កូវីដ-១៩
ដំណឹងល្អ! ក្រុមហ៊ុនវ៉ាក់សាំងល្បីឈ្មោះលំដាប់ពិភពលោក មកសង់រោងចក្រនៅសិង្ហបុរី ជួយអាស៊ានប្រយុទ្ធជាមួយកូវីដ
ក្រុមហ៊ុនជីវបច្ចេកវិទ្យាវិទ្យាសាស្ត្រអាឡឺម៉ង់ BioNTech ដែលបានសហការជាមួយក្រុមហ៊ុន Pfizer ដើម្បីអភិវឌ្ឍវ៉ាក់សាំង COVID-19 ដោយប្រើបច្ចេកវិទ្យាផ្ញើសារ RNA (mRNA) នឹងបង្កើតការិយាល័យកណ្តាលប្រចាំតំបន់អាស៊ីអាគ្នេយ៍នៅសិង្ហបុរី និងរោងចក្រផលិតថ្នាំនៅប្រទេសនេះផងដែរ។
ក្រុមហ៊ុននេះនឹងផ្តល់លទ្ធភាពផ្គត់ផ្គង់ថ្នាំក្នុងតំបន់ឱ្យកាន់តែប្រសើរ ដោយបង្កើនសមត្ថភាពផលិតរបស់ខ្លួនដើម្បីឆ្លើយតបយ៉ាងឆាប់រហ័សទៅនឹងតម្រូវការនៅអាស៊ីអាគ្នេយ៍ក្នុងការដោះស្រាយការគំរាមកំហែងដោយសារការរាតត្បាតពីវីរុសកូវីដ-១៩។
ក្រុមហ៊ុន BioNTech និយាយថា ខ្លួនគ្រោងនឹងបើកការិយាល័យនៅប្រទេសសិង្ហបុរី និងផ្តួចផ្តើមសាងសង់រោងចក្រផលិតវ៉ាក់សាំងនៅឆ្នាំនេះឯង។
តាមការរំពឹងទុក រោងចក្រអាចសង់រួចរាល់ ក៏ដូចជាបើកដំណើរការនៅដើមឆ្នាំ ២០២៣ ហើយវាក៏នឹងបង្កើតការងារដល់ទៅ ៨០ កន្លែងនៅក្នុងប្រទេសសិង្ហបុរីផងដែរ។ ដោយឡែករោងចក្រនេះនឹងធ្វើការផលិតវ៉ាក់សាំងការពាកូវីដ-១៩ និងថ្នាំមហារីក។
នៅក្នុងសេចក្តីប្រកាសព័ត៌មានរបស់ខ្លួន BioNTech បាននិយាយថា អគារថ្មីដែលគាំទ្រដោយក្រុមប្រឹក្សាអភិវឌ្ឍន៍សេដ្ឋកិច្ចរបស់ប្រទេសសិង្ហបូរីនឹងជួយជំរុញដល់ការផលិតនិងហេដ្ឋារចនាសម្ព័ន្ធឱសថតាមបែបឌីជីថលកាន់តែល្អ។
យ៉ាងណាមិញពេលនេះ ក្រុមហ៊ុន BioNTech មិនទាន់បង្ហើបព័ត៌មានទាក់ទងនឹងខ្ទង់ចំណាយលើការវិនិយោគនៅឡើយទេ។
លោក Beh Swan Gin ប្រធានក្រុមប្រឹក្សាអភិវឌ្ឍន៍សេដ្ឋកិច្ចរបស់ប្រទេសសិង្ហបូរី (EBD ) មានប្រសាសន៍ថា ការវិនិយោគនេះនឹងធ្វើឱ្យប្រទេសសិង្ហបូរីអភិវឌ្ឍសមត្ថភាពក្នុងបែបបទព្យាបាលថ្មីដ៏សំខាន់មួយ ដែលវាជាយុទ្ធសាស្ត្រក្នុងការបង្កើនឧស្សាហកម្មជីវបច្ចេកវិទ្យានៅទីនេះ។
លោកបន្ថែមថា “ ជាពិសេសរោងចក្រផលិត mRNA របស់ BioNTech នឹងចូលរួមចំណែកយ៉ាងសំខាន់ដល់សមត្ថភាពក្នុងតំបន់អាស៊ីអាគ្នេយ៍ដើម្បីដោះស្រាយការគំរាមកំហែងការរាលដានាពេលអនាគត” ៕
ប្រែសម្រួល៖ សន្យា
ប្រភព៖ CNA
ចុចអាន៖ ការសិក្សា៖ ថ្នាំអង់ទីប៊ីយ៉ូទិកបន្ថយហានិភ័យនៃការស្លាប់ចំពោះអ្នកជំងឺកូវីដ-១៩វ័យចំណាស់
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល