កូវីដ-១៩
ក្រោយការធ្វើតេស្ត អ្នកស្រាវជ្រាវហុងកុងថា ថ្នាំព្យាបាលជំងឺថ្លើមប្រភេទ C មានប្រសិទ្ធភាពជួយអ្នកជំងឺកូវីដឱ្យធូស្រាល
ការសិក្សាមួយដែលដឹកនាំដោយអ្នកវិទ្យាសាស្ត្រនៅហុងកុងបានរកឃើញថា ថ្នាំព្យាបាលជំងឺរលាកថ្លើមប្រភេទ C អាចធ្វើឱ្យអ្នកជំងឺកូវីដ-១៩មានភាពប្រសើរឡើងវិញ ។
ការធ្វើតេស្តនៅមន្ទីរពិសោធន៍បានបង្ហាញថា ថ្នាំដែលមានឈ្មោះ simeprevir គឺអាចការពារជំងឺដែលបណ្ដាលមកពីវីរុស Sars-CoV-2 និងអាចការពារអ្នកដែលធ្លាប់ឆ្លងមិនឱ្យឆ្លងសារជាថ្មី។
ក្រុមអ្នកវិទ្យាសាស្ត្រចំនួន ៣០ នាក់មកពីមន្ទីរពិសោធន៍ក្នុងនិងក្រៅប្រទេសចិន ដែលដឹកនាំដោយសាស្រ្តាចារ្យពីររូបមកពីសាកលវិទ្យាល័យចិន (CUHK) និងសាកលវិទ្យាល័យហុងកុង (HKU) បានចាប់ផ្តើមសាកល្បងថ្នាំ simeprevir ជាមួយសត្វ ហើយគេរំពឹងថាវានឹងដំណើរការចន្លោះពី ៦ ខែទៅមួយឆ្នាំ។ លទ្ធផលការធ្វើតេស្តបង្ហាញថា ថ្នាំនេះមានប្រសិទ្ធភាពអាចជួយអ្នកជំងឺកូវីដឱ្យធូស្រាល។ ក្រុមអ្នកស្រាវជ្រាវនិយាយថា ប្រសិនបើដំណើរការសាកល្បងមិនមានបញ្ហារាំងស្ទះ វាអាចត្រូវបានដាក់ឱ្យប្រើព្យាបាលអ្នកជំងឺ Covid-19 នៅដើមឆ្នាំក្រោយ។
វេជ្ជបណ្ឌិត Billy Ng Wai-lung ជំនួយការសាស្រ្តាចារ្យឱសថសាស្ត្រនៅសាកលវិទ្យាល័យ CUHK មានប្រសាសន៍ថា Simeprevir ជាថ្នាំដែលធ្លាប់បានអនុម័តដោយរដ្ឋបាលចំណីអាហារអាមេរិក (FDA) ដើម្បីព្យាបាលអ្នកជំងឺថ្លើមប្រភេទ C ហើយពេលនេះវាកំពុងជួយឱ្យការសាកល្បងថ្មី ដំណើរការកាន់តែលឿន។
Simeprevir ត្រូវបានអ្នកស្រាវជ្រាវជឿថា ជាថ្នាំដែលអាចប្រឆាំងនឹងវីរុសកូវីដ-១៩ និងវីរុសកូរ៉ូណាច្រើនប្រភេទផ្សេងទៀត ទោះបីជាប្រូតេអ៊ីនមេរោគបានបំប្លែងក៏ដោយ។
ក្រុមស្រាវជ្រាវបានរកឃើញថា ការប្រើ simeprevir ផ្សំជាមួយ remdesivir បានបង្កើនប្រសិទ្ធភាពប្រឆាំងនឹងមេរោគច្រើនជាង ១០០ ដង បើប្រៀបធៀបជាមួយការប្រើប្រាស់ remdesivir តែមួយមុខ ហើយការប្រើថ្នាំទាំងពីរមុខក៏អាចជួយកាត់បន្ថយថ្លៃចំណាយព្យាបាល និងកាត់បន្ថយផលប៉ះពាល់បានច្រើនទៀតផង។
វេជ្ជបណ្ឌិត Billy Ng Wai-lung មានប្រសាសន៍បន្ថែមថា ការស្រាវជ្រាវនេះ អាចជួយកាត់បន្ថយហានិភ័យនៃរោគរាតត្បាតនាពេលអនាគត។ ជាពិសេសទិន្នន័យវិជ្ជមានក្រោយការធ្វើតេស្តស្តីពីថ្នាំ simeprevir នឹងមានប្រយោជន៍ ចំពោះពិភពលោកក្នុងការប្រយុទ្ធប្រឆាំងជាមួយកូវីដ-១៩៕
ប្រែសម្រួល៖ សន្យា
ប្រភព៖ SCMP
ចុចអាន៖ ការសិក្សា៖ ថ្នាំអង់ទីប៊ីយ៉ូទិកបន្ថយហានិភ័យនៃការស្លាប់ចំពោះអ្នកជំងឺកូវីដ-១៩វ័យចំណាស់
ចុចអាន៖ ទីបំផុត WHO ប្រកាសថា វីរុសបំប្លែងខ្លួនឥណ្ឌាជា “មេរោគដែលត្រូវព្រួយបារម្ភ”
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»