កូវីដ-១៩
អត់ខ្វល់កូវីដ! ប្រធានាធិបតីប្រេស៊ីល ជិះម៉ូតូពេញក្រុង ជាមួយហ្វូងមនុស្សទាំងមិនពាក់ម៉ាស់យ៉ាងរំភើយ (មានវីដេអូ)
ជាថ្មីម្តងទៀត ប្រធានាធិបតីប្រេស៊ីលលោក Jair Bolsonaro បានផ្គើនទៅនឹងជំងឺរាតត្បាតកូវីដ-១៩ដែលកំពុងរាលដាល ដោយលោកបានដឹកនាំការប្រមូលផ្តុំក្បួនម៉ូតូទ្រង់ទ្រាយធំមួយកាលពីថ្ងៃអាទិត្យ ខណៈលោកនៅតែបន្តប្រឆាំងនឹងការរិះគន់ជុំវិញការគ្រប់គ្រងវិបត្តិ។
លោក Bolsonaro ធ្លាប់ធ្លាក់ខ្លួនឈឺដោយសារជំងឺកូវីដ-១៩នៅខែកក្កដាឆ្នាំ២០២០ ហើយពេលនេះ លោកបានដឹកនាំអ្នកជិះម៉ូតូរាប់រយនាក់ ជិះឆ្លងកាត់តាមដងផ្លូវនានាក្នុងរដ្ឋធានី Brasilia ដើម្បីអបអរទិវាមាតាកាលពីថ្ងៃអាទិត្យ។
ប្រធានាធិបតីរូបនេះ ត្រូវបានសន្តិសុខយាមកាមយ៉ាងតឹងរ៉ឹងបំផុត ហើយដឹកនាំការធ្វើដំណើររយៈពេលមួយម៉ោងជុំវិញកណ្តាលក្រុង មុនពេលលោកថ្លែងទៅកាន់អ្នកគាំទ្រ។
លោកនិយាយថា “យើងមានបញ្ហាធ្ងន់ធ្ងរបំផុតកាលពីឆ្នាំមុន នោះជាអ្វីដែលគ្មាននរណាម្នាក់គិតដល់ វាគឺរោគរាតត្បាត។ ប៉ុន្តែបន្តិចម្តងៗ យើងបានយកឈ្នះវា”។
លោកក៏បានធានាដល់អ្នកគាំទ្រផងដែរថា លោកនឹងមិនដាក់ពង្រាយកងទ័ពដើម្បីពង្រឹងវិធានការរឹតត្បិតឡើយ។
រឿងនេះបានកើតឡើង ស្របពេលដែលប្រទេសប្រេស៊ីល នៅតែឈរលំដាប់ទី២លើពិភពលោក សម្រាប់ករណីឆ្លងប្រចាំថ្ងៃនិងការស្លាប់ដោយសារជំងឺកូវីដ-១៩ តាមពីក្រោយប្រទេសឥណ្ឌាដែលកំពុងរងគ្រោះធ្ងន់ធ្ងរបំផុតដោយសារវិបត្តិនេះ។
យោងតាមទិន្នន័យពីសាកលវិទ្យាល័យ John Hopkins បានឲ្យដឹងថា ប្រទេសប្រេស៊ីលបានកត់ត្រាការឆ្លងជំងឺកូវីដ-១៩ចំនួន ៣៨,៩១១ករណីកាលពីថ្ងៃអាទិត្យនិងការស្លាប់ថ្មី ១,០២៤នាក់។
បើប្រៀបធៀប សហរដ្ឋអាមេរិកឈរនៅចំណាត់ថ្នាក់ទីបី មានករណីថ្មីចំនួន២១,៣៩២ករណីនិង អ្នកស្លាប់២៣៨នាក់៕
សូមទស្សនាវីដេអូ៖
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ ប្រជាជនឥណ្ឌា ផ្អើលយកលាមកនិងទឹកនោមគោ ប៉ាតខ្លួនដោយជឿថា អាចបង្កើនភាពស៊ាំនិងព្យាបាលកូវីដ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ