កូវីដ-១៩
កម្មកររោងចក្រម៉ាស័្ទរ និង ហ្រែ្វងចំនួន៨១នាក់ត្រូវបានអនុញ្ញាតត្រឡប់ទៅផ្ទះវិញ
កម្មករ កម្មការិនី ក្រុមហ៊ុន ម៉ាស័្ទរ និង ហ្រែ្វង ( ខេមបូឌា ) ខូអិលធីឌី ចំនួន៨១នាក់នៅក្នុងស្រុកអង្គស្នួលខេត្តកណ្តាលបានអនុញ្ញាតឲ្យវិលទៅលំនៅដ្ឋានវិញក្រោយពីបានព្យាបាលជាសះស្បើយពីជំងឺកូវីដ-១៩។
លោក គង់ សោភ័ណ្ឌ អភិបាលខេត្តកណ្តាលបានអញ្ជើញជួបសំណេះសំណាលជាមួយបងប្អូនកម្មករ កម្មការិនីទាំងនោះកាលពីរសៀលថ្ងៃទី១០ ខែឧសភា និងបានថ្លែងឱ្យដឹងថាកម្មករដែលជាសះស្បើយនេះមានចំនួន៨១នាក់ក្នុងចំណោមកម្មករ៤៣៩នាក់ ស្ថិតនៅក្នុងស្រុកអង្គស្នួល ខេត្តកណ្ដាល។
លោកអភិបាលខេត្ត បានបន្ថែមថា៖ “ចំពោះបងប្អូន កម្មករ កម្មការិនី ដែលបានជាពីជំងឺកូវីដ-១៩ នាពេលនេះ គឺពិតជាមានអារម្មណ៍សប្បាយរីករាយជាខ្លាំង ព្រោះបានត្រឡល់ទៅផ្ទះវិញ តែសូមបន្តធ្វើចត្តាឡីស័កខ្លួនឯងនៅផ្ទះរយៈពេល១៤ថ្ងៃទៀត ដើម្បីឱ្យប្រាកដខ្លួនឯង ពិតជាជាស្បះស្បើយពីជំងឺកូវីដ-១៩”។
លោកអភិបាលខេត្តបានសំណូមពរដល់បងប្អូនប្រជាពលរដ្ឋទាំងអស់ សូមមេត្តាអនុវត្តឱ្យបានល្អតាមការណែនាំរបស់ក្រសួងសុខាភិបាល និងប្រសាសន៍របស់សម្ដេច ហ៊ុន សែន នាយករដ្ឋមន្ត្រីដោយអនុវត្ត ៣ការពារ ៣កុំ ជាពិសេសត្រូវថែរក្សាសុខភាព ដោយលាងដៃជាមួយសាប៊ូ អាកុល ឬជែលលាងដៃ និងរក្សាគម្លាតបុគ្គល។
ក្នុងឱកាសនេះដែរ លោកអភិបាលខេត្តបានឧបត្ថម្ភដល់បងប្អូនកម្មករ កម្មការិនី ទាំង៨១នាក់ ដែលបានជាស្បះស្បើយពីកូវីដ-១៩ ក្នុងមួយនាក់ៗ ទទួលបាន អង្ករ១០គីឡូក្រាម មី១កេស ត្រីខ១យួរ ទឹកស៊ីអ៊ីវ១យួរ ម៉ាស់១ដុំ និងថវិកាចំនួន ៥ម៉ឺនរៀល៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)