កូវីដ-១៩
ក្រោយអណ្ដែតត្រៀបត្រាក្នុងទឹក ឥណ្ឌា ចាត់វិធានការក្ដៅ និងស្នើបញ្ឈប់អ្នកដែលយកសាកសពកូវីដទៅបោះចោលក្នុងទន្លេគង្គា
រដ្ឋាភិបាលសហព័ន្ធរបស់ប្រទេសឥណ្ឌា បានស្នើឲ្យរដ្ឋនានាពិនិត្យមើលការអនុវត្ត នៃការបោះចោលអ្នកស្លាប់ ដោយសារជំងឺកូវីដ ១៩ ចូលទៅក្នុងទន្លេគង្គា (Ganga) ខណៈប្រទេសនេះកំពុងជួបមហន្តរាយ រោគរាតត្បាតកូវីដ ១៩ រលកទី ២ ។
រដ្ឋមន្រ្តីសហព័ន្ធនៃក្រសួងធនធានទឹកឥណ្ឌា លោក Gajendra Singh Shekhawat បាននិយាយថា ក្រសួងរបស់លោកបានយកចិត្តទុកដាក់យ៉ាងខ្លាំង ចំពោះការអនុវត្តនេះ និងបានផ្តល់ការណែនាំ មិនឲ្យធ្វើបែបនេះផងដែរ ។
លោក Shekhawat បាននិយាយថា “យើងបានយកចិត្តទុកដាក់យ៉ាងខ្លាំង ចំពោះបញ្ហានៃការបោះចោលសាកសពនៅទន្លេគង្គា និងកំពុងបង្កើតវិធានការសម្រាប់ការហាមឃាត់” ។ លោកបានបន្ថែមថា រដ្ឋាភិបាលនឹងចាត់វិធានការ ដើម្បីធានាឲ្យបាននូវរាល់សាកសព ដែលមិនស្គាល់អត្តសញ្ញាណ មិនត្រូវបានគេបោះចោលចូលទន្លេ ។
មន្ត្រីបាននិយាយនៅថ្ងៃពុធនេះថា រយៈពេលប៉ុន្មានថ្ងៃចុងក្រោយនេះ នៅរដ្ឋ Bihar និងរដ្ឋ Uttar Pradesh យ៉ាងហោចណាស់មានសាកសពប្រហែល ១០០ នាក់ត្រូវបានគេឃើញអណ្តែតនៅក្រោមស្ពានក្នុងទន្លេ Ganga ។
ស្របពេលជាមួយគ្នានេះដែរ បេសកម្មជាតិស្អាតទន្លេគង្គា (NMCG) របស់ក្រសួងធនធានទឹក បានជំរុញឲ្យរដ្ឋនានា នៅតាមបណ្តោយទន្លេគង្គា ទទួលយកវិធានការណ៍ដែលបានដាក់ចេញ ដើម្បីបញ្ឈប់ការបោះចោលសាកសពអ្នកជំងឺកូវីដនៅទន្លេគង្គា ។
នៅក្នុងលិខិតមួយ បេសកម្ម NMCG បានស្នើដល់គណៈកម្មាធិកាទន្លេគង្គាក្នុងតំបន់ ធានាឲ្យបាននូវការប្រុងប្រយ័ត្នខ្ពស់ តាមបណ្តោយដងទន្លេ ក្នុងដែនសមត្ថកិច្ចរបស់ខ្លួន ដើម្បីការពារ និងពិនិត្យមើលមូលហេតុរបស់មនុស្ស ដែលយកសាកសពទៅបោះចោលនៅទន្លេគង្គា និងដៃទន្លេផ្សេងទៀត ក៏ដូចជាសកម្មភាពណាមួយ ដែលមានគ្រោះថ្នាក់សម្រាប់ទន្លេគង្គា ដើម្បីការពារសុខភាព និងអនាម័យនៃតំបន់នេះ ។
បច្ចុប្បន្ន ចំនួនអ្នកស្លាប់ ដែលកំពុងកើនឡើងពីជំងឺរាតត្បាតកូវីដ ១៩ នៅឥណ្ឌាបាននាំឲ្យកន្លែងទុកសព ទីកន្លែងបញ្ចុះសព និងកន្លែងបូជាសពស្ថិតក្នុងសភាពណែនណាន់តាន់តាប់ ។
គួរបញ្ជាក់ថា គិតត្រឹមពេលនេះ ប្រទេសឥណ្ឌា មានករណីឆ្លងជំងឺកូវីដ ១៩ សរុបជាង ២៣ លានករណី និងមានអ្នកស្លាប់ចំនួន ២៥៤,២២៥ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
ចុចអាន ៖ សពអ្នកស្លាប់ដោយសារកូវីដកាន់តែច្រើន ត្រូវបានដឹកទាំងឡានៗ យកទៅទម្លាក់ពីលើស្ពានចូលទន្លេ គង្គា
ចុចអាន ៖ ការស្លាប់ដោយសារកូវីដនៅឥណ្ឌាបំបែកកំណត់ត្រាថ្មីទៀត ធ្វើឲ្យចំនួនសរុបកើនលើស ២៥ម៉ឺននាក់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង