កូវីដ-១៩
៣ខែទៀត ការស្លាប់ដោយសារកូវីដនៅឥណ្ឌា នឹងឈានដល់ ១លាននាក់
ការស្លាប់ដោយសារជំងឺកូវីដ-១៩នៅប្រទេសឥណ្ឌា អាចឈានដល់មួយលាននាក់នៅត្រឹមថ្ងៃទី១ខែសីហាឆ្នាំនេះ។ នេះបើយោងតាមវិចារណកថាមួយ ដែលបោះពុម្ពផ្សាយក្នុងទស្សនាវដ្តីវេជ្ជសាស្ត្រ Lancet ដែលដកស្រង់ការប៉ាន់ស្មានរបស់វិទ្យាស្ថានវាស់វែងនិងវាយតម្លៃសុខភាព នៃសកលវិទ្យាល័យវ៉ាស៊ីនតោន។
វិទ្យាស្ថានវាស់វែងនិងវាយតម្លៃសុខភាពបាននិយាយថា “ប្រសិនបើរឿងនោះកើតឡើងមែន រដ្ឋាភិបាលរបស់លោកនាយករដ្ឋមន្ត្រី Narendra Modi នឹងទទួលខុសត្រូវចំពោះគ្រោះមហន្តរាយជាតិដែលបង្កឡើងដោយខ្លួនឯង”។
កាលពីថ្ងៃអាទិត្យ ក្រសួងសុខាភិបាលឥណ្ឌាបានរាយការណ៍ថា មានអ្នកស្លាប់ចំនួន ៤,០៩២នាក់ក្នុងរយៈពេល២៤ម៉ោងចុងក្រោយ ដែលនាំឲ្យចំនួនអ្នកស្លាប់សរុបកើនដល់២៤២,៣៦២នាក់។ ករណីថ្មីបានកើនឡើងចំនួន៤០៣,៧៣៨នាក់ ធ្វើឲ្យចំនួនសរុបចាប់តាំងពីរោគរាតត្បាតផ្ទុះឡើងកើនដល់ ២២.៣ លានករណី។
ប្រទេសឥណ្ឌា បានកត់ត្រាករណីឆ្លងចំនួន១០លានករណី ក្នុងរយៈពេលត្រឹមបួនខែចុងក្រោយនេះ។
រដ្ឋាភិបាលទីក្រុងញូវដែលី បានតស៊ូទប់ទល់នឹងការផ្ទុះឡើងដែលធ្វើឲ្យប្រព័ន្ធសុខាភិបាលរបស់ខ្លួន ឈានទៅរកការដួលរលំ ហើយក្រុមអ្នកជំនាញជាច្រើនសង្ស័យថា ការស្លាប់ជាផ្លូវការនិងចំនួនករណីសរុបគឺខ្ពស់ជាងនេះឆ្ងាយណាស់។
ទស្សនាវដ្តីនេះបានចុះផ្សាយថា ក្រុមការងារពិសេសប្រយុទ្ធប្រឆាំងជំងឺកូវីដ-១៩របស់រដ្ឋាភិបាល មិនបានជួបប្រជុំទេក្នុងរយៈពេលជាច្រើនខែ រហូតដល់ខែមេសានៅពេលវីរុសរីករាលដាល។
កាលពីដើមខែនេះ ទីភ្នាក់ងារសារព័ត៌មានរ៉យទ័របានរាយការណ៍ថា វេទិកានៃទីប្រឹក្សាវិទ្យាសាស្ត្រដែលបង្កើតឡើងដោយរដ្ឋាភិបាល បានព្រមានមន្ត្រីឥណ្ឌាកាលពីដើមខែមីនាអំពីវីរុសបំប្លែងខ្លួនប្រភេទថ្មីដែលឆ្លងខ្លាំងនិងសាហាវនៅក្នុងប្រទេសនេះ។
អ្នកវិទ្យាសាស្ត្រ៤នាក់បានប្រាប់រ៉យទ័រថា រដ្ឋាភិបាលសហព័ន្ធមិនបានស្វះស្វែងអនុវត្តការរឹតត្បិតធំៗ ដើម្បីបញ្ឈប់ការរីករាលដាលនៃវីរុសនេះទេ ថ្វីបើមានការព្រមានក៏ដោយ។
រដ្ឋាភិបាលបានអនុញ្ញាតឲ្យរៀបចំពិធីបុណ្យសាសនាហិណ្ឌូដែលចូលរួមដោយមនុស្សរាប់លាននាក់ ខណៈលោកនាយករដ្ឋមន្រ្តី Modi និងអ្នកនយោបាយគណបក្សប្រឆាំង បានរៀបចំការប្រមូលផ្តុំនយោបាយសម្រាប់ការបោះឆ្នោតក្នុងតំបន់។ អ្នកជំនាញនិយាយថា ព្រឹត្តិការណ៍ទាំងនេះគឺជាដើមហេតុនៃការឆ្លងរោគដ៏ធំសម្បើម៕
ប្រែសម្រួលដោយ៖ Vann Vann
ប្រភព៖ Al Jazeera
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល