កូវីដ-១៩
ខេត្តតាកែវមានអ្នកឆ្លងជំងឺកូវីដ‑១៩កើនឡើងជិត៣០០នាក់ និងស្លាប់៣នាក់
ភ្នំពេញ៖ លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវបានឲ្យដឹងថា គិតត្រឹមព្រឹកថ្ងៃទី១៤ ខែឧសភា ឆ្នាំ២០២១នេះ ខេត្តតាកែវមានអ្នកឆ្លងជំងឺកូវីដ‑១៩ ក្នុងព្រឹត្តិការណ៍សហគមន៍២០កម្ភៈ សរុបចំនួន២៨៨នាក់មានស្រី១៨១នាក់ ជាសះស្បើយចំនួន៥៣នាក់ ក្នុងនោះស្លាប់បាត់បង់ជីវិតចំនួន៣នាក់។
លោកវេជ្ជបណ្ឌិតបានបន្តថា ក្នុងចំណោមអ្នកឆ្លងជិត៣០០នាក់នោះ រកឃើញវិជ្ជមាននៅថ្ងៃទី១៣ ឧសភា ចំនួន៥២នាក់ ក្នុងនោះមានកម្មករធ្វើការនៅរោងចក្រសាន់បូ ចំនួន៤៣នាក់ និស្សិត១នាក់ អាជីវករផ្សារដើមគរចំនួន៧នាក់ និងអ្នកបកប្រែ និងកាន់ស្តុករោងចក្រចំនួន១នាក់ ខណៈមានអ្នកជំងឺកំពុងធ្វើសម្រាកព្យាបាលជំងឺនៅមន្ទីរពេទ្យចំនួន២៣៥នាក់។
លោកប្រធានមន្ទីរសុខាភិបាលបានអំពាវនាវដល់ប្រជាពលរដ្ឋត្រូវអនុវត្តកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្ថិភាពឱ្យបានម៉ឺងម៉ាត់បំផុត ពិសេសអនុវត្តវិធានការ៣ការពារ៣កុំឲ្យបានខ្ជាប់ខ្ជួន។
លោកវេជ្ជបណ្ឌិត នុត ស៊ីណាត បានបន្ថែមទៀតថា ជាងនេះទៀតត្រូវធ្វើចត្តាឡីស័កឲ្យបានត្រឹមត្រូវតាមការណែនាំរបស់ក្រសួងសុខាភិបាលដូចជាពាក់ម៉ាស កុំប្រឡែងគ្នា និងត្រូវរក្សាគម្លាតពីគ្នាដើម្បីចៀសវាងការឆ្លងជំងឺកូវីដ-១៩ ពីបុគ្គលមួយទៅបុគ្គលមួយទៀតនៅក្នុងកំឡុងពេលធ្វើចត្តាឡីស័កនេះ។
គួរបញ្ជាក់ថាគិតត្រឹមព្រឹក ថ្ងៃទី១៤ ខែឧសភា ឆ្នាំ២០២១ កម្ពុជាមានអ្នកឆ្លងជំងឺកូវីដ‑១៩ សរុប ២១,៤៩៩នាក់ មានអ្នកជាសះស្បើយចំនួន៩,៨៦៧នាក់ និងអ្នកស្លាប់ចំនួន១៤៧នាក់៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង