កូវីដ-១៩
៥ចំណុច ព្រះភិក្ខុ គូ សុភាព ផ្ដល់ឱវាទថែសុខភាពផ្លូវចិត្តកំឡុងវិបិត្តិកូវីដ-១៩នៅអូសបន្លាយ
ព្រះភិក្ខុ វជិរប្បញ្ញោ គូ សុភាព បានផ្ដល់បទសម្ភាសដល់ កម្ពុជាថ្មី អំពីការថែទាំសុខភាពកំឡុងពេលសាកលលោកកំពុងជួបវិបត្តិកូវីដ-១៩ ដោយព្រះភិក្ខុ បានផ្ដល់ឱវាទ៥ចំណុចដើម្បីថែទាំសុខភាពផ្លូវចិត្តកំឡុងពេលយើងកំពុងរស់នៅក្នុងវិបត្តិកូវីដ-១៩ដែលបន្តអូនបន្លាយ។
ព្រះភិក្ខុ វជិរប្បញ្ញោ គូ សុភាព មានថេរដីកា ថាបញ្ហាកូវីដ-១៩ បានផ្ដល់ផលប៉ះពាល់តាំងពីជីវភាព ប្រាក់ចំណូល ទម្លាប់ សកម្មភាពរស់នៅ ទំនាក់ទំនង រហូតដល់ផ្លូវចិត្ត។
ព្រះភិក្ខុ បានបន្តសង្ឃដីកាទៀតថា នៅពេលយើងរស់នៅក្នុងបរិបទវិបត្តិកើតឡើងដោយការរាតត្បាតមេរោគកូវីដ-១៩ ក្នុងសង្គមយើងនេះ យើងគួរថែទាំសុខភាពផ្លូវចិត្តដោយ៖
១, បង្ការការពារខ្លួនវិញ ចេះបត់បែនផ្លាស់ប្ដូរឥរិយាបថរស់នៅ ប្រកាន់អនាម័យ រក្សាគម្លាត មិនចេញក្រៅច្រើនជាដើម គោរពតាមវិធានសុខាភិបាល ៣កុំ៣ការពារ។
២, កាត់បន្ថយចំណាយ ដោយមិនគួរចាយវាយច្រើនដូចមុនទៀតទេ គឺត្រូវមានសមតុល្យរវាងចំណូល និងចំណាយ និងមិនត្រូវចំណាយលើអ្វីដែលមិនចាំបាច់។
៣, កំណត់ខ្លួនឯង កុំរវល់តែចំណាយពេលតាមដានព័ត៌មានមិនពិតដែលធ្វើឱ្យខ្លួនភ័យព្រួយបារម្ភកាន់តែច្រើន។
៤, ប្រើពេលវេលាធ្វើកិច្ចការដែលខ្លួនចូលចិត្ត និងបានជាប្រយោជន៍ ដូចជាអានសៀវភៅ ដាំដំណាំ សម្អាតផ្ទះ ហាត់ប្រាណ ដើម្បីជំនួសពេលដែលខ្លួនទំនេរ ឬពេលមិនបានធ្វើកិច្ចការងារដូចពីមុន បញ្ចៀសអផ្សុក។
៥, រកពេលស្ដាប់ធម៌អប់រំចិត្ត រៀនចម្រើនសមាធិ នមស្ការព្រះរតនត្រៃ មុនពេលចូលគេង ដែលធ្វើឱ្យគេងបានលក់ ព្រោះបើភ័យច្រើននាំឱ្យគេងមិនលក់ ប៉ះពាល់សុខភាពផ្លូវកាយបន្តទៀត។ រៀនគិតតាមផ្លូវធម៌ ឱ្យចេះទទួលស្គាល់ការពិត “ទុក្ខសច្ចៈ” គឺសេចក្ដីទុក្ខតែងកើតមានជាធម្មតា ដូចនេះគួរកុំប្រមាថ បើមិនចង់ឱ្យទុក្ខកាន់តែធំ ឬទុក្ខឆាប់មកដល់។ ចេះបង្ការខ្លួនឱ្យបានល្អ និងមានក្ដីសង្ឃឹមថា បញ្ហាទាំងនោះនឹងអាចដោះស្រាយបាន ដូចជាគ្រូពេទ្យរកវ៉ាក់សាំង ថ្នាំព្យាបាលបានជាដើម។
ព្រះភិក្ខុមានសង្ឃដីកាបញ្ជាក់ថា ដូចនេះក្នុងកាលៈទេសៈនេះយើងត្រូវប្រយ័ត្នប្រយែងធ្វើយ៉ាងម៉េចឱ្យមានសុខភាពផ្លូវកាយល្អ សុខភាពផ្លូវចិត្តល្អ នៅពេលចប់កូវីដ-១៩ វិញ យើងប្រឹងប្រែងធ្វើការ ឬរៀបចំមុខរបរឡើងវិញឱ្យបានប្រសើរ។
អត្ថបទ៖ ច័ន្ទ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ