កូវីដ-១៩

មួយសប្តាហ៍នេះ ករណីឆ្លងជំងឺកូវីដ១៩ថ្មីនៅកម្ពុជា មានការថយចុះតែករណីស្លាប់បន្តកើនឡើង

បានផុស

៣ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

ភ្នំពេញ ៖ នៅក្នុងរយៈពេលមួយសប្តាហ៍នេះករណីឆ្លងជំងឺកូវីដ ១៩ថ្មីនៅប្រទេសកម្ពុជាហាក់មានការថយចុះជាបន្តបន្ទាប់ ខណៈករណីស្លាប់បែរជាមានការកើនឡើងគួរឲ្យព្រួយបារម្ភ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមក្រសួងសុខាភិបាលបានឲ្យដឹងថា ចាប់ពីថ្ងៃទី៧រហូតមកដល់ថ្ងៃទី១៣ខែឧសភាឆ្នាំ២០២១នេះ ករណីឆ្លងជំងឺកូវីដ១៩ថ្មី មានការថយចុះជាបន្តបន្ទាប់ គឺនៅថ្ងៃទី៧ឧសភាមានអ្នកឆ្លងថ្មីចំនួន៥៥៨នាក់ ថ្ងៃទី៨ឧសភាថយចុះមកនៅ៥៣៨នាក់ថ្ងៃទី៩ឧសភាថយចុះមកនៅ៥២០នាក់ថ្ងៃទី១០ឧសភាថយមក៥០៦នាក់ថ្ងៃទី១១ឧសភាថយមកនៅ៤៨០នាក់ថ្ងៃទី១២ឧសភាថយចុះមកនៅ៤៧២នាក់និងថ្ងៃទី១៣ថយចុះមកនៅ៤៤៦នាក់។

បើទោះបីជាករណីឆ្លងថ្មីមានការថយចុះក៏ពិតមែនតែចំនួនករណីស្លាប់ហាក់មានការកើនឡើងគួរឲ្យព្រួយបារម្ភ។ ជាក់ស្តែងនៅថ្ងៃទី៧និងទី៨ខែឧសភាមិនមានអ្នកស្លាប់ទេតែថ្ងៃទី៩មានអ្នកស្លាប់៦នាក់ថ្ងៃទី១០មានអ្នកស្លាប់ចំនួន៦នាក់ថ្ងៃទី១១មានស្លាប់៥នាក់ ថ្ងៃទី១២មានស្លាប់៥នាក់និងថ្ងៃទី១៣មានស្លាប់ចំនួន៥នាក់ និង ថ្ងៃទី១៣មានស្លាប់ចំនួន៦នាក់។

បើតាមក្រសួងសុខាភិបាល នៅថ្ងៃទី១៣នេះ មិនត្រឹមចំនួនអ្នកឆ្លងថ្មីថយចុះប៉ុណ្ណោះទេ ក៏មានករណីជាសះស្បើយបានកើនឡើងចំនួន៩៨០នាក់ផងដែរ។

គួរបញ្ជាក់ថា គិតត្រឹមព្រឹក ថ្ងៃទី១៣ ខែឧសភា ឆ្នាំ២០២១ កម្ពុជាមានអ្នកឆ្លងជំងឺកូវីដ១៩សរុបចំនួន២១១៤១នាក់អ្នកជាសះស្បើយចំនួន៩៥១៩នាក់និងអ្នកស្លាប់កើនឡើងដល់១៤២នាក់៕

ដោយ ៖ សំអឿន