កូវីដ-១៩
វៀតណាមកាន់តែបារម្ភ អ្នកឆ្លងកូវីដភាគច្រើនមិនបញ្ចេញរោគសញ្ញា
ប្រហែល៦០ភាគរយនៃករណីឆ្លងវីរុសកូវីដ-១៩ក្នុងការផ្ទុះឡើងចុងក្រោយបង្អស់របស់ប្រទេសវៀតណាម គឺមិនបញ្ចេញរោគសញ្ញាទេ ដែលនេះបានបង្កជាបញ្ហាប្រឈមបន្ថែមទៀតដល់កិច្ចខិតខំប្រឹងប្រែងតាមដាននិងពិនិត្យរបស់ប្រទេស។
អ្នកជំងឺកូវីដប្រមាណ១,០០០នាក់ កំពុងត្រូវបានព្យាបាលនៅតាមមណ្ឌលវេជ្ជសាស្រ្តចំនួន៥០កន្លែងទូទាំងប្រទេស ខណៈមន្ទីរពេទ្យជាតិក្រុងហាណូយ កំពុងដោះស្រាយជាមួយអ្នកជំងឺដ៏ច្រើន។
ក្រសួងនិយាយថា ប្រហែលពាក់កណ្តាលនៃករណីដែលកំពុងព្យាបាលទាំងនេះ គឺមិនបញ្ចេញរោគសញ្ញា។
លោក Nguyen Van Kinh ដែលជាផ្នែកមួយនៃក្រុមអ្នកជំនាញ ទទួលខុសត្រូវចំពោះការធ្វើរោគវិនិច្ឆ័យលើអ្នកជំងឺកូវីដ បាននិយាយកាលពីថ្ងៃព្រហស្បតិ៍ថា ការមិនចេញរោគសញ្ញា គឺជាបញ្ហាប្រឈមសម្រាប់ដំណើរការពិនិត្យនៅតាមមន្ទីរពេទ្យ។
លោកនិយាយថា មានករណីជាច្រើន ដែលសូម្បីតែការស្កេនកាំរស្មី X សួត ក៏មិនបង្ហាញពីស្ថានភាពនៃការឆ្លងរបស់ពួកគេដែរ។ ហើយនៅពេលពិនិត្យឃើញ វាហួសពេលទៅហើយ។
ចំណែកលោក Nguyen Hong Ha អនុប្រធានសមាគមជំងឺឆ្លងវៀតណាម បាននិយាយថា ករណីមិនចេញរោគសញ្ញានេះ បានធ្វើឲ្យមានផលពិបាកក្នុងការរកឲ្យឃើញ និងតាមដានទំនាក់ទំនង។
លោកនិយាយថា “ប្រសិនបើយើងរង់ចាំតែមនុស្សបង្ហាញរោគសញ្ញាដូចជាគ្រុនក្តៅ ក្អកឬពិបាកដកដង្ហើមនោះ យើងប្រាកដជាពិបាកទប់ស្កាត់ការឆ្លងរោគ”។
គួរបញ្ជាក់ថា ក្នុងរលកចុងក្រោយនៃជំងឺកូវីដ-១៩ ប្រទេសវៀតណាម បានកត់ត្រាការឆ្លងក្នុងសហគមន៍ចំនួន៦៦៥ករណី នៅ២៦ទីតាំង ចាប់តាំងពីចុងខែមុនមក៕
ប្រែសម្រួលដោយ៖ Vann Vann
ប្រភព៖ VN Express
ចុចអាន៖ កូវីដផ្ទុះឡើងជាថ្មីនៅវៀតណាម ២៤ម៉ោងចុងក្រោយ រកឃើញការឆ្លងក្នុងសហគមន៍ជាង ១០០ករណី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង