រោងចក្រអាចដំណើរការ បើមានកម្មករចាក់វ៉ាក់សាំងដូសទី២យ៉ាងតិច៨០%
Connect with us
Helistar Cambodia - Helicopter Charter Services

កូវីដ-១៩

រោងចក្រអាចដំណើរការ បើមានកម្មករចាក់វ៉ាក់សាំងដូសទី២យ៉ាងតិច៨០%

បានផុស

នៅ

ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ និងក្រសួងសុខាភិបាលបានលើកឡើងថា រោងចក្រផ្នែកវាយនភ័ណ្ឌកាត់ដេរ និងផលិតស្បែកជើង និងផលិតផលធ្វើដំណើរ និងកាបូបអាចបើកដំណើរការឡើងវិញពេញលេញ១០០% ប្រសិនបើរោងចក្រនោះមានកម្មករនិយោជិតបានចាក់វ៉ាក់សាំងកូវីដ-១៩បានដូសទី២យ៉ាងតិច៨០ភាគរយនៃចំនួនកម្មករនិយោជិតសរុប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមពីនេះបើសិនជារោងចក្រនោះមានការអនុវត្តត្រឹមត្រូវតាមវិធានសុខាភិបាល វិធានសុវត្ថិភាព និងសុខភាពការងារ និងមានការផ្ដល់អាហារថ្ងៃត្រង់ ឬសម្របសម្រួលឲ្យមានការលក់ម្ហូបអាហារប្រកបដោយអនាម័យ និងសុវត្ថិភាពនៅក្នុងបរិវេណររោងចក្រ។

យោងតាមសេចក្តីណែនាំរួមរបស់ក្រសួងការងារ និងក្រសួងសុខាភិបាល ណែនាំស្តីពី លក្ខណៈវិនិច្ឆ័យក្នុងការផ្អាក និងបើកឡើងវិញនូវ សកម្មភាពអាជីវកម្ម ផលិតកម្មបានឲ្យដឹងថា ក្រៅពីនេះរោងចក្រត្រូវតែបែងចែកកម្មករនិយោជិតចំនួន៥០ភាគរយនៃកម្មករនិយោជិតសរុបឲ្យធ្វើការឆ្លាស់វេនគ្នារៀងរាល់ពីរសប្ដាហ៍ម្ដងក្នុងរយៈពេលមួយខែដំបូងនៃការបើកដំណើរការឡើងវិញ ក្នុងនោះជ្រើសរើសកម្មករនិយោជិតដែលត្រូវចូលធ្វើការវេនទី១រយៈពេល២សប្តាហ៍ដំបូងត្រូវផ្ដល់អទិភាពទៅលើកម្មករនិយោជិតដែលបានចាក់វ៉ាក់សាំងកូវីដ- ១៩ដូសទី២ ឬចាក់បាក់សាំងដូសទី១ ជាកម្មករមិនបន្ដឋិតនៅក្នុងតំបន់ដែលតម្រូវផ្ដល់សំណាកដើម្បីវិភាគរកកូវីដ-១៩ ឬបានផ្ដល់សំណាកដើម្បីវិភាគរកកូវីដ-១៩។

យោងតាមសេចក្តីណែនាំរួមដដែលបានផ្តល់អាទិភាពដល់អភិបាលគណៈអភិបាលខេត្តអាចផ្អាកជាបណ្ដោះអាសន្នចំនួនពីរថ្ងៃនូវកម្មភាពអាជីវកម្មផលិតកម្មរបស់រោងចក្រសហគ្រាសនោះ ឬផ្នែកខ្លះនៃរោងចក្រឧស្សាហកម្មនោះក្នុងករណីរកឃើញមានករណីវិជ្ជមានកូវីដ-១៩ ក្នុងរោងចក្រសហគ្រាសណាមួយផងដែរ។

លើសពីនេះទៀត រោងចក្រសហគ្រាសអាចត្រូវបានផ្អាកសកម្មភាពអាជីវកម្មផលិតកម្មដោយវិធានការដ្ឋបាលរយៈពេល១៤ថ្ងៃ ឬតិចជាងនេះអាស្រ័យនូវការវាយតម្លៃជាក់ស្ដែងរបស់ក្រុមការងារបច្ចេកទេសចម្រុះដែលពិនិត្យលើគ្រប់ទិដ្ឋភាពនៅក្នុងរោងចក្រនោះដូចជាបរិស្ថាន និងអនាម័យ ពិសេសមិនមានសុវត្តិភាពក្នុងការការចម្លងជំងឺកូវីដ-១៩។

បើតាមលោក ហេងសួរ រដ្ឋលេខាធិការ និងជាអ្នកនាំពាក្យក្រសួងការងារ និងបណ្តបណ្តាលវិជ្ជាជីវៈបានបញ្ជាក់ថា បើទោះជារាជរដ្ឋាភិបាលបានអនុញ្ញាតឲ្យរោងចក្រសហគ្រាសក្រុមហ៊ុនដែលស្ថិតនៅតំបន់លឿងអាចបើកដំណើរឡើងវិញជាប្រក្រតីបានលើកលែងតែនៅតំបន់លឿងទុំ និងតំបន់ក្រហមក៏ពិតមែន ប៉ុន្តែប្រសិនបើកម្មករនិយោជិតរស់នៅតំបន់លឿងទុំ ឬតំបន់ក្រហមក៏មិនអាចធ្វើដំណើរទៅធ្វើការនៅតំបន់លឿងបានដែរ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

តើចាំទេ? ថ្ងៃនេះ ខួប​៥៩​ឆ្នាំ ដែល​តុលាការ ICJ សម្រេច​ឲ្យ​កម្ពុជា ជា​ម្ចាស់​កម្មសិទ្ធិ​លើ​ប្រាសាទព្រះវិហារ

ព័ត៌មានជាតិ១២ នាទី មុន

នាយ​ឧ​ត្ត​ម​សេនីយ៍ នេ​ត សាវឿន​ ផ្តល់​ថវិកា​ដល់​កងកម្លាំង​នគរបាល​២​នាក់​ មាន​វិជ្ជមាន​កូ​វីដ​-១៩

ព័ត៌មានជាតិ១៦ នាទី មុន

ក្រសួងសាធារណការនឹងដាក់ឱ្យដំណើរការកម្មវិធីដកពិន្ទុបណ្ណបើកបរលើទូរស័ព្ទដៃនៅដើមឆ្នាំ២០២២ខាងមុខ

បច្ចេកវិទ្យា៣២ នាទី មុន

ទាញយក APPកម្ពុជាថ្មី បណ្តុំព័ត៌មានថ្មីដែលលោកអ្នកអាចជឿទុកចិត្តបាន

ព័ត៌មានជាតិ៣៦ នាទី មុន

អាជ្ញាធរខណ្ឌដូនពេញ ចុះផ្អាកការដ្ឋានសំណង់មួយកន្លែង បន្ទាប់ពីមានករណីឆក់ខ្សែភ្លើងស្លាប់

Sokha Hotels

ព័ត៌មានពេញនិយម

Helistar Cambodia - Helicopter Charter Services