វ្រិក កើតឡើងព្រោះតែ កូវីដបំប្លែងខ្លួនថ្មី ការពន្យារពេលផ្គត់ផ្គង់ និងការយឺតយ៉ាវចាក់វ៉ាក់សាំង
អង្គការសុខភាពពិភពលោក (WHO) កាលពីថ្ងៃព្រហស្បតិ៍ បានព្រមានថា រលកថ្មីនៃការឆ្លងជំងឺកូវីដ ១៩ នៅទ្វីបអាហ្វ្រិក ដោយសារតែ កូវីដបំប្លែងខ្លួនថ្មី ការពន្យារពេលផ្គត់ផ្គង់វ៉ាក់សាំង និងយុទ្ធនាការចាក់វ៉ាក់សាំងយឺតយ៉ាវ ជាដើម ។
លោកស្រី Matshidiso Moeti នាយកប្រចាំតំបន់របស់ WHO ប្រចាំទ្វីបអាហ្វ្រិក បានថ្លែងនៅក្នុងសន្និសីទសារព័ត៌មានមួយថា “សោកនាដកម្មនៅក្នុងប្រទេសឥណ្ឌា មិនបានកើតឡើងនៅទ្វីបអាហ្វ្រិក ប៉ុន្តែយើងត្រូវតែប្រុងប្រយ័ត្នខ្ពស់បំផុត” ។
ប្រទេសឥណ្ឌាបាននិងកំពុងប្រយុទ្ធនឹង រលកទី ២ នៃរោគរាតត្បាតដ៏កាចសាហាវ ដោយប្រទេសនេះ បានកត់ត្រានូវករណីឆ្លង កើនឡើងជារៀងរាលថ្ងៃ ។ អ្នកជំនាញជាច្រើននិយាយថា ការរីករាលដាលនៃជំងឺកូវីដ ១៩ បំប្លែងខ្លួនថ្មីទ្វេរដងរបស់ឥណ្ឌា ក៏អាចជាហេតុផល នៃការកើនឡើងករណីឆ្លងយ៉ាងខ្លាំង នៅទ្វីបអាហ្រ្វិក ផងដែរ ។
WHO បាននិយាយថា ការពន្យារពេល និងកង្វះការផ្គត់ផ្គង់វ៉ាក់សាំង កំពុងជំរុញឲ្យបណ្តាប្រទេសអាហ្វ្រិក ដាំក្បាលចុះក្រោម ក្នុងយុទ្ធនាការចាក់វ៉ាក់សាំង ការពារជំងឺកូវីដ ១៩ របស់ពិភពលោក ខណៈទ្វីបអាហ្រ្វិក មានចំនួនចាក់វ៉ាក់សាំង ត្រឹមតែ ១ ភាគរយ នៅទូទាំងពិភពលោក ពោលគឺធ្លាក់ចុះពី ២ ភាគរយកាលពីប៉ុន្មានសប្តាហ៍មុន ។
លោកស្រី Moeti បាននិយាយថា “ខណៈពេលដែល យើងអំពាវនាវឲ្យមានសមធម៌វ៉ាក់សាំង អាហ្វ្រិកក៏ត្រូវតែយកចិត្តទុកដាក់ និងធ្វើឲ្យបានល្អបំផុត នូវអ្វីដែលយើងមាន ។ យើងត្រូវតែទទួលបាន នូវកម្រិតវ៉ាក់សាំងទាំងអស់ ដែលត្រូវចាក់ចូលក្នុងដៃមនុស្ស” ។
ទន្ទឹមនោះ លោកស្រីក៏បានកោតសរសើរផងដែរ ចំពោះការសម្រេចចិត្តថ្មីៗនេះ របស់សហរដ្ឋអាមេរិក ក្នុងការគាំទ្រដល់ការលះបង់ ជាបណ្តោះអាសន្នលើការការពារប៉ាតង់ សម្រាប់ការផលិតវ៉ាក់សាំង និងការព្យាបាលជំងឺកូវីដ ១៩ ដែលអាចធ្វើឲ្យមានការផ្លាស់ប្តូរ សម្រាប់ទ្វីបអាហ្វ្រិក ៕
គួរបញ្ជាក់ថា គិតត្រឹមពេលនេះ នៅទូទាំងទ្វីបអាហ្វ្រិក មានករណីឆ្លងជំងឺកូវីដ ១៩ ជិត ៤.៦ លានករណី និងមានអ្នកស្លាប់ចំនួន ១២៣,០០០ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ កូវីដ សម្លាប់មនុស្សលើសកលលោក ខ្ពស់ជាងតួលេខរបស់ WHO ដល់ទៅទ្វេដងឯណោះ
-
ព័ត៌មានជាតិ៥ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម៥ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានជាតិ៧ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ជីវិតកម្សាន្ដ៥ ថ្ងៃ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានជាតិ៦ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានអន្ដរជាតិ៤ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
ជីវិតកម្សាន្ដ៥ ថ្ងៃ ago
កូនប្រុសតារាហុងកុង Cecilia Cheung វ័យ១៧ ឆ្នាំ ណាត់ជួបជាមួយគ្រូអាយុ ៤៦ ឆ្នាំ
-
ព័ត៌មានជាតិ១ សប្តាហ៍ ago
រដ្ឋបាលខេត្តសៀមរាប នាំយកគ្រឿងឧបភោគ បរិភោគជូនបញ្ជាការប្រចាំទិសទី២ នៃយោធភូមិភាគទី៤